బెల్లీ ఫ్యాట్‌, జీర్ణ సమస్యల్ని ఒకేసారి దూరం చేసే మత్స్యాసనం

ప్రజెంట్ ఎక్కువ మంది బాధపడేది స్థూలకాయంతో. అధిక బరువు మన ఆరోగ్యాన్ని రోజురోజకీ దెబ్బతీస్తూనే ఉంటుంది. బెల్లీ ఫ్యాట్ కూడా అంతే, వీటి వల్ల చూడ్డానికే ఇబ్బంది మాత్రమే కాదు, వాటి వల్ల నష్టాలు కూడా అంతే విధంగా ఉంటాయి. వీటిని దూరం చేసుకోవాలంటే ఏదో ఓ వర్కౌట్ మనం చేయాల్సిందే. కొంతమందికి జిమ్‌కి వెళ్లి వర్కౌట్ చేయడం ఇష్టం ఉంటుంది. అలాంటివారు యోగా చేయొచ్చు. యోగాసనాలు చేయడం వల్ల చాలా వరకూ ఫలితాలు ఉంటాయి. బాడీ ఫ్లెక్సిబిలిటీ పెరుగుతుంది. పోశ్చర్ ఇంప్రూవ్ అవుతుంది. ముఖ్యంగా మనం ఏ భాగంలో భంగిమలో ఉంటామో ఆ భాగంలోని ప్రాబ్లమ్స్ దూరమవుతాయి. మత్స్యాసనం కూడా అంతే. దీనిని చేయడం వల్ల కలిగే లాభాలు అంతా ఇంతా కాదు. ఈ ఒక్క ఆసనంతో చాలా వరకూ అధిక బరువు దగ్గర్నుంచీ బెల్లీ ఫ్యాట్ కూడా చాలా వరకూ తగ్గుతుంది. అంతేకాదు, మరిన్ని లాభాలు కూడా ఉన్నాయి. అవేంటో తెలుసుకోండి.

ఎలా చేయాలి.

ముందుగా మత్స్యాసనం ఎలా చేయాలో తెలుసుకుని దీని వల్ల కలిగే లాభాల గురించి తెలుసుకుందాం.

ముందుగా యోగా మ్యాట్‌పై వెల్లకిలా పడుకోవాలి.

ఇప్పుడు మీ అప్పర్ బాడీని కొద్దిగా పైకి లేపాలి. వీపు భాగం పైకి ఉండేలా చూసుకోండి.

తలని కిందే ఉంచాలి.

బ్యాక్, తల నేలపై మాత్రమే ఉండాలి.

ఛాతీ భాగం మాత్రమే పైకి లేవాలి.

పాదాలను స్ట్రెయిట్‌గా నేలపై ఆన్చి అలానే ఉంచండి.

చేతుల్ని నేలపై ఆన్చి అలానే ఉంచండి. మీకు సపోర్ట్ కావాలనుకుంటే చేతుల్ని నేలపై ప్రెస్ చేయొచ్చు.

ఇదే ఆసన స్థితిలో శ్వాస తీసుకోండి. 15 నుంచి 30 సెకన్ల పాటు అలానే ఉండండి.

చెస్ట్, థ్రోట్ వంటి భాగాల్లో కాస్తా ఒత్తిడిని ఫీల్ అవ్వండి.

ఉండగలిగేంతసేపు అలానే ఉంచి తర్వాత ఆసనం వదలాలి. ఈ ఆసనం చేయడం వల్ల కలిగే లాభాలు చూద్దాం.

ఎలా పనిచేస్తుంది

మత్స్యాసనం చేయడం వల్ల ఉదర కండరాలు యాక్టివేట్ అవుతాయి. దీంతో అక్కడి కొవ్వు నిల్వలు తగ్గుతాయి. సరిగ్గా చేస్తే కడుపులోని నరాలు, కండరాలు సాగుతాయి. రక్తప్రసరణ మెరుగ్గా మారుతుంది. క్రమంగా కొవ్వు తగ్గుతుంది. కేవలం బెల్లీ ఫ్యాట్ తగ్గేందుకు మాత్రమే కాదు ఇతర శారీరక సమస్యల్ని కూడా దూరం చేస్తుంది. వెన్నెముకని స్ట్రెచ్ చేస్తుంది. వెన్నునొప్పి, దృఢత్వాన్ని తగ్గిస్తుంది.

