సముద్రంలో ఢీకొన్న క్రూయిజ్ షిప్లు!
national | Suryaa Desk | Published : Sat, Dec 21, 2019, 06:42 PM
మెక్సికోలో పర్యాటకులతో వెళ్తున్న ఓ క్రూయిజ్ షిప్ మరో షిప్ను ఢీకొట్టింది. దీంతో ప్రయాణికులు భయంతో భయంతో కేకలు పెట్టారు. స్థానిక కాలమానం ప్రకారం.. శుక్రవారం ఉదయం 8.30 గంటలకు మెక్సికో పోర్టుకు వస్తున్న కార్నివల్ గ్లోరీ అనే క్రూయిజ్ షిప్.. డాక్లో నిలిపి ఉన్న మరో కార్నివల్ లెజెండ్ షిప్ను ఢీకొట్టింది.కార్నివల్ గ్లోరీని డాక్లోకి నిలిపేందుకు తీసుకెళ్తుండగా సముద్రంలో తీవ్రమైన గాలులు వీచాయి. దీంతో షిప్ అదుపు తప్పింది. కార్నివల్ గ్లోరీ షిప్ వెనుక భాగం.. కార్నివల్ లెజెండ్ షిప్ ముక్కు భాగంలోకి చొచ్చుకెళ్లింది. ఫలితంగా కార్నివల్ గ్లోరీలోని డైనింగ్ రూమ్ అద్దాలు పగిలి పూర్తిగా దెబ్బతింది. ప్రమాద సమయంలో కార్నివల్ గ్లోరీలో 800 మంది పైగా ప్రయాణికులు, సిబ్బంది ఉన్నారు. ఈ ఘటనలో ఒకరికి గాయాలైనట్లు అధికారులు తెలిపారు.ప్రమాదం సమయంలో ఏర్పడిన భారీ శబ్దాలకు ప్రజలు బెంబేలెత్తిపోయారు. కొంతమంది భయంతో కేకలు పెట్టారు. ఈ ప్రమాదక ఘటనను కొంతమంది వీడియోలు తీసి సోషల్ మీడియాలో పోస్టు చేశారు. కార్నివల్ గ్లోరీలో ఒకేసారి 3వేల మంది ప్రయాణికులు, వెయ్యి మంది సిబ్బంది ప్రయాణించవచ్చు. లగ్జరీ సదుపాయలు కలిగిన ఈ క్రూయిజ్ షిప్ ప్రపంచంలోని ప్రముఖ పర్యాటక ప్రాంతాలను చుట్టి వస్తుంది.
|
|