అలా అయితే మీ పీఎఫ్ అకౌంట్ క్లోజ్..! వడ్డీ కూడా రాదు

మీరు ప్రైవేట్ రంగంలో ఉద్యోగం చేస్తున్నారా.. అయితే మీకు పీఎఫ్ ఖాతా గురించి తెలిసే ఉంటుంది. దీనిని ముఖ్యంగా రిటైర్మెంట్ ప్రయోజనాల కోసమే కేంద్రం తీసుకొచ్చింది. ఇది గొప్ప సామాజిక భద్రతా పథకంగా ఉంది. ఇందులో భాగంగా.. ప్రతి నెలా కంపెనీ.. ఉద్యోగుల వేతనంలో నుంచి 12 శాతం పీఎఫ్ ఖాతాలోకి జమ చేయాల్సి ఉంటుంది. మళ్లీ కంపెనీ 12 శాతం జమ చేయాలి. ఈ 12 శాతంలో.. 8 శాతానికిపైగా ఈపీఎస్ ఖాతాలోకి వెళ్తుంది. మరో 3 శాతానికిపైగా ఈపీఎఫ్ ఖాతాలోకి వెళ్తుంది. ఇంకా.. కేంద్రం ప్రతి ఆర్థిక సంవత్సరం చివర్లో వడ్డీ జమ చేస్తుంది. ఈ వడ్డీ రేటు ప్రస్తుతం 8.25 శాతంగా ఉంది.

>> ఇంకా పీఎఫ్ నిధుల్ని రిటైర్మెంట్ తర్వాత పూర్తిగా తీసుకునేందుకు వీలుంటుంది. అయితే.. మధ్యలో కూడా కొన్ని అవసరాల కోసం తాత్కాలికంగా కొంత మొత్తం డబ్బులు తీసుకోవచ్చు. ఇక్కడ పెళ్లిళ్లు, ఇంటి రెనోవేషన్, వైద్య అవసరాలు, చదువుల కోసం.. డబ్బులు తీసుకునేందుకు ఛాన్స్ ఉంటుంది.

అయితే.. కొన్ని కారణాల వల్ల పీఎఫ్ అకౌంట్ ఇనాక్టివ్ (నిష్క్రియంగా) అయ్యే అవకాశం కూడా ఉంటుంది. ఇక్కడ మీరు ఉద్యోగం మారినప్పుడు కొన్ని జాగ్రత్తలు తీసుకోకుంటే.. అకౌంట్ ఇన్ ఆపరేటివ్‌గా మారి.. ఇంకా మీ డబ్బులపై వడ్డీ కూడా రాకుండా ఉండే ప్రమాదం ఉంటుంది. పీఎఫ్ అకౌంట్లో వరుసగా 36 నెలల పాటు (మూడేళ్లు) ఎలాంటి ట్రాన్సాక్షన్స్ జరగ్గపోతే.. అంటే ఇక్కడ డబ్బు జమ చేయడం, విత్ డ్రా లేదా బదిలీ చేయడం వంటివి జరగకుంటే అప్పుడు ఖాతా ఇన్‌ఆపరేటివ్‌గా మారుతుంది.

ఇక్కడ మీరు ఇది గుర్తించాలి. లేకపోతే.. పీఎఫ్ ఖాతాలోని మీ పొదుపు మొత్తంపై వడ్డీ రాదు. మీ సేవింగ్స్ అక్కడే ఆగిపోతాయి. ఇది జరగకుండా చూసుకోవాలి. ముఖ్యంగా.. మీ పీఎఫ్ అకౌంట్ ఇనాపరేటివ్‌గా మారినా.. ఆందోళన చెందాల్సిన పని లేదు. మీ యూఏఎన్.. కేవైసీతో లింక్ అయి ఉంటే.. దాన్ని ఆన్‌లైన్‌లోనే అన్ బ్లాక్ చేసుకోవచ్చు.

ఈపీఎఫ్ఓ మెంబర్ పోర్టల్‌లోకి లాగినై.. ఇనాపరేటివ్ ఖాతాను అన్‌బ్లాక్ చేయమని అభ్యర్థన చేయొచ్చు. మీ రిక్వెస్ట్ ప్రస్తుత ఓనర్ లాగిన్‌కు వెళ్తుంది. వారు దానిని ఆమోదించడం లేదా తిరస్కరించడం చేస్తారు. యజమాని ఈ రిక్వెస్ట్‌ను ప్రాసెస్ చేసేందుకు 15 రోజుల టైమ్ ఉంటుంది. ఒకసారి యజమాని ఆమోదిస్తే.. మీ అకౌంట్ అన్‌బ్లాక్ అవుతుంది. అప్పుడు ఆన్‌లైన్‌లో క్లెయిమ్ చేసుకోవచ్చు. ముఖ్యంగా.. మీ పీఎఫ్ అకౌంట్ ఇనాపరేటివ్‌గా మారొద్దంటే.. ఉద్యోగం మారిన ప్రతి సారీ మీ పాత బ్యాలెన్స్‌ను .. కొత్త అకౌంట్‌కు బదిలీ చేసుకోవాల్సిన అవసరం ఉంది.