ట్రెండింగ్
బుర్హన్ వానీ వర్ధంతి సందర్భంగా జమ్మూకశ్మీర్లో హైఅలర్ట్
Andhra Pradesh Telugu | Suryaa Desk | Published : Fri, Jul 07, 2017, 12:13 PM
జమ్మూకశ్మీర్ : జమ్మూకశ్మీర్లో పోలీసులు హైఅలర్ట్ ప్రకటించారు. హిజ్బుల్ కమాండర్ బుర్హన్ వానీ ప్రథమ వర్ధంతి సందర్భంగా జమ్మూకశ్మీర్లో వేర్పాటువాదులు ఆందోళనలు చేసే అవకాశాలున్నాయన్న సమాచారంతో పోలీసు యంత్రాంగం అప్రమత్తమైంది. వానీ హతమైన జులై 8న హిజ్బుల్ ఉగ్రవాదులు కశ్మీర్ యువకులను తమ సంస్థలో చేర్చుకునేందుకు ప్రయత్నాలు చేస్తున్నట్లు సమాచారం. సుమారు 200 మంది యువకులను రిక్రూట్ చేసుకుని.. పోలీసుల నుంచి ఆయుధాలను దొంగిలించడమే లక్ష్యంగా పెట్టుకున్నట్లు తెలుస్తుంది. ఈ క్రమంలో దక్షిణ కశ్మీర్లో ఇంటర్నెట్ సేవలను నిలిపివేశారు. విద్యాసంస్థలకు సెలవులు ప్రకటించారు. ఎలాంటి అవాంఛనీయ ఘటనలు చోటు చేసుకోకుండా ఉండేందుకు చర్యలు తీసుకుంటున్నామని పోలీసు ఉన్నతాధికారులు ప్రకటించారు.
|
|