గుండె సమస్యలు, స్ట్రోక్స్‌‌కి కారణమయ్యే ట్రైగ్లిజరైడ్స్‌ని ఎలా తగ్గించుకోవాలి

బాడీలో ట్రైగ్లిజరైడ్స్ పెరిగితే ధమనులు గట్టిపడడానికి, ధమనుల గోడలు గట్టిపడేలా చేస్తాయి. దీని వల్ల స్ట్రోక్, గుండెపోటు, గుండె జబ్బులు వస్తాయి. చాలా ఎక్కువ ట్రైగ్లిజరైడ్స్ క్లోమం తీవ్రమైన వాపు కలిగేలా చేస్తాయి. బాడీలో ట్రైగ్లిజరైడ్స్ తరచుగా గుండె జబ్బులు, స్ట్రోక్ ప్రమాదం పెరుగుతుంది. వీటిలో ఊబకాయం, జీవక్రియ సిండ్రోమ్‌లు ఉన్నాయి. అంతేకాకుండా, నడుము చుట్టూ ఫ్యాట్, హైబీపి, బ్లడ్ షుగర్ ఎక్కువగా ఉండడం, కొలెస్ట్రాల్‌ పెరగడం వంటివి జరుగుతాయి. హైపోథైరాయిడిజం వంటి సమస్యలు వస్తాయి. ఇన్ని ప్రమాదకర సమస్యలకి కారణమయ్యే ట్రైగ్లిజరైడ్స్‌ని తగ్గించుకోవడం చాలా ముఖ్యం. లేదంటే ప్రాణాంతక సమస్యలొస్తాయి. దీనికోసం న్యూట్రిషనిస్ట్ నేహా కొన్ని టిప్స్‌ని షేర్ చేస్తున్నారు. వీటిని ఫాలో అయితే ఎలాంటి మెడిసిన్ తీసుకోకుండానే ట్రైగ్లిజరైడ్స్‌ని తగ్గించుకోవచ్చు.

ట్రైగ్లిజరైడ్స్ తగ్గేందుకు చేయాల్సిన మార్పులు

ముందుగా మన డైట్‌లోనే కొన్ని మార్పులు చేయడం వల్ల చాలా వరకూ ట్రైగ్లిజరైడ్స్‌ని తగ్గించుకోవచ్చు. దీనికోసం ప్రాసెస్డ్ ఆయిల్స్‌ని వాడొద్దు. వీటి బదులు కోల్డ్ ప్రెస్డ్ ఆయిల్స్ వాడడం మంచిది.

అంతేకాకుండా నట్స్, వాల్‌నట్స్‌ని ఎక్కువగా తీసుకోవాలి.

నల్లమిరియాలని పసుపుతో కలిపి తీసుకోవచ్చు. దీంతో పాటు మెంతులు తీసుకోవాలి. వీటితో పాటు కొన్ని లైఫ్‌స్టైల్ చేంజెస్ చేయాలి. అవేంటంటే

వర్కౌట్

రోజూ కొద్దిపాటి వర్కౌట్ చేయాలి. వారంలో ఎక్కువ రోజుల్లో కనీసం 30 నిమిషాలపైన ఫిజికల్ యాక్టివిటీ ఉండేలా చూసుకోండి. రెగ్యులర్ వర్కౌట్ చేయడం వల్ల ట్రైగ్లిజరైడ్స్ తగ్గుతాయి. మంచి కొలెస్ట్రాల్ పెరుగుతుంది. ఎప్పుడు యాక్టివ్‌గా ఉంటారు. ఎక్సర్‌సైజ్ చేయడం వీలు కాకపోతే మెట్లు ఎక్కి దిగడం, ఖాళీ టైమ్‌లో నడవడం వంటివి చేయండి.

ప్రాసెస్డ్ ఫుడ్స్ బదులు

ఫుడ్‌లో షుగర్, ప్రాసెస్డ్ ఫుడ్స్‌ని కంట్రోల్ చేయండి. చక్కెర వంటి సాధారణ కార్బోహైడ్రేట్స్, తెల్లపిండి, ఫ్రక్టోజ్‌తో తయారైన ఆహారాలు తీసుకోవడం వల్ల ట్రైగ్లిజరైడ్స్ పెరుగుతాయి. కాబట్టి, వీటిని తగ్గించండి. వీటి బదులు తాజా ఆకుకూరలు, పండ్లు, నట్స్, సీడ్స్ తీసుకోండి.

ట్రైగ్లిజరైడ్స్ తగ్గేందుకు ఏం చేయాలి.

బరువు తగ్గడం

బరువు ఉండేంతవరకూ ఉండండి. ఎక్కువగా పెరగొద్దు. దీని వల్ల చాలా సమస్యలొస్తాయి. మీ ఎత్తుప్రకారం ఎంత బరువు అంతే ఉండాలి. దీనికోసం మీరు జంక్‌ఫుడ్‌ని అవాయిడ్ చేసి హెల్దీ ఫ్యాట్స్ తీసుకోవాలి. ఆలివ్, కనోలా ఆయిల్స్ తీసుకోవాలి. హెల్దీ ఫ్యాట్స్ ఉన్న అవకాడో వంటివి తీసుకోవాలి. రెడ్ మీట్ బదులు మాకేరెల్, సాల్మన్ వంటి ఒమేగా 3 ఫ్యాటీ యాసిడ్స్ ఎక్కువగా ఉండే చేపలు తీసుకోవాలి.

ఆల్కహాల్‌కి దూరంగా

ఆల్కహాల్ కారణంగా కేలరీలు, చక్కెరలు పెరుగుతాయి. ముఖ్యంగా, ట్రైగ్లిజరైడ్స్‌పై ఆల్కహాల్ చాలా ఎఫెక్ట్ చూపిస్తాయి. త్వరగా ట్రైగ్లిజరైడ్స్ పెరుగుతాయి. కాబట్టి, ఎంత వీలైతే అంతగా మద్యాన్ని తగ్గించండి. అకేషనల్లీ అంటూ ఎక్కువగా తాగొద్దు. చాలావరకూ మొత్తంగా తగ్గిస్తేనే మంచిది.