ట్రెండింగ్
రైతులకు మద్దతుగా రాజధాని గ్రామాల్లో బాబు టూర్
Andhra Pradesh Telugu | Suryaa Desk | Published : Mon, Dec 23, 2019, 11:13 AM
ప్రతిపక్షంలో ఉన్నా మాది రైతు పక్షమే అని తెదేపా అధినేత చంద్రబాబు నాయుడు తెలిపారు. నేడు రైతు దినోత్సవం సందర్భంగా ఆయన ట్విటర్ ద్వారా రైతులకు శుభాకాంక్షలు తెలిపారు. రైతుల కోసం మాజీ ప్రధాని చౌదురీ చరణ్ సింగ్ చేసిన ఉద్యమాలు, తెచ్చిన సంస్కరణలు చిరస్మరణీయమన్నారు. ఆయన జయంతిని జాతీయ రైతు దినోత్సవంగా జరుపుకుంటున్న వేళ రైతులకు శుభాకాంక్షలు చెప్పారు.
‘‘సమాజానికి అన్నం పెట్టే రైతుల రుణం తీర్చుకోడానికి.. గత ఐదేళ్ల తెదేపా హయాంలో అన్నదాతల ఆనందానికి బాటలువేసి, రైతు ప్రభుత్వంగా గుర్తింపు తెచ్చుకున్నాం. అన్నివేళలా మీకు తెదేపా అండగా ఉంటుందని ఈ రైతు దినోత్సవ వేళ మరోసారి గుర్తుచేస్తున్నాను’’అని చంద్రబాబు ట్వీట్లో పేర్కొన్నారు.
మూడు రాజధానుల ప్రతిపాదనకు నిరసనగా అమరావతి ప్రాంతంలో రైతులు చేస్తున్న ధర్నాకు చంద్రబాబు మద్దతుగా రాజధాని గ్రామాల్లో పర్యటించనున్నారు.
|
|