బాడీలో కొలెస్ట్రాల్ పెరిగితే ముఖంపై కనిపించే లక్షణాలు

ఏవైనా సమస్యలు ఉన్నప్పుడు లక్షణాలు కనిపిస్తాయి. వాటిని మనం ముందుగానే గమనించాలి. లేదంటే సమస్య ముదిరిపోతుంది. అయితే, కొన్ని ప్రాబ్లమ్స్ మనకి ఎలాంటి లక్షణాలని చూపించవు. అందులో హై కొలెస్ట్రాల్ కూడా ఒకటి. బాడీలో కొలెస్ట్రాల్ పెరిగినప్పటికీ ఎలాంటి లక్షణాలు కనిపించవు. కానీ, మన ముఖంపై సాధారణంగా కొన్ని లక్షణాలు కనిపిస్తాయి. వాటిని నిర్లక్ష్యం చేయొద్దు. అవి కొలెస్ట్రాల్ పెరిగితే కనిపించే లక్షణాలేనని డాక్టర్ దివ్య మెరీనా ఫెర్నాండెస్ చెబుతున్నారు. మరి ఆ లక్షణాలు ఏంటో ఎలా గుర్తుపట్టాలో తెలుసుకోండి.

జాంథెలాస్మా కూడా ఓ లక్షణమే

సాధారణంగా ఈ పేరు చాలా మందికి తెలియకపోవచ్చు. కానీ, పేరు కాకుండా ఈ లక్షణాలని గమనించే ఉంటారు. కనురెప్పలపై లేదా చుట్టూ పసుపు రంగులు మృదువుగా ఎలాంటి నొప్పి లేకుండా కొన్ని ఫలకాలు ఏర్పడతాయి. ఇవి చర్మం కింద కొలెస్ట్రాల్ నిల్వలు. కొలెస్ట్రాల్ పెరిగితే ఇవి కనిపిస్తాయి.

రెండో లక్షణం కార్నియల్ ఆర్కస్

కార్నియా ఆర్కస్ అనేది కంటిలో కనిపించే మరో సమస్య. కార్నియా చుట్టూ బూడిద, తెలుపు లేదా నీలిరంగులో వచ్చే సమస్య. నలభై ఐదు సంవత్సరాల కంటే తక్కువ వయసు ఉన్నవారిలో కొలెస్ట్రాల్ లెవల్స్ పెరిగినప్పుడు ఇది కనిపిస్తుంది. దీనిని కూడా ముందుగానే గుర్తించాలి.

మూడో లక్షణం జాంథోమాస్

ఇవి కూడా బాడీలో కొలెస్ట్రాల్ పేరుకుపోవడం వల్ల బుగ్గలపై, కళ్ళ చుట్టూ ఏర్పడే చిన్న పసుపు గడ్డలు. అరుదుగా.. ఈ సమస్య దీర్ఘకాలిక హై కొలెస్ట్రాల్ కారణంగా వస్తాయి. సరిలేని ప్రసరణ కారణంగా ఎర్రబడడం, నిస్తేజంగా, అనారోగ్యకరమైన చర్మం వచ్చే అవకాశం ఉంది. అయితే, హై కొలెస్ట్రాల్ ఉన్నవారిలో ఎక్కువమందిలో ఈ లక్షణాలు కనిపించవని గుర్తుంచుకోవాలి. కొంతమందికి ఈ లక్షణాలేవి కనిపించకుండానే బాడీలో కొలెస్ట్రాల్ పెరుగుతుంది.

హై కొలెస్ట్రాల్ పెరిగినప్పుడు 

ఈ మార్పులు ఎక్కువగా కొలెస్ట్రాల్ పెరిగినప్పుడు మాత్రమే కనిపిస్తుంది. అందుకే, ముందుగానే దీనిని గుర్తించాలి. దీనికి మనం బ్లడ్ టెస్ట్ చేయించుకోవచ్చు. వాటిలో నిర్ధారణ జరిగాక డాక్టర్‌ని సంప్రదించాలి. అప్పుడు మన పరిస్థితిని బట్టి సరైన ట్రీట్‌మెంట్, జాగ్రత్తలు, సూచనలు సూచిస్తారు.

ఎలాంటి జాగ్రత్తలు తీసుకోవాలి

సమస్యని ముందుగానే గుర్తించి మన లైఫ్‌స్టైల్‌ని కూడా సరిచేసుకోవాలి. హెల్దీ ఫుడ్ తీసుకుంటూ మంచి వర్కౌట్స్ చేయాలి. అవసరమైతే డాక్టర్ సూచించిన మెడిసిన్ తీసుకోవాలి. ఇలా జాగ్రత్తలు తీసుకున్నప్పుడే కొలెస్ట్రాల్ కారణంగా వచ్చే గుండె సమస్యల వంటి ప్రమాదకరమైన సమస్యల్ని మనం దూరం చేసుకోవచ్చు.