రెండంటే రెండే నెలల్లో 10 కిలోలు తగ్గేందుకు ఏం తినాలి

బరువు తగ్గాలనుకునేవారికి ముందుగా హెల్ప్ చేసేది సరైన డైట్. ఎక్కువగా ప్రోటీన్ తీసుకుంటే అనుకున్నవిధంగా బరువు తగ్గుతారు. ప్రోటీన్ అనగానే చాలా మంది నాన్‌వెజ్‌లో చికెన్, మటన్, చేపలు, గుడ్లు అంటూ తింటారు. వీటి బదులు వెజ్‌లో చాలానే ఆప్షన్స్ ఉంటాయి. వాటిని తింటే కూడా చాలా మంచి రిజల్ట్ ఉంటుంది. దానికోసం ఎక్స్‌పర్ట్ నేహా పరిహార్ షేర్ చేసిన డైట్‌ని ఫాలో అవ్వండి. సరైన విధంగా ఫాలో అయితే రెండు నెలల్లో 10 కిలోల వరకూ బరువు తగ్గుతారట.

ఉదయాన్నే డీటాక్స్ డ్రింక్‌తో పాటు నట్స్

బరువు తగ్గించడంలో హైడ్రేషన్ కీ రోల్ పోషిస్తుంది. అందుకోసం చక్కగా జీలకర్ర, వాము కలిపి నానబెట్టిన నీటిని ఉదయాన్నే తీసుకోండి. రాత్రులు హాప్ టీస్పూన్ పరిమాణంలో వేసి నానబెట్టండి. ఉదయాన్నే తీసుకోండి. ఈ నీటిని తీసుకోవడం వల్ల మెటబాలిజం ఇంప్రూవ్ అవుతుంది. మెటబాలిజం సరిగా ఉంటే బరువు ఈజీగా తగ్గుతారు. 3 నానబెట్టి బాదం, 1 వాల్‌నట్ తీసుకోండి.

బ్రేక్‌ఫాస్ట్‌లో ఏం తీసుకోవాలంటే

​బ్రేక్‌ఫాస్ట్‌లో మంచి ప్రోటీన్ రిచ్ ఫుడ్ తీసుకోవాలి. దీనికోసం 2 శనగపిండితో తయారుచేసిన చీలాస్‌ని గ్రీక్ యోగర్ట్‌తో కలిపి తీసుకోండి. దీంతో కావాల్సినంత ప్రోటీన్ అందుతుంది. దాదాపు 18 గ్రాముల ప్రోటీన్ ఈ బ్రేక్‌ఫాస్ట్‌తో అందుతుంది. కాబట్టి, హ్యాపీగా తీసుకోండి.

లంచ్‌లో ఏం తినాలంటే

కొద్దిగా పప్పు, కూరగాయలు, రోటీ, పెరుగు ఉండాలి. అన్నీ కూడా బ్యాలెన్స్‌డ్‌గా ఉండాలి. పప్పు, పెరుగుతో ప్రోటీన్, కూరగాయలతో ఫైబర్ అందుతుంది. రోటీలతో కార్బ్స్ కూడా బ్యాలెన్స్ అవుతాయి. కాబట్టి ఇలా ప్లాన్ చేసుకోండి. దాదాపు లంచ్‌లో 22 గ్రాముల ప్రోటీన్ అయినా తీసుకునేలా చూడండి.

స్నాక్ టైమ్‌లో తీసుకోవాల్సిన ఫుడ్స్

అరకప్పు వేయించిన శనగలు, సగం ఆపిల్ తీసుకోండి. లేదా 100 గ్రాము పనీర్ క్యూబ్స్‌ని కొద్దిగా వేయించి మసాలా చల్లి తీసుకోండి. వీటితో మంచి ప్రోటీన్, ఫైబర్ అందుతుంది. ఈ స్నాక్స్‌తో 8 గ్రాముల వరకూ ప్రోటీన్ అందేలా ప్లాన్ చేసుకోండి.

బరువు తగ్గించే డైట్

డిన్నర్‌లోకి తీసుకోవాల్సిన ఫుడ్స్

డిన్నర్‌లో తీసుకోవాల్సిన ఫుడ్ ఎలా ఉండాలంటే లైట్‌గా, వేడిగా ఉండేలా చూసుకోండి. ఇందులోనూ ప్రోటీన్ ఉండాలి. దీనికోసం మీరు అరకప్పు బ్రౌన్‌రైస్, అరకప్పు పెసరపప్పు, కూరగాయలతో కలిపి కిచిడీ చేసుకోండి. అరకప్పు పెరుగు. 80 గ్రాముల పనీర్ బుర్జీ తీసుకోండి. కూరగాయల్ని వేయించి తీసుకోండి. మిల్లెట్స్‌తో చేసిన రోటీని కొద్దిగా తీసుకోవచ్చు. ఇందులో దాదాపు 15 నుంచి 16 గ్రాముల ప్రోటీన్ అందుతుంది. గమనిక :ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి. తెలుగు సమయం ఈ విషయాల్ని ధృవీకరించడం లేదు. ఖచ్చితత్వం, ప్రభావానికి సమయం తెలుగు బాధ్యత వహించదు.