తనిష్క్, మలబార్, లలితా సహా గ్రాము గోల్డ్ రేటు ఎంతంటే

భారతీయులకు అందులోనూ మహిళలకు బంగారం అంటే ఎంతో ఇష్టం. బంగారు ఆభరణాలు ధరించేందుకు ఇష్టపడుతుంటారు. తమ స్థాయి, స్థోమతకు తగినట్లుగా బంగారం కొంటుంటారు. కొంత కాలంగా అంతర్జాతీయ అనిశ్చితులు, అమెరికా సుంకాలు, యుద్ధాల వంటి కారణాలతో బంగారం ధరలు విపరీతంగా పెరిగిన సంగతి తెలిసిందే. సరికొత్త రికార్డ్ స్థాయికి చేరుకున్న తర్వాత మళ్లీ వెనక్కి మళ్లాయి. క్రితం రోజు స్వల్పంగా తగ్గిన పసిడి ధర ఇవాళ అదే రేటు వద్ద స్థిరంగా కొనసాగుతోంది. బంగారం ధరలు శాంతించాయని విశ్లేషకులు అంటున్నారు. ఈ క్రమంలోనే బంగారం దేశంలోని ప్రముఖ జువెలరీ సంస్థలైన తనిష్క్, మలబార్, జొయాలుక్కాస్, లలితా వంటి వాటిల్లో 22 క్యారెట్ల బంగారం రేటు ఎంతెంత ఉందో తెలుసుకుందాం.

అంతర్జాతీయ బులియన్ మార్కెట్లో చూసుకుంటే ఇవాళ బంగారం ధరల్లో ఏ మార్పు లేదు. స్పాట్ గోల్డ్ రేటు ఔన్సుకు 4002 డాలర్ల వద్ద ట్రేడవుతోంది. ఇక స్పాట్ సిల్వర్ ధర ఔన్సుకు 48.68 డాలర్ల వద్ద స్థిరంగా కొనసాగుతోంది. కొద్ది రోజుల రేట్లను గమనిస్తే భారీగానే తగ్గిందని చెప్పవచ్చు.

తనిష్క్ జువెలరీలో..

తనిష్క్ జువెలరీలో ఈరోజు 22 క్యారెట్ల ఆభరణాల గోల్డ్ రేటు 1 గ్రాముకు రూ.11,315 వద్ద ఉంది. అదే 10 గ్రాములు (తులం) రేటు అయితే రూ.1,13,315 వద్ద ఉంది.

మలబార్ గోల్డ్ అండ్ డైమండ్స్‌లో

మలబార్ గోల్డ్ అండ్ డైమండ్స్ సంస్థలో ఈరోజు 22 క్యారెట్ల నగల బంగారం రేటు 1 గ్రాముకు రూ.11,275 వద్ద ఉంది. అదే తులానికి (10 గ్రాములకు) అయితే రూ.1,12,750 వద్ద ఉంది.

జొయాలుక్కాస్‌లో

జొయాలుక్కాస్ జువెలరీలో ఈరోజు 22 క్యారెట్ల ఆభరణాల బంగారం రేటు 1 గ్రాముకు రూ.11,275 వద్ద ఉంది. ఇక 10 గ్రాములకు చూసుకుంటే బంగారం రేటు రూ.1,12,750 పలుకుతోంది.

లలితా జువెలరీలో..

తెలుగు రాష్ట్రాల్లోని ప్రముఖ జువెలరీల్లో ఒకటైన లలితాలో ఈరోజు 22 క్యారెట్ల బంగారు ఆభరణాల రేటు గ్రాముకు రూ. 11,275గా ఉండగా అదే తులానికి అయితే రూ.1,12,750 మేర పలుకుతోంది.

కల్యాణ్ జువెలర్స్‌లో

కల్యాణ్ జువెలరీ సంస్థలో ఈరోజు బంగారు ఆభరణాలు (22 క్యారెట్లు) 1 గ్రాము ధర రూ. 11,275 వద్ద ఉండగా తులానికి రూ.1,12,750 వద్ద ట్రేడవుతోంది.

బంగారం, వెండి ధరలు ప్రాంతాల వారీగా వేరు వేరు ఉంటాయి. అలాగే జీఎస్టీ, వీఏ, తరుగు అని చాలా రకాల ఛార్జీలు ఉంటాయి. వాటన్నింటిని కలుపుకొని లెక్కగడితే బంగారం ధరలు ఎక్కువే ఉంటాయని కొనుగోలుదారులు గమనించాలి.