కాశీబుగ్గ తొక్కిసలాట బాధితులకి వైసీపీ అండ
Andhra Pradesh Telugu | Suryaa Desk | Published : Tue, Nov 11, 2025, 04:11 PM
కాశీబుగ్గ శ్రీవేంకటేశ్వర స్వామి ఆలయంలో ఇటీవల జరిగిన తొక్కిసలాట దుర్ఘటనలో మృతి చెందిన మొత్తం 9 మంది భక్తుల కుటుంబాలకు వైయస్ఆర్ కాంగ్రెస్ పార్టీ తరఫున ప్రకటించిన ఆర్థిక సహాయాన్ని అందజేశారు. ఈ విషాదంలో రాపాక విజయ, చిన్ని యశోదమ్మ, ఏడూరి చిన్నమ్మీ, డి. రాజేశ్వరి, ఎం. నీలమ్మ, బృందావతి, నిఖిల్, అమ్ముడమ్మ, రూప ప్రాణాలు కోల్పోయారు. వీరి కుటుంబాలకు ఒక్కొక్కరికి రూ. 2 లక్షల చొప్పున వైయస్ఆర్సీపీ నాయకులు చెక్కులను పంపిణీ చేశారు. జిల్లా వైయస్ఆర్సీపీ అధ్యక్షుడు, మాజీ డిప్యూటీ సీఎం ధర్మాన కృష్ణ దాస్ నేతృత్వంలో జరిగిన ఈ సహాయ పంపిణీ కార్యక్రమంలో మాజీ స్పీకర్ తమ్మినేని సీతారాం, ఎమ్మెల్సీ నర్తు రామారావు, మాజీ మంత్రి సీదిరి అప్పలరాజు, జిల్లా పరిషత్ చైర్పర్సన్ పిరియ విజయ పాల్గొన్నారు. వీరితో పాటు పార్టీ ముఖ్య నాయకులు అందవరపు సూరిబాబు, మామిడి శ్రీకాంత్, దుంపల లక్ష్మణరావు, రాజాపు అప్పన్న, దాసు డాక్టరు, పిలక రాజ్యలక్ష్మి సంతోష్ రెడ్డి, స్థానిక ఎంపీపీలు, జడ్పీటీసీలు పెద్ద సంఖ్యలో పాల్గొని మృతుల కుటుంబ సభ్యులను పరామర్శించారు. పార్టీ అండగా ఉంటుందని వారికి ధైర్యం చెప్పారు.
|
|