200MP కెమెరా వస్తుందా? Vivo X300FEపై క్రేజీ టాక్

Vivo X300FE: ప్రముఖ స్మార్ట్‌ఫోన్ బ్రాండ్ Vivo తన X300 సిరీస్‌లో మరో కొత్త మోడల్‌ను తీసుకురానున్నట్లు సమాచారం. అధికారిక ప్రకటన వెలువడకపోయినా, ఈ ఫోన్‌కు సంబంధించిన లీకులు టెక్ వర్గాల్లో చర్చనీయాంశంగా మారాయి.ఈ సిరీస్‌లో ఇప్పటికే ఉన్న Vivo X300, Vivo X300 Pro మోడళ్లకు తోడుగా ఇప్పుడు Vivo X300 FEను కంపెనీ విడుదల చేయనున్నట్లు తెలుస్తోంది. లీక్ రిపోర్టుల ప్రకారం, ఈ హ్యాండ్‌సెట్ క్వాల్కమ్ స్నాప్‌డ్రాగన్ 8 Gen 5 చిప్‌సెట్‌తో రానుంది.Vivo X300 FE ఫీచర్లు (అంచనా) లీకుల ప్రకారం Vivo X300 FE 12GB RAMతో పాటు 256GB, 512GB స్టోరేజ్ వేరియంట్లలో అందుబాటులో ఉండవచ్చు. నలుపు, నీలం రంగులలో ఈ ఫోన్ వచ్చే అవకాశముంది. ఆండ్రాయిడ్ 16 ఆధారిత కంపెనీ కస్టమ్ యూజర్ ఇంటర్‌ఫేస్‌పై ఈ డివైస్ రన్ అయ్యే అవకాశం ఉందని తెలుస్తోంది.ఇటీవలే కంపెనీ భారత మార్కెట్లో Vivo X200Tను లాంచ్ చేసింది. ఈ మోడల్ MediaTek Dimensity 9400+ చిప్‌సెట్‌తో పాటు LPDDR5X RAM, UFS 4.1 స్టోరేజ్‌తో వచ్చింది. OriginOS 6 ఆధారంగా పనిచేసే ఈ ఫోన్‌లో మెరుగైన మల్టీటాస్కింగ్, సిస్టమ్ ఆప్టిమైజేషన్లు, ఆఫీస్ కిట్ వంటి ఫీచర్లు ఉన్నాయి.అదనంగా, ఈ సిరీస్ ఫోన్లకు ఐదు సంవత్సరాల OS అప్‌డేట్స్, ఏడు సంవత్సరాల సెక్యూరిటీ అప్‌డేట్స్ అందించనున్నట్లు సమాచారం. Vivo X200Tలో 6,200mAh భారీ బ్యాటరీ ఉండి, 90W వైర్డ్ ఫ్లాష్ ఛార్జింగ్, 40W వైర్‌లెస్ ఛార్జింగ్‌కు మద్దతు ఇస్తుంది. 6.67 అంగుళాల ఫ్లాట్ డిస్‌ప్లేను మెటల్ ఫ్రేమ్‌లో అందించారు. స్టెల్లార్ బ్లాక్, సీసైడ్ లిలాక్ కలర్ ఆప్షన్లలో ఇది లభిస్తుంది.కెమెరా విభాగంలో, Vivo X200Tలో 50MP ZEISS సూపర్ టెలిఫోటో కెమెరా, IMX921 సెన్సార్‌తో కూడిన 50MP ప్రధాన కెమెరా, 50MP ZEISS అల్ట్రా వైడ్ యాంగిల్ కెమెరా ఉన్నాయి. సెల్ఫీల కోసం 32MP ఫ్రంట్ కెమెరా అందించారు.అయితే Vivo X300 FEపై పూర్తి వివరాలు కంపెనీ అధికారిక ప్రకటన తర్వాతే స్పష్టత రానున్నాయి.