ఇవి తింటే మలబద్ధకంతో దూరం....అవేంటో తెలుసా

బిజీ లైఫ్ కారణంగా సరిగ్గా తినకపోవడం, తిన్నా సరైన ఫుడ్ తినకపోవడం, తిన్న ఫుడ్ అరగకపోవడం ఇలాంటి ఎన్నో కారణాల వల్ల మలబద్దకం అనేది కామన్‌గా మారింది. దీంతో కడుపు మొత్తం భారంగా, తిమ్మిరిగి, నొప్పిగా ఉంటుంది. ఈ సమస్యతో ఫిజికల్లీ, మెంటల్లీ చాలా ఇబ్బంది పడతారు. బలహీనంగా, అలసిపోయినట్లు అనిపిస్తుంది. మలబద్ధకం పెరిగే కొద్దీ రోజురోజుకి ఆ సమస్యకి అదనంగా ఇతర సమస్యలు కూడా వచ్చి చేరతాయి. అలా కాకుండా ఉండాలంటే నేచురల్‌గానే సమస్యని తగ్గించుకోవాలంటే మన డైట్‌ని హెల్దీగా మార్చాలి. ముఖ్యంగా కొన్ని ఫుడ్స్‌ తీసుకోవాలి. దీంతో కడుపు సహజంగానే క్లీన్ అవుతుంది. దీనికోసం డాక్టర్ సౌరబ్ సేథి తన ఇన్‌స్టాగ్రామ్‌లో కొన్ని ఫుడ్స్ గురించి షేర్ చేసుకున్నారు. వీటిని తింటే ఆ సమస్య నుంచి ఇన్‌స్టంట్‌గా బయటపడతారని చెబుతున్నారు. ఆ ఫుడ్స్ ఏంటో తెలుసుకుందాం.

కివి, బొప్పాయి

కివిలో ఫైబర్, ఆక్టినిడిన్ ఎంజైమ్స్ ఉంటాయి. ఇవి రెండు కూడా పేగు కదలికల్ని మెరుగ్గా చేసి మలబద్దకాన్ని తగ్గిస్తాయి. ఇక బొప్పాయిలోని పపైన్ ఎంజైమ్ జీర్ణక్రియకి హెల్ప్ చేసి కడుపుని క్లీన్ చేస్తుంది. రెగ్యులర్‌గా తీసుకుంటే మలబద్దకం తగ్గుతుంది. వీటిని తినడం వల్ల సహజంగానే మలబద్దకాన్ని తగ్గించుకోవచ్చు.

ప్రూనే

ప్రూనే పండ్లలో సార్బిటాల్, ఫైబర్స్ ఉంటాయి. ఇవి సహజ బేధిమందులుగా పనిచేసి మలబద్ధకాన్ని తగ్గిస్తాయి. ఇందులోని ఫైబర్, సార్బిటాల్ గుణాలు పెద్ద ప్రేగుని క్లీన్ చేస్తాయి. మలాన్ని మృదువుగా చేసి బవెల్ మూమెంట్స్‌ని పెంచుతాయి. రోజూ కొన్ని ప్రూనే పండ్లు తింటూ నీరు ఎక్కువగా తాగి చూడండి. మీరు కచ్చితంగా మలబద్ధకం నుంచి రిలాక్స్ అవుతారు.

అవిసెలు, చియా

అవిసెల్లో కరిగే, కరగని ఫైబర్స్ రెండూ ఉంటాయి. ఇవి మలాన్ని సాఫ్ట్‌గా చేస్తాయి. దీంతో ఈజీగా మలవిసర్జన జరుగుతుంది. ఇక చియా గింజల్లోనూ ఫైబర్ పుష్కలంగా ఉంటుంది. వీటిని నానబెడితే వాటి పరిమాణం పెరుగుతుంది. దీంతో మలం మృదువుగా మారి కడుపు మొత్తం ఖాళీ అవ్వడానికి హెల్ప్ అవుతుంది. కాబట్టి, వీటిని తీసుకోవచ్చు. వీటిని మీరు ఓట్స్‌తో కలిపి తినొచ్చు. లేదా సలాడ్స్‌‌పై టాపింగ్‌లా వేసి తీసుకోవచ్చు.

ఓట్స్, పప్పులు

ఓట్స్‌లో బీటా గ్లూకాన్ అనే ఫైబర్ ఉంటుంది. ఇది జీర్ణక్రియని ఆరోగ్యంగా చేసి ప్రేగులని క్లీన్ చేయడానికి హెల్ప్ చేస్తుంది. మలబద్దకంతో బాధపడేవారు ఓట్స్‌ని రెగ్యులర్‌గా డైట్‌లో చేర్చుకుంటే మంచి రిజల్ట్ ఉంటుంది. దీంతోపాటు పాప్పు పప్పు దినుసుల్లో కూడా మంచి ఫైబర్‌కి మూలం. దీంతో ప్రోటీన్‌లు కూడా ఉంటాయి. వీటిని తీసుకోవడం వల్ల జీర్ణక్రియ మెరుగ్గా మారి ప్రేగు కదలికలు బాగుంటాయి.

పాలకూర

మలబద్దకాన్ని తగ్గించడంలో పాలకూర హెల్ప్ చేస్తుంది. పాలకూరలోని మెగ్నీషియం, ఫైబర్స్ పేగులని చురుగ్గా మార్చుతాయి. కడుపుని క్లీన్ చేయడంలో హెల్ప్ చేస్తాయి. దీనిని మీరు నేరుగా వండుకుని తినొచ్చు. లేదా పప్పుల్లో కూడా వేసి తినొచ్చు. ఎలా తిన్నా మంచి రిజల్ట్ ఉంటుంది.

మలబద్ధకాన్ని తగ్గించే ఫుడ్స్

బేరిపండ్లు, చిలగడదుంపలు

బేరిపండ్లలో ఫైబర్, సార్బిటాల్స్ ఉంటాయి. ఇవి సహజంగా మలబద్ధకాన్ని తగ్గిస్తాయి. వీటితో పాటు చిలగడదుంపల్ని కడా తినొచ్చు. చిలగడదుంపల్లో ఫైబర్, నీటిశాతం పుష్కలంగా ఉటుంది. ఇవి మలాన్ని మృదువుగా చేసి జీర్ణక్రియని పెంచుతాయి. ఈ పండ్లు, ఆకుకూరలు, ఫుడ్స్‌ని మీ డైట్‌లో యాడ్ చేస్తే నేచురల్‌గానే మలబద్ధకాన్ని తగ్గించుకోవడానికి హెల్ప్ అవుతుంది.