చెట్లు ఎక్కే చేప! మడ్‌స్కిపర్ గురించి మీకు తెలుసా?

సాధారణంగా చేప అంటే నీటిలో మాత్రమే జీవించగల జీవిగా మనకు తెలుసు. కానీ ప్రకృతిలో కొన్ని జీవజాతులు ఆశ్చర్యాన్ని కలిగించేలా అభివృద్ధి చెందాయి. అలాంటి వాటిలో ఒకటి మడ్ స్కిప్పర్స్ (Mudskippers). ఇవి కేవలం నీటిలోనే కాదు, నేలపై కూడా చురుకుగా కదలగలవు — అదే వీటిలోని ప్రధాన విశేషం.ఈ చేపలు చెట్లను ఎక్కగల సామర్థ్యం కలిగి ఉండటం వింతగా కనిపించినా, శాస్త్రీయంగా చాలా ఆసక్తికరమైన విషయం. మడ్ స్కిప్పర్స్‌కు సాధారణ చేపలతో పోల్చితే బలమైన పెక్టోరల్ ఫిన్స్ ఉంటాయి. ఇవి తల కింద భాగంలో ఉంటూ, కాళ్లలా పని చేస్తాయి. వీటి సహాయంతో మడ నేలపై నడవడం, గెంతులు వేయడం, చెట్ల వేర్లపైకి ఎక్కడం సాధ్యమవుతుంది. అదేవిధంగా, ఇవి నీటిలోనే కాకుండా నేలపై కూడా శ్వాస తీసుకోగలవు, ఇది వీటికి మరో విశేష లక్షణం.విభిన్నమైన శ్వాస విధానం సాధారణంగా చేపలు గిల్ల్స్ ద్వారా మాత్రమే శ్వాసిస్తాయి. అయితే మడ్ స్కిప్పర్స్‌కు ఆ పద్ధతితో పాటు చర్మం, నోరు మరియు గొంతు లైనింగ్ ద్వారా కూడా ఆక్సిజన్‌ను గ్రహించే ప్రత్యేకత ఉంది. దీనివల్ల నీరు లేకపోయినా, తడిగా ఉన్న నేలపై జీవించగలవు. సముద్ర తీర ప్రాంతాల్లోని ఇంటర్‌టైడల్ జోన్లు — అంటే నీటి మట్టం వేగంగా మారే ప్రాంతాల్లో — ఇవి తట్టుకోగలగడం వల్ల, పర్యావరణానికి సరిపోయేలా ఈ లక్షణాలను అభివృద్ధి చేసుకున్నాయి.ఆహారం కోసం తెలివైన వ్యూహాలు మడ్ స్కిప్పర్స్ కళ్లు తలపై ఉబ్బెత్తుగా ఉండటం వల్ల ఇవి నీటి ఉపరితలం పైకూడా స్పష్టంగా చూడగలవు. దీని వల్ల చిన్న కీటకాలు, ఆల్గే, క్రస్టేషియన్లు వంటి వాటిని సులభంగా గుర్తించి పట్టుకుంటాయి. శత్రువుల నుంచి తప్పించుకోవడానికి ఈ పదునైన దృష్టి చాలా ఉపయోగపడుతుంది. ఇవి సర్వభక్షకులు, అంటే శాకాహార, మాంసాహార రెండింటినీ తింటాయి.మగ మడ్ స్కిప్పర్స్ తమ ప్రాంతాన్ని రక్షించుకునేందుకు, ఇతర మగ చేపలపై ఆధిపత్యం చూపించడానికి పుష్-అప్‌లా కనిపించే ఆకర్షణీయమైన ప్రవర్తనను ప్రదర్శిస్తాయి. రెక్కలను విస్తరించి శత్రువులకు హెచ్చరిక ఇస్తాయి, ఇది వీటి సామాజిక ప్రవర్తనలో ఒక భాగం.
*సంతానోత్పత్తి రహస్యాలు : ఈ చేపలు బురదలో లోతైన బొరియలు తవ్వుతాయి, ఇవి గుడ్ల కోసం ప్రత్యేకంగా రూపొందించిన గూళ్లు లాంటివి. బొరిలో ఎక్కువ ఆక్సిజన్ నిల్వ ఉండటంతో, గుడ్లు తక్కువ నీటి స్థాయిలోనూ బతికేయగలవు. మగ చేపలు ఈ బొరియలను కాపాడుతూ, గుడ్లను రక్షిస్తాయి. ఫలితంగా, చిన్న చేపలు సురక్షితంగా జన్మించి ఎదుగుతాయి.