ఆవుపాలు, గేదె పాలు రెండింటిలో ఏది మంచిది

​పిల్లల ఎదుగుదలకి పాలు చాలా మంచివి. అందులో ఆవుపాలు తాగిస్తే ఎక్కువ లాభాలా, గేదెపాలు తాగిస్తే ఎక్కువ బెనిఫిట్స్ అనేది ఆలోచిస్తుంటారు. అయితే, కొంతమంది ఆవుపాలలో పోషకాలు ఎక్కువగా ఉంటే కొంతమంది అవి పిల్లలకి మంచివి కాదని చెబుతారు. అసలు నిజం ఏంటి? ఏ పాలు తాగిస్తే పిల్లలకి మంచిదో పీడియాట్రిక్ నెఫ్రాలజిస్ట్ కునాల్ పాయ్ ఇన్‌స్టాగ్రామ్‌లో ఓ వీడియోలో షేర్ చేసుకున్నారు. ఆ వివరాలు మీకోసం

డాక్టర్ ఏమంటున్నారంటే

ఆవుపాలు కాస్తా పల్చగా ఉంటాయి. ఇవి త్వరగా జీర్ణమవుతాయి. ఎక్కువగా చిక్కగా ఉండవు. పైగా ప్రోటీన్ బ్యాలెన్స్‌గా ఉంటుంది. ఫ్యాట్ కూడా సరిగ్గా ఉంటుంది దీంతో పిల్లలు వీటిని ఈజీగా జీర్ణం చేసుకుంటారు. గేదెపాలు చిక్కగా ఉంటాయి. కానీ, ఆవు పాలకంటే రెండు రెట్లు ప్రోటీన్, కొవ్వు ఉంటుంది. ఈ పాలు తాగితే ఎక్కువ ఎనర్జీ అందుతుంది. వీటిని తాగడం వల్ల పిల్లలు బరువు కూడా పెరుగుతారు.

సంవత్సరం లోపు పిల్లలకి పాలు

ఓ సంవత్సరం కంటే తక్కువ వయసున్న పిల్లలకి ఆవుపాలు ఇవ్వొద్దు. పాలలో ఎక్కువగా ఐరన్ ఉంటుంది.తాగిన పిల్లల ప్రేగుల్లో కొద్దిగా రక్తస్రావానికి కారణమవుతుంది. క్రమంగా ఐరన్ లోపం ఏర్పడుతుంది. ఇక గేదె పాలలో ఎక్కువగా ఖనిజాలు, ప్రోటీన్స్ ఉంటాయి. ఇవి కిడ్నీలపై అదనపు ఒత్తిడిని కలిగిస్తాయి. వారిలో ఆకలిని తగ్గిస్తాయి.

ఏ వయసువారికి ఏ పాలు ఇవ్వాలి?

12 నెలల వయసు కంటే తక్కువ వయసున్న పిల్లలకి ఆవు, గేదెపాలు ఇవ్వకపోవడమే మంచిది. ఆవుపాలు సంవత్సరం తర్వాత ఇవ్వొచ్చు. ఎందుకంటే ఇవి కాస్తా పల్చగా ఉంటాయి. కాబట్టి, జీర్ణమవుతాయి. కానీ, గేదె పాలలో అదనపు కేలరీలు ఉంటాయి. కాబట్టి, రెండు సంవత్సరాల వయసున్నవారికి ఇవ్వాలి.

పాలు తాగించినప్పుడు సమస్యలు

ప్రతీ బిడ్డ ఒకటే కాదు. ఒక్కొక్కరి శరీరతత్వాలు ఒక్కోలా ఉంటాయి. కాబట్టి, మీరు మీ పిల్లలకి పాలు ఇచ్చినప్పుడు జీర్ణమవుతున్నాయో లేదో గమనించండి. అప్పుడే పాలని ఇవ్వండి. ఎలాంటి సమస్యలున్నా డాక్టర్‌ని కలవడం మంచిది. ఇవి కాకుండా ఏ సమస్యలొచ్చినా డాక్టర్ సలహా తీసుకోవడం మంచిది.

సరైన మోతాదు

అదే విధంగా, పాలు ఎంత మోతాదులో ఇవ్వాలనేది కూడా ముఖ్యమే. పిల్లలకి గ్లాసు పాలు ఇస్తే మంచిది. అది పెద్దగా కాకుండా చిన్న గ్లాసు పరిమాణంలో స్టార్ట్ చేసి వారికి జీర్ణమవ్వడం, ఎలాంటి సమస్యలు లేకపోతే ఆ క్వాంటిటీని పెంచుకుంటూ పెద్ద గ్లాసు వరకూ పాలు ఇవ్వొచ్చు. కానీ, ఒకేసారి ఎక్కువగా పాలు ఇవ్వకపోడమే మంచిది.