టి20 ప్రపంచకప్‌లో గందరగోళం.. నిర్వాహకులను నిలదీసిన గవాస్కర్

టి-20 ప్రపంచకప్ చివరి దశకు చేరుకుంది. ఆదివారం జరగనున్న ఫైనల్ మ్యాచ్‌లో న్యూజిలాండ్, భారత్ జట్లు తలపడనున్నాయి. ఈ నేపథ్యంలో మ్యాచ్ నిర్వహణపై భారత క్రికెట్ దిగ్గజం Sunil Gavaskar తీవ్ర అసంతృప్తి వ్యక్తం చేశారు.మ్యాచ్ జరుగుతున్న సమయంలో మైదానంలో అనవసర వినోద కార్యక్రమాలు నిర్వహించడం సరికాదని ఆయన వ్యాఖ్యానించారు.ఇటీవల జరిగిన సెమీ ఫైనల్ మ్యాచ్‌లో భారత్, ఇంగ్లండ్‌పై విజయం సాధించిన సంగతి తెలిసిందే. ఆ మ్యాచ్‌లో కీలక సమయంలో భారత స్టార్ బౌలర్ Jasprit Bumrah అద్భుతమైన బౌలింగ్‌తో ఇంగ్లండ్ బ్యాటర్లను కట్టడి చేశాడు. ఇన్నింగ్స్ 16వ ఓవర్‌లో ఇంగ్లండ్ బ్యాటర్ బెతెల్ స్ట్రైక్‌లో ఉన్న సమయంలో, మూడో బంతి వేయడానికి బుమ్రా సిద్ధమవుతుండగా స్టేడియంలో డీజే ద్వారా “బూమ్ బూమ్ బుమ్రా” అంటూ భారీ సౌండ్స్ వినిపించాయి.ఈ సంఘటనపై గవాస్కర్ అసంతృప్తి వ్యక్తం చేశారు. మ్యాచ్ మధ్యలో ఇలా సౌండ్స్ ప్లే చేయడం వల్ల బౌలర్ ఏకాగ్రత దెబ్బతినే ప్రమాదం ఉందని ఆయన అభిప్రాయపడ్డారు.“మ్యాచ్ చూడటానికి వచ్చిన ప్రేక్షకులను ఉత్సాహపరచడం ఒక విషయం. కానీ ఓవర్ మధ్యలో డీజే సౌండ్స్ ప్లే చేయడం మాత్రం సరైంది కాదు. ఇది వరల్డ్ కప్ మ్యాచ్ కాబట్టి ఆటగాళ్ల ఏకాగ్రత చాలా ముఖ్యమైనది,” అని గవాస్కర్ అన్నారు.అలాగే గతంలో వెస్టిండీస్‌తో జరిగిన మ్యాచ్ సమయంలో నిర్వహించిన లేజర్ షోపై కూడా ఆయన విమర్శలు చేశారు. అలాంటి ప్రకాశవంతమైన లైటింగ్ వల్ల ఆటగాళ్ల కళ్లపై ప్రభావం పడే అవకాశం ఉందని పేర్కొన్నారు. “లేజర్ షో ముగిసిన తర్వాత కాసేపు మైదానంలో చీకటి అనిపిస్తుంది. అలాంటప్పుడు బ్యాటర్లకు బంతిని గమనించడం కష్టమవుతుంది,” అని ఆయన వివరించారు.ఇలాంటి వినోద కార్యక్రమాలు అవసరమైతే లీగ్ దశలో నిర్వహించవచ్చని, కానీ నాకౌట్ మ్యాచ్‌లలో మాత్రం ఆటపై దృష్టి పెట్టాలని గవాస్కర్ సూచించారు. “ఎంటర్‌టైన్‌మెంట్ కావాలంటే ఐపీఎల్ వంటి టోర్నమెంట్లు ఉన్నాయి. వరల్డ్ కప్ నాకౌట్ దశలో మాత్రం ఆటగాళ్లపై ఒత్తిడి మరింత ఎక్కువగా ఉంటుంది,” అని ఆయన పేర్కొన్నారు.