స్టీల్ పాత్రలను క్లీన్ చేసే సరైన విధానం ఇదే

వంటింట్లో బోలెడంత సామాన్లు ఉంటాయి. వంట వండుకోవడం మళ్లీ పాత్రలను క్లీన్ చేసుకోవడం, మళ్లీ సర్దుకోవడం. ఇది రోజూ ఉండే పనే. అయితే..ఏ ఇంట్లో అయినా సరే స్టీల్ సామాన్లు ఎక్కువగా ఉంటాయి. వాడడానికి చాలా అనువుగా ఉంటాయి. పైగా ప్లాస్టిక్ పాత్రల్లాగా వీటి వల్ల పెద్దగా హాని కూడా ఉండదు. ఎక్కువ రోజుల పాటు మన్నికగా ఉంటాయి. ఇన్ని లాభాలున్నాయి సరే. మరి వీటిని సరైన విధంగా క్లీన్ చేస్తున్నారు.

సాధారణంగా అంట్లుతోమడం అంటే ఏముంది డిష్ వాష్ లిక్విడ్ వేసి కడిగి పక్కన పెట్టడం అనే అనుకుంటారు. కానీ స్టెయిన్ లెస్ స్టీల్ పాత్రలను శుభ్రపరిచేందుకు కూడా కొన్ని పద్ధతులున్నాయి. సరైన విధంగా ఆ పద్ధతులు తెలుసుకుంటే ఎలాంటి ఇబ్బంది లేకుండా స్టీల్ పాత్రలు తళతళ మెరిసిపోయేలా శుభ్రం చేసుకోవచ్చు. మరి ఆ పద్ధతులేంటి. ఎలా క్లీన్ చేయాలో తెలుసుకుందాం.

స్టెయిన్ లెస్ స్టీల్

కిచెన్ అనగానే అందరికీ గుర్తుకు వచ్చేది వంటింటి సామాన్లు. ముఖ్యంగా స్టెయిన్ లెస్ స్టీల్ వస్తువులు ఎక్కువగా ఉంటాయి. వాడడానికి సులువుగా ఉండడంతో పాటు ఎక్కువ కాలం పాటు మన్నికగా ఉండడం వల్ల వీటినే ఎంచుకుంటారు. పైగా ఇప్పుడు ఇందులోనూ ఎన్నో రకాల డిజైన్స్ అందుబాటులోకి వస్తున్నాయి. అందుకే కిచెన్ సామాన్లపై చాలా స్పెషల్ ఫోకస్ పెడతారు. అయితే వీటి మెయింటేనేన్స్ ఎక్కువ. వీటిలో రకరకాల వంటకాలు వండుతారు. వాటికి సంబంధించిన జిడ్డు, వాసన అంతా గిన్నెలకు పడుతుంది.

ఇదే ముంది సింపుల్ గా క్లీన్ చేస్తే పోతుంది కదా అనుకోవచ్చు. కానీ మరకలు తాత్కాలికంగా పోతాయి తప్ప డీప్ క్లీన్ అవ్వవు. వ్యర్థాలు ఏదో విధంగా వాటికి అంటుకునే ఉంటాయి. కొన్ని సార్లు మరకలు అసలు తొలగిపోవు. మరి అలాంటప్పుడు ఏం చేయాలి. మార్కెట్ లో దొరికే క్లీనర్స్ తీసుకొచ్చి వాటితో శుభ్రం చేయాలి. కానీ ఈ ఖర్చంతా చేయాల్సిన పని లేదు. సింపుల్ గా ఇప్పుడు చెప్పే చిట్కాలు ఫాలో అయితే స్టీల్ పాత్రలను తళతళ మెరిసేలా శుభ్రం చేసుకోవచ్చు.

సమస్య ఇదే

స్టీల్ పాత్రలు సౌకర్యంగానే ఉంటాయి. కానీ వీటి వల్ల సమస్య ఏంటంటే చాలా త్వరగా గీతలు పడతాయి. పాడైపోయేందుకు అవకాశాలుంటాయి. మరకలు పడితే చాలు వాటిని అలాగే పట్టి ఉంచుతాయి. ఒక్కోసారి ఎంత క్లీన్ చేసినా ఆ మరక తొలగిపోదు. తేమ కూడా అలాగే పట్టి ఉంచుతుంది. అలాంటప్పుడే మరకలు పోగొట్టడం ఇబ్బందిగా అనిపిస్తుంది. కానీ ఆ సమయంలో స్టీల్ ని పాడు చేసే హార్డ్ కెమికల్స్ ఉన్న క్లీనర్స్, సబ్బులు వాడుతుంటారు. వీటి వల్ల ఎలాంటి ఉపయోగం ఉండదు. ఇలా కాకుండా చాలా సులువుగా స్టీల్ పాత్రలను శుభ్రం చేయవచ్చు. కాకపోతే అందుకోసం కొన్ని పదార్థాలు అవసరం అవుతాయి. పాత్రలపై ఉండే మరకలతో పాటు అవి ఎప్పుడూ కొత్తవాటిలా తళతళ మెరిసిపోయే విధంగా చేయాలంటే ఇప్పుడు చెప్పినట్టుగానే క్లీన్ చేయాలి. మరి ఆ చిట్కాలేంటో వివరంగా తెలుసుకోండి.

