Vinfast VF5: భారత్లో ఎలక్ట్రిక్ SUV విప్లవం!
Technology | Suryaa Desk | Published : Sun, Jan 18, 2026, 11:55 PM
భవిష్యత్తు రోడ్లపై ఎలక్ట్రిక్ వాహనాలే రాణించే పరిస్థితి ఖాయం. ఇప్పటికే ఎలక్ట్రిక్ స్కూటర్లు, బైకులు, కార్లు రోడ్లపై హై స్పీడ్లో దూసుకెళ్తున్నాయి. ఆటోమొబైల్ కంపెనీలు కొత్త ఎలక్ట్రిక్ వాహనాలను పరిచయం చేస్తూ వినూత్న సాంకేతికతను ప్రదర్శించుతున్నారు.మీకొచ్చిన తాజా సమాచారం ప్రకారం, VinFast త్వరలో కొత్త ఎలక్ట్రిక్ SUVని భారత మార్కెట్లో ప్రవేశపెట్టే సన్నాహాలు చేస్తున్నట్లు టాక్ వినిపిస్తోంది. కంపెనీ నుండి అధికారిక ప్రకటన రాలేకపోయినా, మార్కెట్ వర్గాల అంచనాలు VinFast VF5 విడుదల అవ్వనుందనే ఉన్నాయి.ఈ SUV లో LED హెడ్లైట్లు, 16–17 అంగుళాల వీల్స్, 7 అంగుళాల డిజిటల్ ఇన్స్ట్రుమెంట్ క్లస్టర్, 8 అంగుళాల ఇన్ఫోటైన్మెంట్ సిస్టమ్, మూడు స్పోక్ స్టీరింగ్ వీల్, PM 2.5 ఎయిర్ ఫిల్టర్, లెథరెట్ సీట్లు, ఆటో హెడ్లైట్లు, 4 స్పీకర్ ఆడియో సిస్టమ్, ABS, EBD, ఎయిర్బ్యాగులు, ISOFIX చైల్డ్ యాంకరేజ్ వంటి ఫీచర్లు ఉండనున్నట్లు ఊహించవచ్చు.VinFast VF5 29.6 kWh మరియు 37.23 kWh బ్యాటరీ ఆప్షన్స్తో అందించబడే అవకాశం ఉంది. ఒక చార్జ్లో సుమారు 326 కిలోమీటర్ల ప్రయాణాన్ని సాధించగలదు. ఎలక్ట్రిక్ మోటార్ 136 హార్స్పవర్ శక్తి, 125 న్యూటన్ మీటర్ల టార్క్ను ఉత్పత్తి చేస్తుంది.భారత మార్కెట్లో దీన్ని సుమారు రూ. 10 లక్షల (ఎక్స్-షోరూమ్) వద్ద ప్రారంభిస్తారని అంచనా. టాప్-స్పెక్ వేరియంట్ ధర రూ. 15 లక్షల వరకు ఉండవచ్చని భావిస్తున్నారు. మీడియా నివేదికలు ప్రకారం, ఈ SUV 2026 మధ్య నాటికి భారత మార్కెట్లో విడుదల అయ్యే అవకాశం ఉంది.
|
|