నాలుగంటే నాలుగు ఫుడ్స్ రెగ్యులర్‌గా తింటే చాలు,,, షుగర్ లెవల్స్ తగ్గాల్సిందే

శరీరంలో రక్తంలో షుగర్ లెవల్స్ పెరిగితే హైపర్ గ్లైసీమియా వస్తుంది. దీనినే హై బ్లడ్ షుగర్, హై బ్లడ్ గ్లూకోజ్ అని కూడా అంటారు. మీ బాడీలో ఇన్సులిన్ తక్కువగా ఉన్నప్పుడు, మీ బాడీ ఇన్సులిన్‌ని సరిగ్గా ఉపయోగించలేనప్పుడు ఇది జరుగుతుంది. హైపర్‌ గ్లైసీమియా అంటే సాధారణంగా డయాబెటిస్ ఉందని అర్థం. మీరు ఎక్కువ రోజులు ట్రీట్‌మెంట్ చేయని హైపర్ గ్లైసీమియా ఉంటే అది నరాలు, రక్తనాళాలు, కణజాలాలు, అవయవాలని దెబ్బతీస్తుంది. హైపర్ గ్లైసీమియా డయాబెటిస్ సంబంధిత కీటోయాసిడోసిస్ అని పిలిచే తీవ్రమైన ప్రాణాంతక సమస్యకి దారితీస్తుంది. ముఖ్యంగా ఇన్సులిన్ తీసుకునే డయాబెటిస్ ఉన్నవారిలో, నిర్ధారణ కాని టైప్ 1 డయాబెటిస్ ఉన్నవారిలో దీనికి ట్రీట్‌మెంట్ అవసరం. ట్రీట్‌‌మెంట్ తీసుకోవడం ఇష్టం లేని వారు నేచురల్‌గానే సమస్యని తగ్గించుకునేందుకు కొన్ని ఫుడ్స్‌ని డైట్‌లో యాడ్ చేయడం మంచిది. అలాంటి ఫుడ్స్‌ని సజెస్ట్ చేస్తున్నారు న్యూట్రిషనిస్ట్ జితిన్.

రాగులు

​రాగులు షుగర్ పేషెంట్స్‌కి చాలా మంచిది. ఎందుకంటే, ఇందులో హై ఫైబర్ ఉంటుంది. గ్లైసెమిక్ ఇండెక్స్ కూడా తక్కువగా ఉంటుంది. దీంతో పాటు మెగ్నీషియం, క్రోమియంలు ఉంటాయి. ఇవన్నీ కూడా బ్లడ్ షుగర్ లెవల్స్‌ని కంట్రోల్ చేస్తాయి. ఇవి షుగర్ అబ్జార్బ్‌ని తగ్గిస్తాయి. షుగర్ లెవల్స్ ఒక్కసారి పెరగకుండా ఉండేందుకు హెల్ప్ చేస్తాయి. దీని వల్ల ఇన్సులిన్ సెన్సిటివిటీ పెరుగుతుంది. అయితే, మంచిది కదా అని ఎక్కువగా తీసుకోవద్దు.

మునగాకులు

​మునగాకులు కూడా షుగర్ ఉన్నవారికి చాలా మంచివి. వీటిని తీసుకోవడం వల్ల బ్లడ్ షుగర్ లెవల్స్ రెగ్యులేట్ అవుతాయి. ఇన్సులిన్ సెన్సిటివిటీని పెంచుతాయి. ఆక్సిడేటివ్ స్ట్రెస్‌ని తగ్గిస్తాయి. ఇందులోని ఐసోథియోసియానేట్స్, క్లోరోజెనిక్ యాసిడ్స్ బ్లడ్ షుగర్ లెవల్స్‌ని తగ్గిస్తాయి. అంతేకాకుండా బాడీకి షుగర్ అబ్జార్బ్‌ని తగ్గిస్తాయి. వీటిని షుగర్ ఉన్నవారు తీసుకోవాలి. అయితే, మందుల బదులు తీసుకుంటే మంచిది కాదు. మందులు వాడుతూనే తీసుకోవాలి. తీసుకునే ముందు డాక్టర్ సలహా తీసుకోవడం మంచిది.

మెంతులు

మెంతులు కూడా షుగర్ పేషెంట్స్‌కి మంచిది. దీని వల్ల షుగర్ లెవల్స్ తగ్గుతాయి. ఇన్సులిన్ సెన్సిటివిటీని పెంచుతుంది. మెంతుల్లో సోల్యూబుల్ ఫైబర్ ఉంటుంది. ఇది షుగర్ అబ్జార్బ్ కాకుండా చేస్తుంది. ఇన్సులిన్ స్రావాన్ని పెంచే 4 హైడ్రాక్సీఐసోలూసిన్ వంటి సమ్మేళనాలు కలిగి ఉంటుంది. అయితే, మెంతులని బ్యాలెన్స్‌డ్ డైట్, వర్కౌట్, డాక్టర్ సూచించిన మెడిసిన్‌తో పాటు తీసుకోవడం మంచిది.

కాకరకాయ

కాకరకాయలు కూడా షుగర్ ఉన్నవారికి చాలా మంచివి. వీటిని తీసుకోవడం వల్ల బ్లడ్ షుగర్ లెవల్స్ తగ్గుతాయి. ఇన్సులిన్ సెన్సిటివిటీ ఇంప్రూవ్ అవుతుంది. విటమిన్స్, ఫైబర్ పుష్కలంగా ఉండే కూరగాయ కాకరకాయ. దీని వల్ల మాత్రమే షుగర్ తగ్గదు. కానీ, కాకరకాయని తమ డైట్‌లో యాడ్ చేసుకుంటే షుగర్‌ని తగ్గించడంలో హెల్ప్ అవుతుంది. దీనిని తినే ముందు డాక్టర్ సలహా తీసుకోవడం మంచిది. ఎందుకంటే కొంతమందికి సైడ్ ఎఫెక్ట్స్ ఉంటాయి. ముఖ్యంగా, షుగర్ మెడిసిన్ తీసుకున్నప్పుడు.

షుగర్ లెవల్స్‌ని తగ్గించే ఫుడ్స్

డయాబెటిస్ తగ్గేందుకు

వీటిని తీసుకుంటూనే కొన్ని జాగ్రత్తలు తీసుకోవాలి. అవి.

ఒత్తిడిని తగ్గించుకోవాలి.

మంచి డైట్ ఫాలో అవ్వాలి.

నీరు ఎక్కువగా తాగాలి.

హెల్దీ పోషకాహారం తీసుకోవాలి.

మంచి నిద్ర ఉండాలి.

రోజూ వర్కౌట్ చేయాలి.

మనం ఏదైనా సమస్య వచ్చాక బాధపడే బదులు రాక ముందునేంచే జాగ్రత్త పడడం మంచిది. హెల్దీ లైఫ్‌స్టైల్ పాలో అయితే ఉన్న సమస్య తగ్గడమే కాకుండా సమస్య త్వరగా అటాక్ కాకుండా ఉంటుంది.