"ఒమన్ బౌలర్‌ ఆటను చూసి నేర్చుకో షాహిన్‌!" – వసీమ్‌ అక్రమ్ ఫైర్

ఒమన్ బౌలర్ షా ఫైజల్‌ను చూసి, ఎలా బౌలింగ్ చేయాలో షాహిన్ అఫ్రిది నేర్చుకోవాలని పాకిస్థాన్ మాజీ క్రికెట్ దిగ్గజం వసీమ్ అక్రమ్ వ్యాఖ్యానించారు.ఆసియా కప్లో భాగంగా అబుదాబీ వేదికగా శుక్రవారం జరిగిన టీమ్ ఇండియా vs ఒమన్ మ్యాచ్‌లో భారత్ 21 పరుగుల తేడాతో విజయం సాధించింది. ఈ మ్యాచ్‌లో ఒమన్ బౌలర్లు ముఖ్యంగా ఆకట్టుకున్నారు.వీరిలో షా ఫైజల్, అద్భుతమైన పుల్ డెలివరీతో టీమ్‌ఇండియా ఓపెనర్ శుభ్‌మన్ గిల్‌ను క్లీన్ బౌల్డ్ చేయడంతో అందరి దృష్టిని ఆకర్షించాడు.ఈ బంతిని గమనించిన వసీమ్ అక్రమ్, "ఫైజల్ బౌలింగ్‌ను చూస్తే నిజంగా ప్రేరణ కలుగుతుంది. షాహిన్ అఫ్రిది అతడి లెంథ్ బంతులు ఎలా వేస్తున్నాడో గమనించి, సూపర్-4 మ్యాచ్‌కు సిద్ధమవ్వాలి" అంటూ సున్నితంగా హితవు పలికాడు.గత మ్యాచ్‌లో షాహిన్ డౌన్‌ఫామ్‌లో ఇంతకుముందు గ్రూప్‌ స్టేజ్‌లో భారత్‌తో జరిగిన మ్యాచ్‌లో షాహిన్ అఫ్రిది ఘోరంగా విఫలమయ్యాడు. కేవలం రెండు ఓవర్లు మాత్రమే బౌలింగ్ చేసిన అతడు, వికెట్‌ సాధించకుండా 23 పరుగులు ఇచ్చేశాడు. ఈ ప్రదర్శనపై అభిమానులు, విశ్లేషకులు తీవ్ర అసంతృప్తి వ్యక్తం చేశారు."సింపుల్ లెంథ్, క్లీవర్ మార్పులు అవసరం" – వసీమ్ అక్రమ్" షాహిన్ ఎలా బౌలింగ్ చేస్తాడో ఇప్పుడు ప్రతీ బ్యాటర్‌కు తెలుసు. అతడు ఇక పాత ప్లాన్ వదిలేసి కొత్త ప్లాన్‌ బి కింద బౌలింగ్ చేయాలి. ముఖ్యంగా ఫైజల్ వేసిన లెంథ్‌ను గమనించాలి. ఒకటి రెండు యార్కర్లు వేయడం సరే కానీ, ఓ ఓవర్లో అంతా యార్కర్లే వేస్తే చాలు – ఒక్క తప్పు బంతిని బ్యాటర్ బౌండరీకి తరలించేస్తాడు" అని వసీమ్ తేల్చిచెప్పాడుషాహిద్ అఫ్రిది కూడా ఆగ్రహం వ్యక్తం ఇటీవల షాహిద్ అఫ్రిది సైతం తన అల్లుడు షాహిన్ ప్రదర్శనపై అసంతృప్తి వ్యక్తం చేశాడు. "షాహిన్ రన్స్ చేయడం కన్నా బౌలింగ్‌లో ప్రభావం చూపాలి. అతడు బౌలర్‌గా జట్టులో ఉన్నాడు. కొత్త బంతితో స్వింగ్ రాబట్టి, వికెట్లు తీయడంపై దృష్టి పెట్టాలి" అంటూ హితవు ఇచ్చాడు.