ఏం కావాలి

స్టీల్ సామాన్లను సరైన విధంగా శుభ్రం చేయాలంటే ముందుగా కావాల్సింది మైక్రోఫైబర్ క్లాథ్స్. వీటినే ఎంపిక చేసుకోడానికి ప్రధాన కారణం..వీటి వల్ల స్టీల్ పాత్రలపై గీతలు పడవు. అంటే సాఫ్ట్ గా ఉండడం వల్ల సులువుగా మరక తొలగిపోవడంతో పాటు వాటి స్మూత్ నెస్ ని కాపాడతాయి. ఇక క్లాథ్స్ తో పాటు తప్పనిసరిగా ఓ స్ప్రే బాటిల్ అవసరం అవుతుంది. స్టీల్ పాత్రలను క్లీన్ చేసేందుకు తయారు చేసే లిక్విడ్ పోసేందుకు ఈ స్ప్రే బాటిల్ కావాల్సి వస్తుంది. వైట్ వెనిగర్ కూడా కచ్చితంగా అవసరం పడుతుంది. దీని వల్ల మొండి మరకలు చాలా త్వరగా వదిలిపోతాయి. పైగా దుర్వాసన కూడా తొలగిపోతుంది. డిష్ సోప్ లిక్విడ్ కూడా అవసరం పడుతుంది. దీని ద్వారా జిడ్డు మరకలువదులుతాయి. ఇక వేడి నీళ్లు కూడా అవసరమే. ఈ నీళ్లలో స్టీల్ పాత్రలు నానబెట్టాల్సి ఉంటుంది. ఇక చివర్లో మినరల్ ఆయిల్ కూడా వాడుకోవచ్చు. కాకపోతే ఇది ఆప్షనల్ మాత్రమే.

ఏం చేయాలి

ముందుగా పాత్రలపైన ఉన్న దుమ్ము ధూళి పోయేలా మైక్రో ఫైబర్ క్లాథ్ తో తుడవాలి. దీని వల్ల శుభ్రం చేసేటప్పుడు ఎలాంటి స్క్రాచ్ లు పడకుండా ఉంటాయి. ఆ తరవాత వైట్ వెనిగర్ తీసుకోవాలి. అందులో మూడు వంతుల వేడి నీళ్లు మిక్స్ చేయాలి. వీటిని బాగా మిక్స్ చేసి స్ప్రే బాటిల్ లో పోయాలి. వీటి స్టీల్ పాత్రలపై స్ప్రే చేయాలి. ఒకవేళ జిడ్డు మరకలు మరీ ఎక్కువగా ఉంటే ఆ చోట మాత్రం డిష్ సోప్ లిక్విడ్ వేయాలి. ఆ తరవాత సాఫ్ట్ క్లాథ్ తో వైప్ చేయాలి. తరవాత మరోసారి పాత్రలను తడిగా చేయాలి. ఎక్కడైతే మరకలు ఎక్కువగా ఉంటాయో అక్కడ ఇంకాస్త ఎక్కువగా రబ్ చేయాలి. ఇలా క్లాథ్ తో కంటిన్యూగా తుడవడం వల్ల క్రమంగా మెరుపు వస్తుంది. ఆ తరవాత మామూలు నీళ్లు పోసి కడగాలి. ఆ తరవాత ఓ క్లాథ్ తీసుకుని వేడి నీళ్లలో ముంచాలి. ఈ క్లాథ్ తో మరోసారి తుడవాలి. ఇలా చేయడం వల్ల వైట్ వెనిగర్ మిగిలిపోయి ఉంటే తొలగిపోతుంది.

తరవాత ఏం చేయాలంటే

మరో మైక్రోఫైబర్ క్లాథ్ తీసుకుని పూర్తిగా మరోసారి క్లీన్ చేయాలి. పూర్తిగా తడి లేకుండా చూడాలి. చాలా మంది చేసే పొరపాటు ఏంటంటే..స్టీల్ స్క్రబర్స్ తో చాలా రఫ్ గా క్లీన్ చేస్తుంటారు. వీటి వల్ల గీతలు పడతాయి. ఓ సారి గీతలు పడిన తరవాత అంత సులువుగా పోవు. పొడి బట్టతో సర్కిల్ షేప్ లో నెమ్మదిగా పాత్రలను తుడవాలి. ఇంకా తేమ కాస్త ఉంటే అలాగే వదిలేయాలి. సహజంగానే అవి ఆరిపోతాయి.

అయితే..వాడిన బట్టలనే మళ్లీ వాడుతూ వాటితో తుడిచే ప్రయత్నం చేయకూడదు. ఇలా చేయడం వల్ల ఎంత కాలమైనా సరే స్టీల్ పాత్రలు తళతళలాడి పోతుంటాయి. రోజూ తప్పనిసరిగా పాత్రలను మామూలు నీళ్లతో శుభ్రం చేస్తూ ఉండాలి. ఆ తరవాత మైక్రోఫైబర్ క్లాథ్ తో తుడవాలి. ఇలా చేయడం వల్ల ఎప్పుడూ పాత్రలు శుభ్రంగా కనిపిస్తాయి. వారానికి రెండు సార్లు వెనిగర్, వాటర్ చిట్కా పాటించాలి. దీని వల్ల పాత్రలు డీప్ క్లీన్ అవుతాయి