మణిపూర్‌లో అస్సాం రైఫిల్స్‌పై దాడి: ఉద్రిక్తతలు కొనసాగుతున్నవి

శుక్రవారం రాత్రి మణిపూర్ రాజధాని ఇంఫాల్‌లో ఉద్రిక్త పరిస్థితులు తలెత్తాయి. గుర్తు తెలియని దుండగులు అస్సాం రైఫిల్స్ సైనికులు ప్రయాణిస్తున్న వాహనంపై కాల్పులు జరిపారు.ఈ ఆకస్మిక దాడి భద్రతా వ్యవస్థలను కుదిపేసింది. 407 టాటా వాహనంలో ప్రయాణిస్తున్న సైనికులు ఇంఫాల్ నుండి బిష్ణుపూర్ వైపు వెళ్తున్నారు. సాయంత్రం సమయంలో చురాచంద్‌పూర్ మార్గంలో నంబోల్ సబెల్ లీకాయ్ వద్ద ఈ ఘటన చోటుచేసుకుంది. ఆకస్మాత్తుగా దుండగులు తుపాకులతో కాల్పులు ప్రారంభించారు. ఈ దాడి లక్ష్యం సైనికులే అయినట్లు అనుమానాలు వ్యక్తమవుతున్నాయి. దాడిలో ఒక అధికారి తీవ్రంగా గాయపడ్డారు. ఆయనకు తక్షణమే వైద్య సాయం అందించారని సమాచారం, అయితే ఆయన పరిస్థితిపై ఇంకా అధికారిక ప్రకటన వెలువడలేదు.ఘటన స్థలం ఇంఫాల్ విమానాశ్రయానికి సమీపంలో ఉండటం కలవరానికి దారి తీస్తోంది. కేవలం 8 కిలోమీటర్ల దూరంలోనే కాల్పులు జరగడంతో భద్రతపై ప్రజల్లో ఆందోళన పెరిగింది. ఇది భద్రతా లోపమా లేక ముందుగా రచించిన దాడా? అనే ప్రశ్నలు తలెత్తుతున్నాయి. దాడికి బాధ్యులు ఎవరన్నది ఇంకా స్పష్టతకు రాలేదు. మణిపూర్‌లో ఇటీవల కాలంలో గుంపుల మధ్య గల విభేదాలు, సాయుధ ఘర్షణలు జరుగుతున్న నేపథ్యంలో ఈ దాడి అనుసంధానితంగా ఉందా అన్న కోణంలో దర్యాప్తు కొనసాగుతోంది.
*సైన్యం స్పందన : ఈ దాడిని సైన్యం తీవ్రంగా పరిగణిస్తోంది. దుండగులను పట్టుకునేందుకు విస్తృతంగా శోధన ప్రారంభించారు. దాడి వెనుక ఉద్దేశం ఏమిటి? ఎందుకు సైనికులను లక్ష్యంగా చేసుకున్నారు? వంటి అంశాలపై లోతుగా విచారణ జరుగుతోంది. కేంద్ర భద్రతా సంస్థలు కూడా దీనిపై నివేదికలు సేకరిస్తున్నాయి. ఈ ఘటన ఇంఫాల్ పరిసర ప్రాంతాల్లో భయాన్ని రేపింది. ప్రజలు రాత్రి బయటకు రావడానికి జంకుతున్నారు. భద్రతా దళాలు మోహరించి పరిస్థితిని అదుపులోకి తెచ్చే చర్యలు చేపట్టాయి.
*ముందుజాగ్రత్త చర్యలు :ఇలాంటి ఘటనలు మరల జరగకుండా సైన్యం భద్రతా ఏర్పాట్లను మరింత బలోపేతం చేయనుంది. సైనిక వాహనాల రాకపోకలకు ప్రత్యేక రక్షణ కల్పించనున్నారు. స్థానిక పోలీసు బలగాలు సైనికులతో కలిసి క్షేత్ర స్థాయిలో గట్టి పర్యవేక్షణ చేపడతాయి. మణిపూర్‌లో మళ్లీ ఉద్రిక్త పరిస్థితులు ఏర్పడకుండా జాగ్రత్తలు తీసుకుంటామని అధికారులు తెలిపారు. అస్సాం రైఫిల్స్‌పై జరిగిన ఈ దాడి వెనుక ఉన్న దురుద్దేశ్యాలు త్వరలో బయటపడతాయని ఆశిస్తున్నారు. రక్షణను కాపాడుతున్నాయి.