ముఖంపై నల్ల మచ్చలు + ముడతలు తగ్గేందుకు చిట్కా

ఈ రోజుల్లో ప్రతి ఒక్కరూ అందంగా ఉండాలని కోరుకుంటారు. ముఖ్యం అమ్మాయిలు అందంపై ప్రత్యేక దృష్టి పెడతారు. అందుకే బ్యూటీ ట్రెండ్స్ ఎప్పటికప్పుడు మారుతూ.. ఆరోగ్యకరమైన చర్మాన్ని కాపాడుకోవడానికి సాయపడతాయి. బ్యూటీ హ్యాక్స్, బ్యూటీ టిప్స్ గురించి ప్రతి రోజూ సోషల్ మీడియాలో అనేక వీడియోలు, పోస్టులు దర్శనమిస్తున్నాయి.

చాలా మంది సెలబ్రిటీలు తమ బ్యూటీ టిప్స్‌ను అభిమానుల కోసం పంచుకుంటున్నారు. ఇక, సౌత్ టాప్ హీరోయిన్ నటి తమన్నా భాటియా తనకు ఇష్టమైన DIY ఫేస్ మాస్క్‌ల్ని ఎలా తయారు చేయాలో చూపిస్తూ ఇన్‌స్టాగ్రామ్‌లో ఒక వీడియోను షేర్ చేసింది. వీడియోలో తమన్నా చిన్నప్పటి నుంచి ఈ ఫేస్ మాస్క్‌ను ఉపయోగిస్తున్నట్లు వివరించారు. ఈ మాస్క్‌ను తమన్నాకి ఆమె తల్లి చెప్పారు. ముఖంపై నల్ల మచ్చలతో పాటు ముడతలు తగ్గించే ఫేస్ మాస్క్‌ల్ని ఎలా తయారు చేసుకోవాలి, ఎలా అప్లై చేసుకోవాలో ఇప్పుడు తెలుసుకుందాం.

ఫస్ట్ ఫేస్ మాస్క్ కోసం కావాల్సిన పదార్థాలు

* గంధపు పొడి (చందనం) - 1 టీస్పూన్

* తేనె - 1 టీస్పూన్

* కాఫీ పొడి - 1 చెంచా

* రోజ్ వాటర్ - కొద్దిగా

తయారీ విధానం

ముందుగా గిన్నెలో ఒక టీ స్పూన్ చందనం పొడి, ఒక టీ స్పూన్ కాఫీ కలపండి. ఆ తర్వాత ఒక టీ స్పూన్ తేనె కలిపి బాగా పేస్టులా తయారు చేసుకోండి. ఈ పేస్ట్ చాలా మందంగా ఉంటే కొద్దిగా రోజ్ వాటర్ కలపండి. ఈ పేస్టును ముఖానికి బాగా అప్లై చేసి.. 10 నుంచి 15 నిమిషాలు అలాగే ఉంచండి. అది బాగా ఆరిన తర్వాత ముఖాన్ని క్లీన్ చేసుకోండి. ఆ తర్వాత తేడాను మీరే గమనిస్తారని తమన్నా భాటియా అంటున్నారు. 

ఈ ఫేస్ మాస్క్ వల్ల ప్రయోజనాలు

* చర్మానికి చల్లదనం ఇస్తుంది. ఈ మాస్క్‌లో ఉపయోగించే గంధం చర్మానికి శీతలీకరణ ప్రభావాన్ని అందించడంలో సాయపడుతుంది. ఇది చర్మాన్ని చల్లగా ఉంచడంలో సాయపడుతుంది.

* కాఫీ పొడిలో యాంటీ ఆక్సిడెంట్, ఎక్స్‌పోలియేటింగ్ లక్షణాలు ఉన్నాయి. ఇవి చర్మాన్ని లోతుగా శుభ్రపర్చడంలో సాయపడతాయి. తేనెలో యాంటీ బ్యాక్టీరియల్, క్రిమినాశక లక్షణాలు ఉన్నాయి. ఇవి చర్మాన్ని ఇన్ఫెక్షన్ల నుంచి రక్షించడంలో సాయపడతాయి.

* ముఖానికి సహజ మెరుపు వస్తుంది. చర్మం యొక్క సహజ కాంతిని కాపాడటానికి సాయపడుతుంది. చందనం పొడిలో ఉండే యాంటీఆక్సిడెంట్లు నల్ల మచ్చల్ని తగ్గించి మీ చర్మాన్ని ప్రకాశవంతం చేయడంలో సాయపడతాయి.

* టానింగ్, నల్ల మచ్చల నుంచి ఉపశమనం లభిస్తుంది. కాఫీ, చందనం పొడి రెండూ నల్ల మచ్చల్ని తగ్గించడంలో ప్రభావవంతగా ఉంటాయి. కాఫీ, గంధపు పొడి రెండింటిలో ఎక్స్‌ఫోలియేటింగ్ లక్షణాలు ఉంటాయి. ఇవి చర్మాన్ని లోతుగా శుభ్రపరుస్తాయి. ఇది టానింగ్, నల్ల మచ్చలు, పిగ్మెంటేషన్ తగ్గించడంలో సాయపడుతుంది. 

తమన్నా చెప్పిన రెండో ఫేస్ మాస్క్‌కి కావాల్సిన పదార్థాలు

తమన్నా చెప్పిన రెండో ఫేస్ మాస్క్‌కి కావాల్సిన పదార్థాలు

* శనగ పిండి - ఒక టీ స్పూన్

* ప్లేన్ యోగర్ట్ లేదా పెరుగు - ఒక టీ స్పూన్

* రోజ్ వాటర్ - ఒక టీ స్పూన్ 

రెండో ఫేస్ మాస్క్

తయారీ విధానం

ఈ ఫేస్ ప్యాక్ తయారీకి ముందుగా ఒక గిన్నెలో శనగపిండి, పెరుగు వేసి బాగా మిక్స్ చేసుకోవాలి. ఆ తర్వాత ఒక టీ స్పూన్ రోజ్ వాటర్ కలిపి.. పేస్టులా చేసుకోవాలి. ఈ పేస్టును ముఖానికి, మెడకి అప్లై చేసుకోవాలి. ఈ ఫేస్ మాస్క్‌ని 15 నిమిషాల పాటు అలాగే ఉంచుకోవాలి. ఆ తర్వాత గోరువెచ్చని నీటితో శుభ్రం చేసుకోవాలి.

ప్రయోజనాలు

ఈ ఫేస్ మాస్క్ అప్లై చేసుకోవడం వల్ల చాలా ప్రయోజనాలు ఉన్నాయి. శనగపిండి మృత చర్మాన్ని తొలగించడంలో సాయపడుతుంది. పెరుగు చర్మాన్ని మృదువుగా హైడ్రేట్ చేస్తుంది. రోజ్ వాటర్‌లో ఉండే యాంటీ బ్యాక్టీరియల్, యాంటీ ఇన్ఫ్లమేటరీ గుణాలు జిడ్డును తగ్గించి.. ముడతల్ని నివారించడంలో సాయపడతాయి. వారానికి రెండుసార్లు దీన్ని అప్లై చేయడం వల్ల చర్మం స్పష్టంగా, ప్రకాశవంతంగా, ముడతలు లేకుండా ఉంటుంది.