NZ vs SA పోరులో ట్విస్ట్: వరుస వికెట్లతో మ్యాచ్ హీట్ పెంచిన బౌలర్

NZ vs SA: తొలి సెమీఫైనల్లో టాస్ కోల్పోయినా దూకుడుగా ఆరంభించాలనుకున్న దక్షిణాఫ్రికాకు అనూహ్యమైన దెబ్బ తగిలింది. సూపర్ 8 దశలో న్యూజిలాండ్ విజయాల్లో కీలక పాత్ర పోషించిన కొలే మెక్‌కొన్చీ (2/9) ఒకే ఓవర్లో రెండు వికెట్లు తీసి మ్యాచ్‌కు మలుపుతిప్పాడు.మొదటి ఓవర్లోనే సిక్సర్ బాదిన క్వింటన్ డికాక్ (10)ను అతడు మిడాన్‌లో క్యాచ్ ఇవ్వేలా చేసి ఔట్ చేశాడు. ఆ వెంటనే వచ్చిన రియాన్ రికెల్టన్ (0)ను తదుపరి బంతికే గోల్డెన్ డక్‌గా పెవిలియన్‌కు పంపాడు. దీంతో సఫారీలకు భారీ షాక్ తగిలింది. ప్రస్తుతం కెప్టెన్ ఎడెన్ మార్క్‌రమ్ (16 నాటౌట్), డెవాల్డ్ బ్రెవిస్ (15 నాటౌట్) క్రీజులో నిలదొక్కుకుని జట్టును ముందుకు నడిపిస్తున్నారు.మెక్‌కొన్చీ వేసిన ఆ ఓవరే మ్యాచ్ టర్నింగ్ పాయింట్‌గా మారింది. ఊహించని లెంగ్త్‌తో బంతులు సంధించిన అతడు డికాక్‌ను గాల్లోకి లేపేలా చేసి, ఫెర్గూసన్ చేతికి చిక్కేలా చేశాడు. తర్వాత రికెల్టన్ ఆఫ్‌సైడ్ కట్ షాట్ ఆడగా, ఫిన్ అలెన్ సులభ క్యాచ్ పట్టాడు.అనంతరం ఫెర్గూసన్ ఓవర్లో మార్క్‌రమ్ ఔటయ్యే ప్రమాదం తప్పింది. రచిన్ రవీంద్ర డైవ్ చేస్తూ క్యాచ్ ప్రయత్నించగా, బంతి నేలపై పడింది. ఆ జీవితం లభించడంతో మార్క్‌రమ్ గేర్ మార్చి దూకుడుగా ఆడడం ప్రారంభించాడు. బ్రెవిస్‌తో కలిసి స్కోర్‌బోర్డును పరుగులు పెట్టించాడు.నీషం ఓవర్లో మార్క్‌రమ్ ఒక ఫోర్, ఒక సిక్స్ బాదగా, బ్రెవిస్ రెండు ఫోర్లతో కలిపి ఆ ఓవర్లో 17 పరుగులు వచ్చాయి. పవర్‌ప్లే చివరి ఓవర్లో ఫెర్గూసన్ కట్టుదిట్టంగా బౌలింగ్ చేసి కేవలం మూడు పరుగులే ఇచ్చాడు. ఆరు ఓవర్లు ముగిసేసరికి దక్షిణాఫ్రికా 2 వికెట్ల నష్టానికి 48 పరుగులు చేసింది.