Oppo K14x 5G కొత్త వేరియంట్ విడుదల.. 6500mAh బ్యాటరీతో బడ్జెట్ ఫోన్

Oppo K14x 5G స్మార్ట్‌ఫోన్‌కు కొత్త వేరియంట్ మార్కెట్‌లోకి వచ్చింది. ఈ మోడల్‌ను కంపెనీ ఈ ఏడాది ఫిబ్రవరిలో విడుదల చేయగా, ఇప్పుడు మరో ర్యామ్–స్టోరేజ్ ఎంపికను అందుబాటులోకి తీసుకొచ్చింది.కొత్తగా విడుదలైన వేరియంట్ 4GB ర్యామ్, 64GB స్టోరేజ్‌తో వస్తోంది. భారత మార్కెట్‌లో ఈ వేరియంట్ ధర రూ.12,999గా నిర్ణయించారు. ఇప్పటికే ఈ ఫోన్ 4GB + 128GB మరియు 6GB + 128GB వేరియంట్‌లలో అందుబాటులో ఉండగా, వాటి ధరలు వరుసగా రూ.14,999 మరియు రూ.16,999గా ఉన్నాయి.బ్యాంక్ ఆఫర్ల పరంగా ఎంపిక చేసిన డెబిట్, క్రెడిట్ కార్డులపై రూ.750 వరకు తక్షణ తగ్గింపు అందిస్తున్నారు. అలాగే మూడు నెలల వరకు నో-కాస్ట్ ఈఎంఐ ఆప్షన్ కూడా వినియోగదారులకు లభిస్తోంది. ఈ స్మార్ట్‌ఫోన్‌ను ఒప్పో అధికారిక వెబ్‌సైట్‌తో పాటు Flipkart ద్వారా కొనుగోలు చేయవచ్చు. ఇది ఐస్ బ్లూ, ప్రిజమ్ వైలెట్ రంగుల్లో అందుబాటులో ఉంది.ఫీచర్ల విషయానికి వస్తే, ఈ ఫోన్ 120Hz రిఫ్రెష్ రేట్‌తో 6.75 అంగుళాల హెచ్‌డీ ప్లస్ LCD డిస్‌ప్లేను కలిగి ఉంది. స్క్రీన్ బ్రైట్‌నెస్ 1125 నిట్స్ వరకు ఉంటుంది. అలాగే ఈ ఫోన్ IP64 రేటింగ్‌తో వస్తుంది.పర్ఫార్మెన్స్ కోసం ఈ స్మార్ట్‌ఫోన్‌లో MediaTek Dimensity 6300 చిప్‌సెట్, ARM Mali-G57 MC2 GPU ఉన్నాయి. ఇది గరిష్టంగా 6GB వరకు LPDDR4x ర్యామ్, 128GB వరకు UFS 2.2 స్టోరేజ్‌తో అందుబాటులో ఉంటుంది. కనెక్టివిటీ పరంగా డ్యూయల్ సిమ్, వైఫై 5, బ్లూటూత్ 5.4, యూఎస్‌బీ టైప్-సీ పోర్ట్, 3.5 మిమీ ఆడియో జాక్ వంటి ఫీచర్లు ఉన్నాయి. అలాగే BeiDou, GPS, GLONASS, గెలీలియో, QZSS నావిగేషన్ సపోర్ట్ కూడా కలదు.కెమెరా విషయానికి వస్తే, ఇందులో డ్యూయల్ రియర్ కెమెరా సెటప్ ఉంది. ప్రధానంగా 50 మెగాపిక్సెల్ మెయిన్ కెమెరా, 2 మెగాపిక్సెల్ డెప్త్ సెన్సార్‌ను అందించారు. సెల్ఫీల కోసం ముందుభాగంలో 5 మెగాపిక్సెల్ కెమెరా ఉంది.బ్యాటరీ పరంగా ఈ ఫోన్ 6500mAh సామర్థ్యంతో వస్తోంది. అలాగే 45W వైర్డ్ ఫాస్ట్ ఛార్జింగ్‌కు కూడా మద్దతు ఇస్తుంది. దీంతో తక్కువ ధరలోనే ఎక్కువ బ్యాటరీ సామర్థ్యంతో ఈ ఫోన్ వినియోగదారులను ఆకట్టుకుంటోంది.