ట్రెండింగ్
అమరావతిలో సీఆర్డీఏ భవనం ప్రారంభోత్సవానికి సన్నాహాలు
Andhra Pradesh Telugu | Suryaa Desk | Published : Sun, Oct 05, 2025, 06:28 PM
రాజధాని అమరావతిలోని రాయపూడిలో నిర్మిస్తున్న సీఆర్డీఏ భవనం ప్రారంభోత్సవానికి సీఆర్డీఏ అధికారులు ఏర్పాట్లు చేస్తున్నారు. ఈ నెల 13వ తేదీన సీఆర్డీఏ భవనాన్ని ఆంధ్రప్రదేశ్ రాష్ట్ర ముఖ్యమంత్రి నారా చంద్రబాబు నాయుడు చేతుల మీదగా ప్రారంభించాలని నిర్ణయం తీసుకున్నారు సీఆర్డీఏ అధికారులు. సీఆర్డీఏ భవన పనులు సకాలంలో పూర్తికాకపోవడంతో టార్గెట్లు పెట్టిన ఇప్పటివరకు వాయిదాల పర్వం కొనసాగింది. ఈసారి పనులన్నీ దాదాపు పూర్తి కావడంతో ఈనెల 13వ తేదీనే ప్రారంభించేందుకు సీఆర్డీఏ అధికారులు సిద్ధమవుతున్నారు. మున్సిపల్ శాఖకు చెందిన అన్ని విభాగాలు, హెచ్వోడీలు ఇకపై ఇదే భవనం నుంచి పనిచేస్తాయని వెల్లడించారు సీఆర్డీఏ అధికారులు. సీఆర్డీఏ కార్యాలయం సైతం ఈ భవనం నుంచే ఇకపై అమరావతి రాజధాని నిర్మాణాన్ని పర్యవేక్షించనుందని సీఆర్డీఏ అధికారులు పేర్కొన్నారు.
|
|