ఒక్క రోజులో ₹7,000 పెరిగిన వెండి… ఇలాగే పోతే గోల్డ్‌ను దాటుతుందా?

హైదరాబాద్ బులియన్ మార్కెట్‌లో వెండి ధరలు తట్టుకోలేని విధంగా ఎగిసిపడుతున్నాయి. శుక్రవారం ఉదయం కిలో వెండి ధర రూ.1,71,000గా ఉండగా, మధ్యాహ్నానికి ఏకంగా రూ.6,000 పెరిగి రూ.1,77,000కి చేరింది. కేవలం రెండు రోజుల్లోనే రూ.9,900 పెరగడం ట్రేడర్లను ఆశ్చర్యానికి గురిచేసింది.గత వారం వరకూ వెండి ధరలు స్థిరంగా కొనసాగినా, ఒక్కసారిగా ఈ రేట్లు విపరీతంగా పెరగడంతో బులియన్ డీలర్లు, జ్యువెలరీ వ్యాపారులు అయోమయంలో పడుతున్నారు. దీంతో పాటు చిన్న పెట్టుబడిదారులు కూడా మార్కెట్‌పై దృష్టి సారిస్తున్నారు.ధరల పెరుగుదల వెనుకున్న కారణాలు ట్రేడ్ నిపుణుల అభిప్రాయం ప్రకారం, అంతర్జాతీయంగా డాలర్ బలహీనత, బంగారం-వెండి వంటి విలువైన లోహాలపై పెట్టుబడిదారుల విశ్వాసం పెరగడం, అలాగే ఫ్యూచర్ మార్కెట్‌లో చురుకైన వ్యాపారం – ఇవన్నీ ధరల పెరుగుదలకు ప్రధాన కారణాలిగా భావిస్తున్నారు.అమెరికా, చైనా వంటి ప్రధాన ఆర్థిక వ్యవస్థల్లో ద్రవ్యోల్బణం పెరుగుతున్న నేపథ్యంలో ‘సేఫ్ హెవెన్ అసెట్స్’ గానూ వెండి, బంగారం పట్ల పెట్టుబడిదారుల ఆసక్తి తిరిగి పెరిగింది. ఫ్యూచర్ ట్రేడింగ్‌లో వెండి ధరలు ఇంకా పైకి వెళ్లవచ్చనే అంచనాలు పెట్టుబడిదారులను కొనుగోళ్లకు ఆకర్షిస్తున్నాయి.వినియోగదారులపై ప్రభావం వెండి ధరలు పెరగడంతో సాధారణ వినియోగదారులపై భారం పెరుగుతోంది. ముఖ్యంగా వివాహ సీజన్‌ను దృష్టిలో ఉంచుకుని గోల్డ్, సిల్వర్ కొనుగోళ్లు చేసేవారు వెనకడుగువేస్తున్నారు. జ్యువెలరీ ధరలు పెరగడం ఇందుకు ప్రధాన కారణం.ట్రేడ్ విశ్లేషకుల అభిప్రాయం ప్రకారం, ఈ ధరల పెరుగుదల ఈ నెలాఖరు వరకూ కొనసాగితే, కిలో వెండి ధర రూ.2 లక్షల మార్కును తాకే అవకాశం ఉంది. అంతర్జాతీయ ఆర్థిక పరిణామాలు మరింత అస్థిరంగా మారితే, వెండి ధరలు అదుపుతప్పే అవకాశముందని వారు హెచ్చరిస్తున్నారు.పెట్టుబడిదారులకు సూచనలు ఈ నేపథ్యంలో పెట్టుబడిదారులు వెండి కొనుగోళ్ల విషయంలో శ్రద్ధ వహించాలని నిపుణులు సూచిస్తున్నారు. అస్థిరమైన మార్కెట్ పరిస్థితుల్లో దూకుడుగా వ్యవహరించకుండా, సరైన సమయానికే పెట్టుబడులు చేయాలని సూచిస్తున్నారు.