చాక్లెట్ తింటూనే బరువు తగ్గండిలా..!
Recipes | Suryaa Desk | Published : Mon, Nov 10, 2025, 11:28 PM
చాక్లెట్లు.. వీటిని చిన్న పిల్లల నుంచి పెద్ద వాళ్ల వరకు చాలా ఇష్టంగా తింటుంటారు. ఏ ఇవెంట్ అయినా.. ఇంకా స్పెషల్గా మారాలంటే.. చాక్లెట్కచ్చితంగా ఉండాలి. డార్క్, మిల్క్, వైట్చాక్లెట్స్.. అని చాక్లెట్స్లో చాలా రకాలు ఉంటాయి. అయితే, అన్ని చాక్లెట్లు ఆరోగ్యానికి అంత మంచిది కాదు.. కానీ, డార్క్ చాక్లెట్ ఆరోగ్యానికి ఎంతో మేలు చేస్తుందని నిపుణులు అంటున్నారు. చాక్లెట్లవర్స్.. డైట్లో ఉన్నా, బరువు తగ్గాలనుకున్నా.. చాక్లెట్ను త్యాగం చేస్తూ ఉంటారు. చాక్లెట్ తింటే.. బరువు పెరిగిపోతామని భయంతో ఉంటారు. అయితే, అలాంటి వారికి.. డార్క్చాక్లెట్ ట్రీట్ అని చెప్పొచ్చు. డార్క్ చాక్లెట్ వైయిట్ లాస్జర్నీకి ఎలా సహాయపడుతుందో ఈ స్టోరీలో చూసేద్దాం.
ఆకలిని తగ్గిస్తుంది..
డార్క్ చాక్లెట్ ఆకలిని తగ్గిస్తుంది.. ఎక్కువగా తినకుండా నియంత్రిస్తుంది. చాక్లెట్రుచి, దానిలోని కోకో కంటెంట్.. షుగర్క్రేవింగ్స్ను తగ్గిస్తాయి, తిండి అతిగా తినకుండా కంట్రోల్చేస్తుంది. డార్క్ చాక్లెట్ తింటే.. ఆకలిని ప్రేరేపించే హార్మోన్ గ్రెలిన్ స్థాయిలు తగ్గుతాయని అధ్యయనాలు చెబుతున్నాయి.
స్ట్రెస్ తగ్గిస్తుంది..
డార్క్ చాక్లెట్రోజూ కొద్దిగా తీసుకుంటే.. మానసిక స్థితి మెరుగుపడుతుందని నిపుణులు అంటున్నారు. ఇది స్ట్రెస్లెవల్స్ను కూడా తగ్గిస్తుంది. డార్క్చాక్లెట్లోని ఫ్లేవనాయిడ్లు, థియోబ్రోమిన్ వంటి సమ్మేళనాలు.. ఎండార్ఫిన్లు, సెరోటోనిన్ వంటి హ్యాపీ హార్మోన్ల విడుదలను ప్రోత్సహిస్తుంది. మానసికంగా ఆరోగ్యంగా ఉంటే.. ఎమోషనల్ ఈటింగ్ తగ్గుతుంది. చాలామంది ఒత్తిడి ఎక్కువగా ఉన్నప్పుడు అతిగా తింటూ ఉంటారు.
జీవక్రియను పెంచుతుంది..
డార్క్ చాక్లెట్లో కెఫిన్, థియోబ్రోమిన్ వంటి స్టిమ్యులెంట్స్ఉంటాయి.. ఇవి మీ విశ్రాంతి జీవక్రియ రేటును కొద్దిగా పెంచుతాయి. జీవక్రియలో ఈ పెరుగుదల మీ శరీరం రోజంతా ఎక్కువ కేలరీలను బర్న్ చేసేలా చేస్తాయి. ఇది మీ వెయిట్లాస్జర్నీకి సహాయపడుతుంది.
గుండె ఆరోగ్యానికి మద్దతు ఇస్తుంది..
డార్క్ చాక్లెట్ను రోజూ కొద్దిగా తీసుకుంటే.. గుండె ఆరోగ్యం మెరుగుపడుతుంది. దీనిలోని యాంటీఆక్సిడెంట్ లక్షణాలు.. బీపీని కంట్రోల్లో ఉంచుతాయి, ఇన్ఫ్లమేషన్తగ్గిస్తాయి, కొలెస్ట్రాల్ స్థాయిలను కంట్రోల్లో ఉంచుతాయి. బరువు తగ్గడానికి అనుకూలమైన చురుకైన జీవనశైలిని నిర్వహించడానికి ఇది అవసరం.
ఇన్సులిన్ సెన్సిటివిటీని మెరుగుపరుస్తుంది..
డార్క్ చాక్లెట్లో ఉండే ఫ్లేవనాయిడ్లు ఇన్సులిన్ సెన్సిటివిటీని పెంచుతాయి. మీ శరీరం గ్లూకోజ్ను కొవ్వుగా నిల్వ చేయడానికి బదులుగా శక్తి కోసం మరింత సమర్థవంతంగా ఉపయోగించుకోవడానికి వీలు కల్పిస్తుంది. మెరుగైన ఇన్సులిన్ పనితీరు రక్తంలో చక్కెర స్తాయిలను కంట్రోల్లో ఉంచుతుంది. ఇన్సులిన్ నిరోధకతతో కారణంగా బరువు పెరిగే అవకాశం ఉంటే.. దాన్ని నిరోధిస్తుంది.
పేగు ఆరోగ్యానికి మంచిది..
డార్క్ చాక్లెట్లో ప్రీబయోటిక్ ఫైబర్లు ఉంటాయి, ఇవి పేగు బాక్టీరియాను పోషిస్తాయి. ఆరోగ్యకరమైన పేగు మైక్రోబయోమ్ జీర్ణక్రియ, పోషకాల శోషణ, బరువును కంట్రోల్లో ఉంచుతాయి.
ఇలా తీసుకోండి..
క్వాలిటీ చాక్లెట్తీసుకోండి. కనీసం 70% కోకో కంటెంట్ఉన్న డార్క్చాక్లెట్ను ఎంచుకోండి. రోజుకు 28 గ్రాములు మాత్రమే తీసుకోండి. ఎక్కువగా తీసుకుంటే క్యాలరీ ఇన్టేక్పెరుగుతుంది. డార్క్చాక్లెట్ను నట్స్, పండ్లతో కలిపి తీసుకోండి.
|
|