ఇంట్లోని నాన్‌స్టిక్ పాన్‌పై నలుపు పేరుకుపోయి దోశలు సరిగ్గా రావట్లేదా

మనం ఇంట్లో వాడే ఏ పాత్రలైనా సరే వాటిని గట్టిగా రుద్ది తోమితేనే మనకో సాటిస్‌ఫాక్షన్ ఉంటుంది. ఆ పాత్రల్లోనూ వంట తాలుకూ అవశేషాలు ఉండకుండా క్లీన్ అయిపోతుంది. అలా కాకుండా నాన్‌స్టిక్ వంటి పాత్రల్ని మెల్లిగా తోమాలి. అలా తోమితే కొన్ని రోజుల తర్వాత జిడ్డు, నలుపుదనం పేరుకుపోతుంది. దీంతో దోశలు సరిగ్గా రావు. అతుక్కుపోతాయి. అలాంటి పాన్‌తో చిరాగ్గా ఉంటుంది. అయితే, వాటిని ఎలా అయినా క్లీన్ చేయాలనిపిస్తుంది. కానీ, గట్టిగా రుద్దితే కోటింగ్ పోయి మొత్తం ప్యాన్ పాడవుతుంది. అలా కాకుండా వాటిని ఈజీగా ఎలా రిమూవ్ చేయాలి. హార్ష్ స్క్రబ్స్ కెమికల్స్ లేకుండానే తవాని చక్కగా క్లీన్ చేయొచ్చు. దీంతో దోశలు చక్కగా వస్తాయి. దీనికోసం ఏం చేయాలో తెలుసుకోండి.

జెంటిల్ క్లీనింగ్

మీరు ప్రతిరోజూ పాన్ వాడేవారైతే మైల్డ్ డిటర్జెంట్, గోరువెచ్చని నీరు వాడి క్లీన్ చేయాలి. దీని వల్ల కోటింగ్ పోదు. తవా క్లీన్ చేసేటప్పుడు ఎప్పుడు అది పూర్తిగా చల్లారకే క్లీన్ చేయండి. అదే విధంగా ఆహార కణాలను క్లీన్ చేయడానికి చెక్క, సిలికాన్ గరిటె వాడండి. తవా చల్లారక గోరువెచ్చని నీటితో పూర్తిగా పాన్‌ని తడపండి. తర్వాత కొద్దిగా మైల్డ్ డిటర్జెంట్ పోయండి. ఇప్పుడు తవాని క్లీన్ చేయడానికి మెత్తని స్పాంజి వాడండి. అంతేకానీ, గట్టి స్క్రబ్బర్స్ వాడొద్దు. తుప్పు పట్టడం, బ్యాక్టీరియా పెరుగుదలని తగ్గించేందుకు తవాని క్లీన్ చేశాక మెత్తని క్లాత్‌తో తుడవండి.

ఉప్పు, నూనెతో

గట్టి, కాలిన అవశేషాలతో నాన్‌స్టిక్ తవాని ఎలా క్లీన్ చేయాలో అని టెన్షన్ వద్దు. ఉప్పు, నూనె మీ సమస్యని దూరం చేస్తుంది. ముందుగా పాన్‌ని తక్కువ మంటపై కొద్దిగా వేడి చేయండి. తర్వాత పాన్‌పై ఉప్పు చల్లండి. ఇప్పుడు మెత్తని క్లాత్ తీసుకుని ఉప్పుని గుండ్రంగా రుద్దండి. దీంతో ఏవైనా పార్టికల్స్ ఉంటే అవి మొత్తం పోతాయి. ఇప్పుడు కొన్ని చుక్కల నూనె వేసి రుద్దండి. దీంతో తవా నాన్‌స్టిక్ కోటింగ్ పోకుండా ఉంటుంది. రుద్దిన తర్వాతో ఓ సారి తవాని గోరువెచ్చని నీటితో కడిగి ఆరబెట్టండి.

బేకింగ్ సోడా, వెనిగర్

నూనె, పిండితో జిడ్డుగా మారన దోశ తవాని క్లీన్ చేయడానికి ముందుగా దోశ పాన్ పూర్తిగా చల్లారనివ్వండి. తర్వాత పాన్‌పై కొద్దిగా బేకింగ్ సోడాని వేసి మరికొద్దిగా వైట్ వెనిగర్ పోయండి. కొద్దిగా బుడగలు వస్తాయి. అలానే ఉంచండి. దీంతో జిడ్డు, నల్లని మరకలు పోతాయి. మిశ్రమాన్ని 10 నిమిషాల పాటు అలానే ఉంచి మెత్తని స్పాంజితో క్లీన్ గుండ్రంగా తిప్పుతూ రుద్దండి. తర్వాత గోరువెచ్చని నీటితో క్లీన్ చేసి ఆరనివ్వండి.

చేయకూడని తప్పులు

నాన్‌స్టిక్ ‌పాన్‌ని ఎక్కువగా వేడి చేయొద్దు.

వేడిగా ఉన్నప్పుడు ఎప్పుడూ నీరు పోయొద్దు.

డిటర్జెంట్, నీరు కలిపిన నీటిలో నాన్‌స్టిక్‌ని ఎక్కువ ఉంచొద్దు.

​మైల్డ్ డిటర్జెంట్‌తో మాత్రమే క్లీన్ చేయాలి.

స్టోర్ చేసేటప్పుడు పాన్‌ మధ్యలో ఏదైనా క్లాత్, పేపర్ టవల్ ఉంచి మరో వస్తువుని పెట్టండి. అంతేకానీ, రెండు కలిపి పెట్టొద్దు.

వాడేటప్పుడు

దోశలు వేసేటప్పుడు కానీ, పాన్ వాడేటప్పుడు కానీ, ఉల్లి, బంగాళదుంపల్ని రుద్దండి.

పాన్‌ని ఎక్కువగా వేడి చేయకండి.

వేడి పాన్‌పై నీరు అసలే చల్లొద్దు.

దోశ దానంతట అది బయటికి వచ్చేవరకూ వెయిట్ చేయండి.

గరిటతో గట్టిగా రుద్దొద్దు.

మనం పాన్స్‌ని ఎంత జాగ్రత్తగా వాడితే అన్ని ఎక్కువ రోజులు పాన్స్ చక్కగా పనిచేస్తాయి.