EPFO పింఛన్ పెంపు: కనీస పింఛన్ ₹2,500 అయ్యేనా?

భారతదేశ ఉద్యోగులకు శుభవార్త రానుందనే ఆశలు వ్యక్తమవుతున్నాయి. ఉద్యోగుల భవిష్యనిధి సంస్థ (EPFO) ప్రస్తుతం నెలకు కనీసం రూ.1,000 పింఛన్‌ను చందాదారులకు అందిస్తోంది.అయితే, ఈ మొత్తం తక్కువగా ఉందనే ఆరోపణల నేపథ్యంలో, EPFO ట్రస్టీలు ఈ నెల 10, 11 తేదీల్లో సమావేశం కానున్నారు. ఈ సమావేశంలో కనీస పింఛన్‌ను రూ.2,500కు పెంచే ప్రతిపాదనపై చర్చ జరగనుందని, తుది నిర్ణయం తీసుకునే అవకాశం ఉందని అధికారులు తెలిపారు.ఈ ప్రతిపాదనకు ఆమోదం లభిస్తే, దేశవ్యాప్తంగా లక్షల మంది రిటైర్డ్ ఉద్యోగులకు ఆర్థిక ఉపశమనం లభించే అవకాశముంది.ప్రస్తుతం EPFO పథకంలో భాగంగా కనీసం 10 ఏళ్లు రెగ్యులర్ సర్వీస్ చేసినవారు, 58 ఏళ్ల వయస్సు దాటి ఉంటే పింఛన్‌కి అర్హులు అవుతారు. కానీ నెలకు రూ.1,000తో జీవనోపాధి కొనసాగించడం దాదాపు అసాధ్యమని, పింఛన్‌దారులు గత కొంత కాలంగా వినతులు చేస్తూ వస్తున్నారు. ఈ నేపథ్యంలో, ట్రస్టీల సమావేశంలో పింఛన్ పెంపు అంశం ప్రధానంగా చర్చకు రానుంది. ప్రతిపాదన ఆమోదం పొందితే, కేంద్ర ప్రభుత్వం అధికారికంగా ఆమోదించాల్సి ఉంటుంది. ఆమోదం వచ్చిన వెంటనే కొత్త రేట్ల అమలు ప్రారంభమయ్యే అవకాశం ఉందని సమాచారం.ఇదే సమయంలో, ఉద్యోగ సంఘాలు కనీస పింఛన్‌ను రూ.7,500కి పెంచాలంటూ బలంగా డిమాండ్ చేస్తున్నాయి. వారు చెబుతున్నదేమిటంటే – ప్రస్తుత ద్రవ్యోల్బణం పరిస్థితుల్లో రూ.2,500 కూడా తక్కువే, రిటైర్డ్ ఉద్యోగుల జీవన ప్రమాణాలు గణనీయంగా పడిపోతున్నాయని ఆందోళన వ్యక్తం చేస్తున్నారుఅంతేకాక, ప్రభుత్వం మరియు EPFO ఈ సమస్యకు దీర్ఘకాలిక పరిష్కారం అందించాల్సిన అవసరం ఉందని వారు పేర్కొంటున్నారు.నిపుణుల అభిప్రాయం ప్రకారం, కనీస పింఛన్ పెంపు నిర్ణయం రిటైర్డ్ ఉద్యోగుల ఆర్థిక భద్రతకు కాకుండా, సామాజిక న్యాయానికి కూడా బలంగా తోడ్పడే చర్యగా మారుతుంది.