మీ బైక్ నెంబరు ప్లేట్ ఏదీ? పోలీసులనే ప్రశ్నించిన యువకుడు

దేశ ఆర్ధిక రాజధాని ముంబయిలో ఓ వింత సంఘటన చోటు చేసుకుంది. ఓ బైక్ రైడర్ ఏకంగా ట్రాఫిక్ పోలీసులను ఆపి.. మీ నెంబర్ ప్లేట్ ఎక్కడా అని ప్రశ్నించాడు. పోలీసులనే నిలదీశాడు. ఇందుకు సంబంధించిన ఓ వీడియో ఇప్పుడు సోషల్ మీడియాలో వైరల్ అవుతోంది. అసలు ఏం జరిగిందంటే.. థానేలోని హెల్మెట్ ధరించినందుకు ఓ బైక్ రైడర్‌కు పోలీసులు జరిమానా విధించారు. అనంతరం కొద్దిసేపటికే.. అదే ప్రాంతంలో నెంబర్ ప్లేట్ సరిగా లేని స్కూటర్‌ను నడుపుతున్న అదే ఇద్దరు పోలీసులను ఆ యువకుడి కంట పడ్డారు. వెంటనే వాళ్లను ఆపిన ఆ యువకుడు.. నెంబర్ ప్లేట్ ఇలా ఉందేంటి అని ప్రశ్నించాడు. ఈ తతంగాన్ని అక్కడే ఉన్న మరో వ్యక్తి వీడియో తీశాడు. ఈ సంఘటన సోషల్ మీడియాలో వైరల్ అవ్వగా.. యూజర్లు భిన్నంగా స్పందిస్తున్నారు.

దీనిపై డిప్యూటీ కమిషనర్ ఆఫ్ ట్రాఫిక్ పోలీస్.. పంకజ్ శిర్సత్ వివరణ ఇచ్చారు. సంఘటన జరిగిన రోజు మధ్యాహ్నం గైక్వాడ్, షేలార్ బీట్ మార్షల్ డ్యూటీలో ఉన్నారని తెలిపారు. ఆ సమయంలో గైక్వాడ్ తన స్నేహితుడి వాహనాన్ని ఉపయోగిస్తున్నారని ఆయన చెప్పారు. అయితే, డ్యూటీలో ఉన్నప్పుడు గైక్వాడ్ హెల్మెట్ లేకుండా బైక్ నడుపుతున్న ఒక యువకుడికి చలాన్ విధించాడు. అనంతరం తన పెట్రోలింగ్‌ను కొనసాగించారు. అయితే, వారు పెట్రోలింగ్ చేస్తూ తిరిగి అదే ప్రాంతానికి వచ్చినప్పుడు.. ఆ యువకుడు కావాలనే వారిని అడ్డుకున్నాడని కమిషనర్ తెలిపారు.

నెంబర్ ప్లేట్ గురించి ప్రశ్నించాడని డీసీపీ అన్నారు. అలాగే ఆ అధికారుల వీడియో తీసి దానిని సోషల్ మీడియాలో పోస్టు చేశాడని కూడా తెలిపారు. అయితే, వారు ప్రయాణిస్తున్న బైక్‌కు వెనుక నంబర్ ప్లేట్ ఉందని.. కేవలం ముందు నంబర్ ప్లేట్ మాత్రమే సరిగ్గా లేదని డీసీపీ పంకజ్ వివరణ ఇచ్చారు. అయితే, రోడ్డుపై ఇలాంటి పనులు చెయ్యెుద్దని ఆయన హెచ్చరించారు. ఇలాంటి వీడియోలు తీయడం లేదా వాహనాలను ఆపడం చాలా ప్రమాదకరమని అన్నారు. కొన్నిసార్లు ఇది ప్రాణాల మీదకు తెస్తుందని ఆయన హెచ్చరించారు. మీరు చలానా గురించి ఫిర్యాదు చేయాలంటే ట్రాఫిక్ యాప్‌లో ఫైల్ చేయవచ్చని అన్నారు.