పోశ్చర్ మెరుగ్గా మారడం

మత్స్యాసనం చేయడం వల్ల మీ లోయర్ బ్యాక్, మజిల్స్ స్ట్రెంథ్‌గా మారతాయి. స్ట్రెచ్ అవుతాయి. నెక్ కూడా స్ట్రెచ్ అవుతుంది. రెగ్యులర్‌గా ఈ ఆసనం చేయడం వల్ల స్పైనల్‌కి చాలా మంచిది. దీని వల్ల చాలా వరకూ టెన్షన్ తగ్గుతుంది. కూర్చునే జాబ్ చేసేవారికి నడుమునొప్పి వీపు నొప్పి వంటివి వస్తాయి. ఈ ఆసనం ఎక్కువగా మజిల్స్, అప్పర్ బ్యాక్, నెక్‌ని టార్గెట్ చేస్తుంది. దీని వల్ల ఈ ప్రాంతంలో ఉండే పెయిన్ ప్రాబ్లమ్స్ తగ్గుతాయి. ఈ ఆసనం చేయడం వల్ల ఫ్లెక్సిబిలిటీ పెరగడమే కాకుండా స్పైన్ స్ట్రెంథ్ పెరుగుతుంది. ఇది మొత్తం స్పైనల్ హెల్త్‌కే చాలా మంచిది. అలాంటివారికి ఈ ఆసనం చాలా మంచిది. దీని వల్ల చెస్ట్ ఓపెన్ అవుతుంది. ఊపిరితిత్తుల నిండా గాలి పీల్చుకుంటాం. ఈ కారణంగా శ్వాస సమస్యలు తగ్గి ఆస్తమా కూడా దూరమవుతుంది.

బెల్లీ ఫ్యాట్

మత్స్యాసనం చేయడం వల్ల అబ్డామినల్ మజిల్స్ స్టిమ్యులేట్ అవుతాయి. దీంతో జీర్ణశక్తి పెరగడంతో పాటు మెటబాలిజం పెరుగుతుంది. కోర్ ఎంగేజ్ అవుతుంది. దీంతో బెల్లీ టోన్ అయి ఆ ప్రాంతంలోని ఫ్యాట్ కరుగుతుంది. బెల్లీ ఫ్యాట్‌ని తగ్గించుకోవాలనుకునేవారు. రెగ్యులర్‌గా ఈ ఆసనం చేస్తే మంచిది. ఈజీగా చేసే ఈ ఆసనంతో చాలా వరకూ బెల్లీ తగ్గుతుంది. ఇతర లాభాలు కూడా ఉన్నాయి. పెద్దగా కష్టపడకుండానే ఫ్యాట్ కరిగిపోయి కండరాలు టోన్ అవుతాయి.

థైరాయిడ్

ఈ ఆసనంలో మెడ కండరాలు స్ట్రెచ్ అవుతాయి. దీంతో థైరాయిడ్, పారాథైరాయిడ్ గ్లాండ్స్ యాక్టివేట్ అవుతాయి. ఇవి మెటబాలిజాన్ని పెంచుతాయి. కాల్షియం లెవల్స్‌ని కూడా రెగ్యులేట్ చేస్తాయి. ఈ ఆసనం చేయడం వల్ల బాడీ రిలాక్స్ అవుతుంది. మన బాడీలోని స్ట్రెస్ హ్మారోన్స్ తగ్గుతాయి. దీంతో ఒత్తిడి వంటి సమస్యలు కూడా తగ్గుతాయి. దీంతో థైరాయిడ్‌తో వచ్చే సమస్యలుకూడా తగ్గుతాయి.

మత్స్యాసనం ఎలా చేయాలి?

జీర్ణ సమస్యలు

మత్స్యాసనం చేయడం వల్ల అబ్డామినల్ అవయవాలకి మసాజ్ చేసినట్లుగా ఉంటుంది. దీంతో జీర్ణ వ్యవస్థ మెరుగ్గా మారి బ్లోటింగ్, మలబద్ధకం కూడా తగ్గుతుంది. అంతేకాకుండా, చాలా మంది ఆడవారికి పీరియడ్స్ టైమ్‌లో కడుపునొప్పి, ఇతర సమస్యలు వంటివి వస్తాయి. వారు ఈ ఆసనం చేయడం వల్ల పీరియడ్స్‌ టైమ్‌లో వచ్చే నొప్పి వంటి సమస్యలు చాలా వరకూ దూరమవుతాయి.