షుగర్ పెరిగిందని కంగారొద్దు, మెంతుల్ని ఇప్పుడు చెప్పినట్లుగా తీసుకుంటే చాలు

మొలకెత్తిన మెంతుల్లో పోషకాలు పుష్కలంగా ఉంటాయి. విటమిన్ సి, ఎ, బి కాంప్లెక్స్ వంటి పోషకాలతో పాటు ప్రోటీన్ కాల్షియం, ఫైబర్‌లు పుష్కలంగా ఉన్నాయి. విటమిన్ సి ఇమ్యూనిటీని పెంచుతాయి. విటమిన్ ఎ కళ్ళకి ఎంతో మంచిది. బి కాంప్లెక్స్ విటమిన్స్ బాడీని ఎనర్జీగా ఉంచుతాయి. ప్రోటీన్ కండరాల పెరుగుదలకి హెల్ప్ చేస్తాయి. కాల్షియం ఎముకల్ని బలంగా చేస్తాయి. అంతేకాదు, ఇందులోని ఫైబర్ ఆరోగ్యానికి చాలా మంచిది. వీటిని మనం నేరుగా తినడం కష్టం. కాబట్టి. అనేక ఫుడ్స్‌లో కలిపి తీసుకోవచ్చు. అన్నంలో కొద్దిగా నెయ్యితో కలిపి తినొచ్చు. మెంతుల్ని మొలకలుగా చేయడం దగ్గర్నుంచీ వాటిని ఎలా తినాలో వరకూ న్యూట్రిషనిస్ట్ ప్రమీల చెబుతున్నారు. సాధారణంగా శనగలు, పెసలు, పల్లీల వంటివాటితో ఎక్కువగా మొలకలు చేసి తింటారు. కానీ, ఈ సారి మెంతులతో ట్రై చేయండి. మరిన్ని లాభాలు ఉంటాయి. అవేంటో తెలుసుకోండి.

మెంతులు మొలకల్లా మారేందుకు

ముందుగా మెంతుల్ని ఎలాంటి దుమ్ము, ధూళి లేకుండా క్లీన్‌గా కడగండి. తర్వాత నీరు పోసి రాత్రంతా నానబెట్టండి. వీటిని తీసి పల్చని క్లాత్‌లో వేసి ఉంచండి. తడి ఆరిపోయిందనుకున్నప్పుడల్లా కొద్దిగా నీటిని స్ప్రే చేయండి. ఇవి నార్మల్ స్ప్రౌట్స్ కంటే ఎక్కువగా టైమ్ పడుతుంది. 3 రోజుల్లో మొత్తం మొలకలు వచ్చేస్తాయి. వీటిని తీసుకోవడం వల్ల ఏ లాభాలుంటాయంటే

షుగర్ కంట్రోల్, గుండె ఆరోగ్యం

మొలకెత్తిన మెంతుల్లో గెలాక్టోమన్నన్, అమైనో యాసిడ్స్ ఉంటాయి. ఇవి బ్లడ్ షుగర్ లెవల్స్‌ని కంట్రోల్ చేస్తాయి. అంతేకాకుండా మెంతుల మొలకల్లోని ఎంజైమ్స్ రక్తంలోని షుగర్‌ని కంట్రోల్ చేస్తాయి. షుగర్ ఉన్నవారు మెంతులు తింటే మంచిది. అలానే కాకుండా మొలకల్లా చేసి తింటే మరీ మంచిది. దీంతో షుగర్ లెవల్స్‌ని బ్యాలెన్స్ చేయొచ్చు. అలానే, మొలకెత్తిన మెంతుల్లో పోషకాలు గుండె ఆరోగ్యాన్ని మెరుగ్గా చేస్తాయి. వీటిని మీ డైట్‌లో యాడ్ చేసుకుంటే గుండె సమస్యల ప్రమాదం చాలా వరకూ తగ్గుతుంది.

ఇమ్యూనిటీ

మెంతుల్లో ఐరన్, మెగ్నీషియం, విటమిన్ సి, ప్రోటీన్‌లు పుష్కలంగా ఉంటాయి. ఈ మెంతుల మొలకల్లో యాంటీ ఆక్సిడెంట్స్, యాంటీ ఇన్‌ఫ్లమేటరీ గుణాలు ఉన్నాయి. వీటిని తీసుకోవడం వల్ల చాలా వరకూ ఇమ్యూనిటీ పెరుగుతుంది. దీంతో జలుబు, దగ్గు, జ్వరం వంటి సీజనల్ ప్రాబ్లమ్స్ వంటివి దూరమవుతాయి.

బరువు తగ్గడం

మొకెత్తిన మెంతుల్ని తీసుకోవడం వల్ల ఎక్కువసేపు కడుపు నిండుగా ఉంటుంది. దీనికి కారనం ఇందులోని ఫైబర్. వీటిని ప్రతిరోజూ తినడం వల్ల ఆకలి కంట్రోల్ అవుతుంది. దీంతో ఫుడ్స్ ఎక్కువగా తీసుకోరు. బరువు కూడా తగ్గుతారు. బరువు తగ్గాలనుకునేవారు వీటిని వారి డైట్‌లో యాడ్ చేసుకోవడం మంచిది. అయితే, ఎలా తీసుకోవాలో తెలియదు. అలాంటివారు మీకు నచ్చే సలాడ్స్, ఉప్మా, పోహా వంటివాటిలో కూడా తీసుకోవచ్చు.

పీరియడ్స్ ప్రాబ్లమ్స్

ఆడవారిలో అత్యంత సాధారణ ప్రాబ్లమ్ పీరియడ్స్. ఈ టైమ్‌లో చాలా మందికి పీరియడ్స్ నొప్పి, మెనోపాజ్, ఇతర ప్రాబ్లమ్స్‌ చాలా వరకూ దూరమవుతాయి. జీర్ణ సమస్యలు ఉన్నవారు వీటిని తీసుకుంటే ఇందులోని ఫైబర్ ఆ ప్రాబ్లమ్స్‌ని తగ్గిస్తాయి.

మొలకెత్తిన మెంతుల్ని ఎలా తీసుకోవాలి?

జుట్టు రాలడం, ముడతలు దూరమయ్యేందుకు

మెంతుల్లో యాంటీ ఆక్సిడెంట్స్ ఉంటాయి. వీటిని తీసుకోవడం వల్ల వృద్ధాప్యం కారణంగా వచ్చే ముడతలు తగ్గుతాయి. మెంతుల్లో ప్రోటీన్, లెసిథిన్ అనేవి ఉంటాయి. వీటి వల్ల జుట్టు రాలడం తగ్గుతుంది. ఎలాంటి కెమికల్స్ లేకుండా చర్మాన్ని, జుట్టుని నేచురల్‌గా కాపాడుకోవాలంటే మొలకల మెంతుల్ని తీసుకోవడం మంచిది.

ఎలా తినొచ్చు

మొలకెత్తిన మెంతుల్ని మీరు ఎన్నో విధాలుగా తీసుకోవచ్చు.

సలాడ్స్‌లో వేసి తినొచ్చు.

కూరల్లో కలపొచ్చు.

పెరుగుతో కలిపి తీసుకోవచ్చు.

స్మూతీస్‌లో కలిపి తీసుకోవచ్చు.

సూప్స్‌లో కూడా తీసుకోవచ్చు.

మొలకెత్తిన మెంతులు ఆరోగ్యానికి చాలా మంచిది. గర్భిణీలు, పాలిచ్చే ఆడవారు, అలర్జీ సమస్యలు ఉన్నవారు తీసుకోకపోవడమే మంచిది.