అమెరికా సుప్రీం కోర్ట్ ట్రంప్ సుంకాలను రద్దు చేసింది

గత ఏడాది, ప్రపంచ దేశాలపై అమెరికా అధ్యక్షుడు డోనాల్డ్ ట్రంప్ విధించిన సుంకాలపై (గ్లోబల్ టారిఫ్స్) అమెరికా సుప్రీం కోర్ట్ తీర్పు వెలువరించింది. సుప్రీం కోర్టు, ఈ సుంకాలు చట్ట విరుద్ధమని పేర్కొని వాటిని రద్దు చేసింది.అధికారం స్వీకరించిన కొద్ది కాలానికే, డోనాల్డ్ ట్రంప్ దిగుమతులపై విస్తృత స్థాయి సుంకాలను విధించారు. వాస్తవానికి, ఈ విధానం అమలుకు అమెరికా కాంగ్రెస్ ఆమోదం అవసరం. కానీ ట్రంప్ ప్రభుత్వం 1977 అంతర్జాతీయ అత్యవసర ఆర్థిక అధికారాల చట్టం (International Emergency Economic Powers Act, IEEPA) ను ఆధారంగా తీసుకొని ఈ సుంకాలను విధించింది.అయితే, అత్యవసర పరిస్థితుల కోసం ఉద్దేశించిన చట్టాన్ని ఉపయోగించి ప్రపంచ దేశాలపై టారిఫ్‌లు విధించడం అధ్యక్ష అధికార పరిమితిని అతిక్రమించడమేనని సుప్రీం కోర్టు 6-3 మెజారిటీతో తీర్పు ఇచ్చింది. సుప్రీం కోర్టు స్పష్టంగా చెప్పింది: నేషనల్ ఎమర్జెన్సీ కోసం ఉద్దేశించిన చట్టాన్ని విస్తృత టారిఫ్‌లు విధించడానికి ఉపయోగించడం చట్ట విరుద్ధం.టారిఫ్‌లను రద్దు చేసిన తీర్పుపై ట్రంప్ స్పందిస్తూ, దీన్ని “సిగ్గుచేటు”గా పేర్కొన్నారు. అయితే, అధికారికంగా వైట్ హౌస్ నుండి ఎలాంటి ప్రకటన వెలువరించబడలేదు.సుప్రీం కోర్టులో 6–3 మెజారిటీతో ట్రంప్ సుంకాల రద్దు నిర్ణయం వచ్చేసింది. కెతంజీ బ్రౌన్ జాక్సన్, ఎలెనా కాగన్, సోనియా సోటోమేయర్, అలాగే ఎమీ కోనీ బారెట్, నీల్ గోర్సచ్, జాన్ రాబర్ట్స్ వంటి న్యాయమూర్తులు నిర్ణయానికి మద్దతు తెలిపారు. విభేదించినవారిలో బ్రెట్ కావనా, శామ్యూల్ అలీటో, క్లారెన్స్ థామస్ ఉన్నారు.IEEPA చట్టం అత్యవసర పరిస్థితుల్లో అధ్యక్షుడికి వాణిజ్యాన్ని నియంత్రించే అధికారాన్ని ఇస్తుంది. ట్రంప్ ఈ చట్టాన్ని ఫిబ్రవరి 2025లో ఉపయోగించి చైనా, మెక్సికో, కెనడా వంటి దేశాలపై 10–50% వరకు సుంకాలు విధించారు. అయితే, ఇప్పటికే 1962 ట్రేడ్ ఎక్స్‌పాన్షన్ యాక్ట్ సెక్షన్ 232 కింద స్టీల్, అల్యూమినియం, కలప, ఆటోమోటివ్ రంగాలపై విధించిన సుంకాలు రద్దు పరిధిలో ఉండవు.సుప్రీం కోర్టు తీర్పు వెలువడిన వెంటనే వాల్ స్ట్రీట్ లో సానుకూల స్పందన కనిపించింది. S&P 500 0.45%, Dow Jones 0.07%, Nasdaq 0.42% పెరుగుదల కనిపించింది.నార్త్ అమెరికా న్యూస్ విశ్లేషకులు అభిప్రాయపడుతున్నట్లే, ఈ తీర్పు ట్రంప్ అధికారాలకు ఎదురుదెబ్బ అని, అధ్యక్షుడి సుంకాలపై అపరిమిత అధికారం లేకపోవడం సూచన. ట్రంప్ దీన్ని అప్పటి నుండి వాదిస్తూ వస్తున్నారు.సంప్రదించిన ఆర్థికవేత్తలు, ఇప్పటికే వసూలు చేసిన సుంకాలను రీఫండ్ చేయాలా అనే విషయంపై అనిశ్చితి వ్యక్తం చేస్తున్నారు. అధికారిక గణాంకాల ప్రకారం, IEEPA చట్టం ద్వారా అమెరికా కస్టమ్స్ దాదాపు 130 బిలియన్ డాలర్లు సుంకాలు వసూలు చేసింది. సుప్రీం కోర్ట్ న్యాయమూర్తి బ్రెట్ పేర్కొన్నట్లు, రీఫండ్ ప్రక్రియ “గందరగోళంగా” మారే అవకాశం ఉంది.