రవి ఐ-బొమ్మ కేసు: అవినీతిపరమైన వ్యక్తి పేరు బయటపడింది

ఐ-బొమ్మ నిర్వాహకుడు రవి కేసులో పోలీసులు విచారిస్తున్న కొద్దీ కొత్త విషయాలు బయటపడుతున్నాయి. తాజాగా ఈ కేసులో మరో కీలక పరిణామం వెలుగులోకి వచ్చింది.పోలీసుల విచారణలో రవి దగ్గర ప్రహ్లాద్ వెల్లేల అనే వ్యక్తి పేరుతో నకిలీ గుర్తింపు కార్డులు ఉన్నట్లు గుర్తించబడింది. రవి, ప్రహ్లాద్ పేరుతో ఫేక్ పాన్ కార్డు, డ్రైవింగ్ లైసెన్స్ తీసుకొని వాడినట్లు పోలీసులు వెల్లడించారు. అయితే ప్రహ్లాద్ పోలీసులకు చెప్పిన వివరాల ప్రకారం, అతడికి రవి తో ఎలాంటి సంబంధం లేదని చెప్పాడు. ఈ కారణంగా కేసును మరింత లోతుగా దర్యాప్తు చేస్తున్నారు.తెలుగు చిత్రసీమలో సంచలనాన్ని సృష్టించిన ఐ బొమ్మ రవి, చివరికి పోలీసులు పట్టుకోవడానికి ప్రయత్నించగా, తన కేసు విచారణలో రోజుకో కొత్త విషయం బయటకు వస్తోంది. తాజాగా ప్రహ్లాద్ వెల్లేల పేరిట రవి పాన్ కార్డు, డ్రైవింగ్ లైసెన్స్ పొందినట్లు పోలీసులు గుర్తించారు.విచారణలో రవి ప్రహ్లాద్ తన ఫ్రెండ్ అని, అప్పట్లో ఇద్దరూ ఒకే రూమ్‌లో ఉండేవాళ్లం కాబట్టి ఆ పేరును ఉపయోగించానని పోలీసులకు చెప్పాడు. దాంతో ప్రహ్లాద్‌ను విచారించడానికి బెంగళూరులోని అతన్ని హైదరాబాద్‌కు పిలిపించారు. కస్టడీలో రవిని ఎదురుగా ఉంచి ప్రహ్లాద్‌ ను విచారించిన పోలీసులు నిజం తెలిసి ఆశ్చర్యపోయారు.ప్రహ్లాద్ తెలిపిన వివరాల ప్రకారం, “నాకు రవి ఎవరో తెలియదు. నా పేరు మీద పాన్ కార్డు, డ్రైవింగ్ లైసెన్స్ తీసుకున్నాడని తెలుసుకుని షాక్ అయ్యాను” అని తెలిపారు. దీనితో రవి చెప్పిన ఫ్రెండ్ కథ కల్పితమని పోలీసులు తేల్చుకున్నారు. ప్రహ్లాద్‌కి సంబంధించిన డాక్యుమెంట్లను రవి దొంగిలించి, వాటిని ఆధారంగా ఫేక్ గుర్తింపు కార్డులు సృష్టించినట్లు పోలీసులు అనుమానం వ్యక్తం చేస్తున్నారు. మరోవైపు రవి పోలీసు కస్టడీ రేపటితో ముగియనుంది.విశాఖపట్నానికి చెందిన రవి ఐ బొమ్మ పైరసీలో ప్రధాన నిందితుడుగా ఉన్నాడు. పోలీసుల కస్టడీలో విచారణలో భాగంగా రవి హార్డ్ డ్రైవ్‌లలో అనేక భాషల్లో సుమారు 21,000 సినిమాలు ఉంచుకున్నట్టు గుర్తించారు. ఐ బొమ్మ వెబ్‌సైట్ ద్వారా రవి రూ.20 కోట్లు సంపాదించినట్లు తెలుస్తోంది. దర్యాప్తు సమయంలో అతని బ్యాంక్ ఖాతాల్లోని సుమారు రూ.3.5 కోట్లను సీజ్ చేసినట్లు అధికారులు తెలిపారు.