ఇప్పటికి తురకపాలెం గ్రామంలో పారిశుధ్య పరిస్థితులను ప్రభుత్వం పట్టించుకోవడంలేదు
Andhra Pradesh Telugu | Suryaa Desk | Published : Thu, Oct 16, 2025, 12:39 PM
గుంటూరు జిల్లా, తురకపాలెం గ్రామంలో మెలియోడోసిస్ వ్యాధి కారణంగా చనిపోతున్నారని ఎంపీ పెమ్మసాని చెబుతున్నారు. కానీ నివారణ చర్యలు తీసుకోవడం లేదు అని సత్తెనపల్లి నియోజకవర్గ వైసీపీ ఇన్చార్జి గజ్జల సుధీర్ భార్గవ్ రెడ్డి తెలిపారు. అయన మాట్లాడుతూ... శాంపిల్స్ తీసుకున్నామని చెబుతున్నారే కానీ రిపోర్టులు బహిర్గతం చేయడం లేదు. తురకపాలెంలో మద్యం తాగి చనిపోతున్నారని స్థానిక ఎమ్మెల్యే చెబుతున్నారు. అది కూటమి ప్రభుత్వం సరఫరా చేసే నకిలీ మద్యం కాదా? ప్రభుత్వం పారదర్శకత ఉండటం లేదు. ఎందుకు చనిపోతున్నామో కూడా తెలియని దారుణ పరిస్థితులు నెలకొని ఉంటే ఈ ప్రభుత్వానికి చీమకుట్టినట్టు కూడా లేదు. జ్వరం వచ్చిన వారం లోపలే మల్టీ ఆర్గాన్ ఫెయిల్యూర్తో చనిపోతుంటే సమస్యపై దృష్టి సారించడం లేదు. ఇప్పటికీ గ్రామంలో పారిశుధ్య పరిస్థితులను చక్కబెట్టే ప్రయత్నం చేయడం లేదు. రూ.5 లక్షలిచ్చి మాకేం సంబంధం లేదన్నట్టు ప్రభుత్వం చేతులు దులిపేసుకుంది. గ్రామానికి సురక్షితమైన తాగునీటిని సరఫరా చేయాలి. గ్రామంలో 365 రోజులు 24 గంటలపాటు వైద్యశిబిరం ఏర్పాటు చేయాలి అని డిమాండ్ చేసారు.
|
|