మంత్రి బొత్సకు వైసీపీ ఎమ్మెల్యే ఝలక్..
Andhra Pradesh Telugu | Suryaa Desk | Published : Mon, Feb 08, 2021, 11:48 AM
ఏపీ మంత్రి బొత్స సత్యనారాయణ ఇలాఖాలో రచ్చ మెుదలైంది. పంచాయతీ ఎన్నికలవేళ నెల్లిమర్ల నియోజకవర్గ వైసీపీలో వర్గ విబేధాలు భగ్గుమన్నాయి. నెల్లిమర్ల నియోజకవర్గంలో బొత్స కుటుంబ సభ్యులు అయిన ఎమ్మెల్యే బడ్డుకొండ అప్పలనాయుడు, బొత్స లక్షణరావులు రెండు వర్గాలుగా విడిపోయారు. మంత్రి బొత్స సోదరుడు లక్షణరావు పై ప్రస్తుత ఎమ్మెల్యే బడ్డుకొండ అప్పలనాయుడు తీవ్ర స్థాయిలో మండి పడ్డారు. టీడీపీతో కుమ్మకై పార్టీని దెబ్బ తీస్తున్నారంటూ ధ్వజమెత్తారు.
అన్నకి, వదినకి, మరో సోదరుడికి పదవులున్నా చాలక, లక్ష్మణ రావు గ్రూపు రాజకీయాలు చేస్తున్నారంటూ ధ్వజమెత్తారు. లక్ష్మణరావు గ్రూపు రాజకీయాలపై మంత్రి బొత్సకి ఫిర్యాదు చేసినా పట్టించుకోవడం లేదన్నారు. అందువల్లే అధిష్టానంకి ఫిర్యాదు చేస్తానని హెచ్చరించారు. డబ్బులు ఎక్కువైతే దాన ధర్మాలు చేయాలి తప్ప, సొంత పార్టీలో చిచ్చు పెడతారా అంటూ మండిపడ్డారు. ప్రస్తుతం ఎమ్మెల్యే బడ్డుకొండ వ్యాఖ్యలు జిల్లాలో తీవ్ర రాజకీయ చర్చకు దారి తీశాయి.
|
|