ట్రెండింగ్
రాయచోటి అభివృద్ధికి రూ.2వేల కోట్లు ఖర్చు: సీఎం జగన్
Andhra Pradesh Telugu | Suryaa Desk | Published : Tue, Dec 24, 2019, 04:25 PM
రాయచోటి అభివృద్ధికి రూ.2వేల కోట్లు ఖర్చు చేస్తున్నామని ముఖ్యమంత్రి వైఎస్ జగన్మోహన్రెడ్డి అన్నారు. రాయచోటిలో పలు అభివృద్ధి పనులకు శంకుస్థాపన అనంతరం ఏర్పాటు చేసిన సభలో జగన్ మాట్లాడారు. తాగు, సాగు నీటి కోసం రాయచోటి అల్లాడుతోందన్నారు. వైఎస్ తర్వాత ఏ ఒక్క సీఎం రాయచోటిని పట్టించుకోలేదన్నారు. కాలేటివాగు రిజర్వాయర్ సామర్థ్యం పెంచుతున్నామన్నారు. తాగునీటి పైప్లైన్లు, డ్రైనేజీ పనుల కోసం రూ.349 కోట్లు కేటాయిస్తున్నామన్నారు. 50 పడకల ఆస్పత్రిని 100 పడకలకు పెంచుతున్నామన్నారు. రాయచోటిలో రూ.36 కోట్లతో రెండు రెసిడెన్షియల్ స్కూళ్లు ఏర్పాటు చేస్తున్నామన్నారు. ముస్లింల అభివృద్ధి కోసం వక్ఫ్ బోర్డుకు 4 ఎకరాల స్థలం కేటాయిస్తున్నామన్నారు.
|
|