ఏంటీ వీడిది..? Big Boss 9 సుమన్ శెట్టిని లాగేసిన పవన్ – హౌస్‌ షాక్!

బిగ్‌బాస్‌ హౌస్‌లో రోజురోజుకూ పిచ్చి పనులు పెరిగిపోతున్నాయి. టాస్క్‌ల పేరుతో మరిచి పోతున్నారు… చిన్నవారైనా, పెద్దవారైనా ఎవ్వరినీ గౌరవించడం లేదు.కొన్నిసార్లు ముదురు మాటలు, ఒక్కోసారి నెట్టడం, గట్టిగా ప్రవర్తించడం వరకు వెళ్లిపోతున్నారు. చూస్తున్నవాళ్లకు చిరాకు వచ్చినా, ఏమో చూద్దాం ఎలా అవుతుంది అని స్క్రీన్‌కు కట్టిపడిపోతున్నారు. అదే బిగ్‌బాస్ మ్యాజిక్ అనుకుంటున్నారు.తాజాగా బిగ్‌బాస్ కామనర్స్‌ మరియు సెలబ్రిటీలతో కలిసి ఓ టాస్క్ ఇచ్చాడు. హౌస్‌మేట్‌ల ముందు ఒక తిరుగుతున్న చక్రాన్ని పెట్టాడు. ప్రతి టీం నుంచి ఒక్కో వ్యక్తి చక్రాన్ని ఒక చేతితో పట్టుకోవాలి. చక్రం తిరుగుతున్న సమయంలో బిగ్‌బాస్ టాస్క్‌లు ఇస్తారు. ఎవరు టాస్క్‌ను పూర్తిచేస్తే వాళ్ల టైమ్‌కు ఒక గంట జత అవుతుంది.చక్రం ఆగే సమయానికి ఎవరి టైమ్ ఎక్కువగా ఉంటే, వారు విజేతలవుతారు. అయితే ఇందులో చిన్న ట్విస్ట్ ఉంది — ప్రత్యర్థిని గేమ్‌ నుంచి తొలగించే అవకాశం కూడా ఇచ్చాడు బిగ్‌బాస్. ఇదే అవకాశాన్ని కామనర్ డిమాన్ పవన్ తనకు అనుకూలంగా మలుచుకున్నాడు.టాస్క్‌లో సుమన్ శెట్టి చివరి దాకా బాగా పోటీ ఇచ్చాడు. కానీ పవన్ చివర్లో అతనిని బయటకు నెట్టి వేయాలనుకున్నాడు. ముందుగా మెడ పట్టుకుని లాగాడు. అయినా సుమన్ తన బ్యాలన్స్‌ మానేసాడు. తర్వాత కాలు పట్టుకుని కిందకి లాగేశాడు. దీంతో సుమన్ ఒక్కసారిగా కింద పడిపోయి, పల్టీలు కొట్టాడు.ఈ దృశ్యం చూసిన ప్రేక్షకులు షాక్‌కి గురయ్యారు. “ఇదేంటిరా పవన్‌.. ఆడటం రాకపోతే, వయసులో పెద్దోడంటే కనీస గౌరవం కూడా ఉండదా?” అంటూ సోషల్ మీడియాలో తీవ్రంగా విమర్శిస్తున్నారు.పవన్‌ తీరుపై నెటిజన్లు ఫైర్ అవుతున్నారు. గేమ్‌లో న్యాయం, గౌరవం ఉండాలే కానీ ఇలా చేయడం ఏమిటంటూ దుమ్మెత్తిపోస్తున్నారు.