మహిళలకు ఒక్కొక్కరికి రూ. 50 వేలు,,,ఇన్ఫోసిస్ గొప్ప అవకాశం

ఈ రోజుల్లో ఉద్యోగాలు చేసే మహిళల సంఖ్య పెరుగుతోంది. చాలా కంపెనీలు కూడా తమ కంపెనీల్లో.. పురుషులతో సమానంగా మహిళల్ని ఉండేలా చూసుకుంటున్నాయి. ఇందులో భాగంగా.. వారిని చేర్చుకునేందుకు ప్రోత్సాహం కల్పిస్తున్నాయి. అయితే.. పెళ్లిళ్లు అయ్యాక.. కుటుంబ బాధ్యతల కోసం చాలా మంది ఉద్యోగాల్ని వదిలేస్తున్నారు. అయితే ఇక్కడ పిల్లలు పెద్దయ్యాక.. తిరిగి జాబ్ చేయాలని కోరిక కలిగినా.. ఆప్షన్ లేక ఆగిపోతుంటారు. అయితే ఇప్పుడు ఇలాంటి వారి కోసం దిగ్గజ ఐటీ సంస్థ.. ఇన్ఫోసిస్ అద్భుత అవకాశం కల్పిస్తోంది. కుటుంబం, ఇతర బాధ్యతల కోసం కెరీర్‌కు బ్రేక్ ఇచ్చి.. మళ్లీ ఉద్యోగంలో చేరాలనుకునే వారికి బంపరాఫర్ ప్రకటించింది.

ఇప్పుడు ఇన్ఫోసిస్ రీస్టార్ట్ విత్ ఇన్ఫోసిస్ అనే కొత్త నియామక ప్రక్రియ ప్రారంభించింది. ఇక్కడ కనీసం 6 నెలలు ఉద్యోగ జీవితానికి బ్రేక్ తీసుకున్న మహిళలకు ఇందులో భాగంగా.. తమ కంపెనీలోకి తీసుకోవాలని లక్ష్యంగా పెట్టుకుంది. ఈ ప్రోగ్రామ్ గురించి.. ఇన్ఫీ ఉద్యోగులకు మెయిల్ చేసినట్లు తెలుస్తోంది. ఇక్కడ అలాంటి మహిళా ఉద్యోగుల్ని రిఫర్ చేస్తే.. వారికి రివార్డులు అందించనున్నట్లు స్పష్టం చేసింది. ఇది గరిష్టంగా రూ. 50 వేల వరకు ఉంటుంది. ఇది ఉద్యోగుల్లో సరికొత్త జోష్ నింపింది. జేఎల్‌3 కి రిఫర్ చేస్తే రూ. 10 వేలు ప్రోత్సాహకం ఉంటుంది. జేఎల్4 కు రూ. 25 వేలు, జేఎల్5కి రూ. 35 వేలు, జేఎల్6 కు రూ. 50 వేల చొప్పున ప్రోత్సాహకాలు అందించనుంది.

 >> అర్హతల విషయానికి వస్తే.. అంతకుముందు కనీసం 2 సంవత్సరాలు పని చేసి ఉండాలి. వరుసగా 6 నెలల పాటు ఉద్యోగం నుంచి బ్రేక్ తీస్కొని ఉండాలి. ముఖ్యంగా ఈ కార్యక్రమం ద్వారా.. టెక్ లీడ్, డెవలపర్, మేనేజర్ స్థాయిల్లో .నెట్, జావా, SAP, ఒరాకిల్, పైథాన్, సేల్స్‌ఫోర్స్ ఇలాంటి టెక్నాలజీలకు సంబంధించిన ఉద్యోగాల్ని భర్తీ చేయాలని చూస్తోంది.

ఇన్ఫోసిస్ తన ESG (ఎన్విరాన్‌మెంటల్, సోషల్ అండ్ గైడెన్స్) విజన్ 2030లో భాగంగా.. తమ మొత్తం ఉద్యోగుల సంఖ్యలో మహిళల ప్రాతినిథ్యాన్ని పెంచాలని.. దీనిని కనీసం 45 శాతానికి చేర్చాలని లక్ష్యంగా పెట్టుకుంది. ప్రస్తుతం ఇన్ఫీ ఉద్యోగుల్లో మహిళల వాటా 39 శాతంగా ఉంది. ఇక్కడ కేవలం ఉద్యోగం ఇవ్వడం మాత్రమే కాదు.. బ్రేక్ తర్వాత తిరిగి వస్తున్న మహిళలకు.. నైపుణ్యాభివృద్ధి, మెంటార్‌షిప్ ట్రైనింగ్ కూడా ఇవ్వనుంది. ఇది ఆ మహిళలో ఆత్మవిశ్వాసాన్ని పెంపొందించడమే కాకుండా.. వారి కెరీర్ ఆశయాల్ని చేరుకునేందుకు సహాయపడుతుందని భావిస్తోంది. ఈ కార్యక్రమం ద్వారా.. ఇప్పటికే గత ఆర్థిక సంవత్సరంలో దాదాపు 900 మంది మహిళల్ని తిరిగి ఉద్యోగాల్లో చేర్చుకుంది. దానికి ముందు ఏడాది 500 మందిని చేర్చుకుంది.