అదే నా డ్రీమ్ టోర్నీ.. టీ20 ప్రపంచకప్పై అభిషేక్ శర్మ ఆసక్తికర కామెంట్స్
sports | Suryaa Desk | Published : Mon, Nov 10, 2025, 11:07 PM
టీమిండియా యంగ్ బ్యాటర్ అభిషేక్ శర్మ తన మనసులోని మాటను చెప్పాడు. అంతర్జాతీయ క్రికెట్లోకి అడుగుపెట్టినప్పటి నుంచి రికార్డులు బద్దలు కొడుతున్న.. అభిషేక్.. టీ20 ప్రపంచకప్ 2026 కోసం ఎదురుచూస్తున్నట్లు చెప్పాడు. అదే తన కలల టోర్నీ అని అతడు వ్యాఖ్యానించాడు.
గంటలోనే 10 వేల అడుగులు ఎలా వేయాలి, గంటలకొద్దీ ఎక్సర్సైజ్ చేయలేని వారికి ఈజీగా ఫ్యాట్, వెయిట్ తగ్గించే వర్కౌట్స్
“వచ్చే ఏడాది జరిగే టీ20 ప్రపంచకప్ 2026 నా కెరీర్లోనే అతిపెద్ద టోర్నీ కానుంది. చెప్పాలంటే అది నా కలల టోర్నమెంట్. నేను ప్రపంచకప్ కోసం సిద్ధంగా ఉన్నాను. ఒకవేళ నాకు ఈ మెగా ఈవెంట్లో ఆడే అవకాశం వస్తే రఫ్ఫాడిస్తా,” అని తన మనసులోని మాటను చెప్పేశాడు అభిషేక్ శర్మ. కాగా ఐపీఎల్లో సన్ రైజర్స్ తరఫున మెరుపులు మెరిపించిన అభిషేక్.. ఏకంగా జాతీయ జట్టులో చోటు దక్కించుకున్నాడు. ఆ తర్వాత మళ్లీ వెనక్కి తిరిగి చూడలేదు
ప్రస్తుతం భారత టీ20 జట్టులో అతడు సుస్థిర స్థానం ఏర్పాటు చేసుకున్నాడు. ఓపెనర్గా క్రీజులోకి వస్తున్న ఈ డ్యాషింగ్ బ్యాటర్.. ధనాధన్ ఆటను ప్రత్యర్థులకు రుచి చూపిస్తున్నాడు. అసలైన టీ20 క్రికెట్కు అర్థాన్ని చెబుతూ పరుగుల వరద పారిస్తున్నాడు. ఇటీవల ముగిసిన ఆసియాకప్ 2025లో 314 రన్స్తో చెలరేగిపోయాడు. ఇక ఆస్ట్రేలియాతో జరిగిన ఐదు మ్యాచ్ల సిరీస్లోనూ టాప్ స్కోరర్గా నిలిచాడు. 163 పరుగులు స్కోరు చేసి.. ప్లేయర్ ఆఫ్ ది సిరీస్గా ఎంపికయ్యాడు.
అంతేకాకుండా ప్రస్తుతం ఐసీసీ టీ20 బ్యాటర్ల ర్యాంకింగ్లో అభిషేక్ శర్మ అగ్రస్థానంలో ఉన్నాడు. దీంతో నంబర్ వన్ టీ20 బ్యాటర్గా కొనసాగుతున్నాడు. ప్రస్తుతం అతడి ఖాతాలో 925 రేటింగ్ పాయింట్స్ ఉన్నాయి. ఇక వచ్చే ఏడాది భారత్, శ్రీలంక సంయుక్త వేదికల్లో టీ20 ప్రపంచకప్ 2026 జరగనుంది. ఇందులో మొత్తంగా 20 జట్లు పాల్గొంటాయి. ఫిబ్రవరి, మార్చి నెలలో ఈ టోర్నీ జరగనుంది. ఇటీవల భారత్.. ఆస్ట్రేలియాతో టీ20 సిరీస్ను 2-1తో కైవసం చేసుకుంది. త్వరలో దక్షిణాఫ్రికాతో టెస్ట్, వన్డే, టీ20 సిరీస్ ఆడనుంది. నవంబర్ 14 నుంచి తొలి టెస్టు మ్యాచ్ ప్రారంభం కానుంది.
|
|