2026 ఫిఫా వరల్డ్ కప్ విజేతకు రూ.450 కోట్ల ప్రైజ్ మనీ!

వచ్చే ఏడాది జూన్ 11 నుంచి జులై 19 వరకు అమెరికా, కెనడా, మెక్సికో దేశాల్లో సంయుక్తంగా జరగనున్న 2026 ఫిఫా ఫుట్బాల్ వరల్డ్ కప్ టోర్నమెంట్ ఆసక్తికరంగా సాగనుంది. ఈసారి మొదటిసారిగా 48 జట్లు పాల్గొననున్న నేపథ్యంలో ఫిఫా భారీ ప్రైజ్ మనీని ప్రకటించింది. మొత్తం పాల్గొనే జట్లకు పంపిణీ చేయడానికి సుమారు 6,000 కోట్ల రూపాయలకు పైగా వెచ్చించనుంది. ఈ టోర్నమెంట్ ఫుట్బాల్ ప్రేమికులకు కొత్త ఉత్సాహాన్ని తెప్పించేలా ఉండనుంది.
విజేత జట్టుకు రికార్డు స్థాయిలో సుమారు 451 కోట్ల రూపాయలు (సుమారు 50 మిలియన్ డాలర్లు) అందనున్నాయి. రన్నరప్ జట్టుకు దాదాపు 297 కోట్ల రూపాయలు, మూడో స్థానం సాధించిన జట్టుకు 261 కోట్లు, నాలుగో స్థానానికి 243 కోట్ల రూపాయలు లభించనున్నాయి. ఈ ప్రైజ్ మనీ 2022 వరల్డ్ కప్‌తో పోల్చితే గణనీయంగా పెరిగింది. టాప్ ఫోర్ జట్లకు మాత్రమే కాకుండా మిగతా జట్లకూ ఆకర్షణీయమైన మొత్తాలు కేటాయించడం విశేషం.
క్వార్టర్ ఫైనల్స్ (5 నుంచి 8 స్థానాలు) చేరిన జట్లకు జట్టుకు 171 కోట్ల రూపాయల చొప్పున ప్రైజ్ మనీ లభిస్తుంది. అలాగే రౌండ్ ఆఫ్ 16 (9 నుంచి 16 స్థానాలు)లో నిలిచిన జట్లకు 135 కోట్లు, గ్రూప్ స్టేజ్ తర్వాత 17 నుంచి 32 స్థానాలకు 99 కోట్లు అందుతాయి. ఈ విధానం అన్ని జట్లనూ ప్రోత్సహించేలా రూపొందించారు. టోర్నమెంట్ విస్తరణతో ఎక్కువ మ్యాచ్‌లు జరగనున్నాయి కాబట్టి ఆదాయం కూడా భారీగా పెరిగింది.
గ్రూప్ స్టేజ్‌లోనే నిష్క్రమించిన 33 నుంచి 48 స్థానాల జట్లకు కూడా జట్టుకు 81 కోట్ల రూపాయలు చొప్పున ఇవ్వనుంది ఫిఫా. ఇందులో ప్రిపరేషన్ ఖర్చులు కూడా భాగమే. మొత్తంగా ఈ టోర్నమెంట్ ద్వారా పాల్గొనే అన్ని దేశాల ఫుట్బాల్ అభివృద్ధికి భారీ బూస్ట్ లభించనుంది. ఫిఫా అధ్యక్షుడు గియాన్నీ ఇన్ఫాంటినో ఈ ప్రైజ్ మనీ పెంపు గ్లోబల్ ఫుట్బాల్ కమ్యూనిటీకి గ్రౌండ్ బ్రేకింగ్ అని పేర్కొన్నారు. ఈ మెగా ఈవెంట్‌ను ఎవరు గెలుచుకుంటారో చూడాలి!