ఇలా చేస్తే బేబి స్కిన్‌లా మీ చర్మం కూడా మెరిసిపోతుంది

సూర్యుడి నుంచి వచ్చే కిరణాలు చర్మాన్ని నల్లగా మారుస్తాయి. దీని వల్ల సన్‌టాన్ ఏర్పడుతుంది. ఈ ప్రాబ్లమ్‌ని దూరం చేయడానికి రాత్రికి రాత్రే ఏం చేయలేం. కొన్ని కొన్ని టిప్స్ ట్రై చేస్తే నేచురల్‌గా సమస్య తగ్గుతుంది. ఎందుకంటే మనం వాడే ప్రతీ ప్రోడక్ట్ కారణంగా బాడీపై ఉన్న చనిపోయిన చర్మకణాలు తొలగి స్కిన్ రిపేర్ అవుతుంటుంది. దీంతో మెల్లిమెల్లిగా సన్ టాన్ తగ్గుతుంది. చాలా పద్ధతులు ఉన్నాయి సన్ టాన్‌ తగ్గడానికి. అవన్నీ కూడా టాన్‌ని వదిలించడానికి సురక్షితమైనవే. ఎలాంటి సైడ్ ఎఫెక్ట్స్ లేకుండా స్కిన్‌పై ఉండే టాన్‌ని తొలగించి స్కిన్ బ్రైట్‌గా కనిపించేలా చేస్తాయి.

బేకింగ్ సోడా

​బేకింగ్ సోడా ఒక్కటి ఉంటే చాలు. ఇంట్లో అనేక రకాలుగా వాడుకోవచ్చు. దీనిని వంటల్లో మాత్రమే కాదు, అందాన్ని పెంచడంలో కూడా వాడొచ్చు. బేకింగ్ సోడాలో కొద్దిపాటి నీటిని కలిపి మోచేతులు, మోకాళ్ళు, మెడ ఇలా నల్లగా మారిన ప్రాంతంలో రాసి గట్టిగా రాయకుండా మృదువుగా రాయండి. దీంతో మెల్లిమెల్లిగా టాన్ తగ్గిపోతుంది. దీంతో బాడీ మాస్క్ కూడా వేసుకోవచ్చు.

బాడీకి మాస్క్‌కి కావాల్సిన పదార్థాలు

శనగపిండి 3 టీస్పూన్లు

ముల్తానీ మట్టి 1 టీస్పూన్

నిమ్మరసం కొన్ని చుక్కలు

కొబ్బరినూనె 1 టీస్పూన్

కాఫీ పొడి 2 టీస్పూన్లు

పెరుగు 6 నుంచి 7 టీస్పూన్లు

ఏం చేయాలి? 

ఓ గిన్నెలో ఒకదాని తర్వాత మరొకటి పదార్థాలు వేయాలి.

అన్నింటిని కలిపి పేస్టులా తయారుచేయండి.

ఈ పేస్టుని బాడీ అంతటా 10 నిమిషాలపాటు మసాజ్ చేయండి.

తర్వాత స్నానం చేయండి.

ఇది అండర్ ఆర్మ్స్‌లోని నలుపుని కూడా తగ్గిస్తుంది.

శరీర దుర్వాసనని పోగొడుతుంది.

చర్మంపై పేరుకుపోయిన మృతకణాలు, మొటిమల్ని తగ్గిస్తుంది.

ఎలా పనిచేస్తుంది

ఇందులో శనగపిండి కలుస్తుంది. ఈ శనగపిండి సహజమైన క్లెన్సర్‌లా పనిచేసి చర్మాన్ని సాఫ్ట్‌గా చేస్తుంది.

ముల్తానీ మట్టి ఆయిల్‌ని కంట్రోల్ చేసి రంధ్రాలను టైట్ చేస్తుంది.

కాఫీ పౌడర్ రక్తప్రసరణని పెంచి చర్మాన్ని టైట్ అండ్ బ్రైట్‌గా చేస్తుంది.

నిమ్మరసం సహజ బ్లీచ్‌లా పనిచేసి టాన్‌ని తగ్గిస్తుంది.

పెరుగు, కొబ్బరినూనెలు స్కిన్‌ మాయిశ్చరైజ్ చేస్తాయి. ​

పెరుగు, నిమ్మరసం

నిమ్మరసంలో బ్లీచింగ్ గుణాలు ఉంటాయి. ఇవి బాడీపై ఉన్న టాన్‌ని పొగొడుతుంది. తాజా నిమ్మరసాన్ని మనం ఎప్పుడైనా నేరుగా స్కిన్‌కి రాయకుండా అందులో తేనె వంటివాటిని కలిపి రాయొచ్చు. వీటిని సమాన పరిమాణంలో తీసుకుని బాగా కలపండి. ఇది సమస్య ఉన్న చోట రాసి 30 నిమిషాల పాటు ఉంచండి. తర్వాత క్లీన్ చేయొచ్చు. మీకు బ్లీచ్ చేయాలనిపిస్తే ఇదే పదార్థంలో కొద్దిగా పంచదార కూడా వేయండి. వేసి స్కిన్‌కి రాయండి. కాసేపు ఉంచి తర్వాత క్లీన్ చేసుకోండి. దీంతో డెడ్ స్కిన్ సెల్స్ తగ్గి చర్మం మెరుస్తుంది.