ట్రెండింగ్
గుడ్లను నిలబెట్టి.. గిన్నీస్ రికార్డ్!
Andhra Pradesh Telugu | Suryaa Desk | Published : Sat, Jun 20, 2020, 10:29 AM
ఒక గుడ్డును నిలబెట్టడం మనకు అంత కష్టమేమి కాదు. అయితే, ఆ గుడ్డుపై మరో గుడ్డును నిలబెట్టడమే కష్టం. అలా చేయాలంటే ఎంతో ఏకాగ్రత, ఓర్పు ఉండాలి. అయితే, మలేషియాలోని కౌలాలంపూర్కు చెందిన మహ్మద్ మక్బెల్ అనే 20 ఏళ్ల యువకుడు ఏకంగా మూడు గుడ్లను ఒకదానిపై ఒకటి నిలబెట్టి ఆశ్చర్యపరిచాడు. సుమారు ఐదు సెకన్ల పాటు వాటిని కిందపడకుండా ఆపగలిగాడు. దీంతో మక్కెల్ రికార్డును గిన్నీస్ బుక్ గుర్తించింది. చాలా తక్కువ సమయంలో ఎంతో సులభంగా వాటిని ఒకదానిపై ఒకటి నిలబెట్టేశాడు. ఆ సమయంలో ఒక్క గుడ్డు కూడా పగలకపోవడం గమనార్హం. గుడ్లను ఇలా ఒకదానిపై ఒకటి నిలబెట్టేందుకు తన వద్ద చిన్న ట్రిక్ ఉందని మక్బెల్ చెప్పాడు. జిడబ్ల్యుఆర్ నిబంధనల ప్రకారం గుడ్లు తాజాగా ఉంటేనే ఇలా చేయడం సాధ్యమవుతుందని తెలిపాడు.
|
|