మోదీ తో సమావేశమైన భారత మహిళా క్రికెట్ జట్టు
sports | Suryaa Desk | Published : Thu, Nov 06, 2025, 05:32 PM
ప్రపంచకప్ విజేత జట్టును అభినందించేందుకు ప్రధాని మోదీ వారితో సమావేశమయ్యారు. ఈ సందర్భంగా ఆయన మాట్లాడుతూ, హర్లీన్ డియోల్ ఎప్పుడూ ఉత్సాహంగా, నవ్వుతూ ఉంటుందని, ఒత్తిడిలోనూ వాతావరణాన్ని తేలికగా మార్చేస్తుందని ప్రశంసించారు. ప్రధాని మాటలకు స్పందించిన హర్లీన్, వెంటనే ఆయన్నే ఒక ప్రశ్న అడగాలనుకుంది. క్రికెట్కు సంబంధించిన ప్రశ్న అడుగుతుందని అందరూ భావిస్తున్న తరుణంలో ఆమె ఊహించని ప్రశ్న వేసింది."సర్, మీ చర్మం ఎప్పుడూ మెరుస్తూ ఉంటుంది. దయచేసి మీ స్కిన్కేర్ రొటీన్ ఏంటో చెప్పగలరా?" అని హర్లీన్ అడిగింది. ఆమె ప్రశ్న వినగానే ప్రధానమంత్రి సహా అక్కడున్న వారంతా ఒక్కసారిగా గట్టిగా నవ్వేశారు. ఆ ప్రశ్నకు ఆశ్చర్యపోయినప్పటికీ నవ్వుతూనే స్పందించిన మోదీ, "నేను అలాంటి విషయాల గురించి పెద్దగా ఆలోచించను" అని బదులిచ్చారు.అదే సమయంలో జట్టులోని మరో క్రీడాకారిణి వెంటనే అందుకుని, "సర్, అది ఈ దేశంలోని కోట్ల మంది ప్రజల ప్రేమే!" అని అనడంతో మరోసారి నవ్వులు విరిశాయి.ఈ సరదా సంభాషణలో జట్టు హెడ్ కోచ్ అమోల్ మజుందార్ కూడా పాలుపంచుకున్నాడు. "చూశారుగా సర్, ఇలాంటి వ్యక్తిత్వాలతో నేను వ్యవహరించాల్సి వస్తోంది. అందుకే నా జుట్టు తెల్లబడిపోతోంది" అని ఆయన సరదాగా వ్యాఖ్యానించడంతో సమావేశంలో మరింత సందడి నెలకొంది.
|
|