ఇదేం సినిమా పిచ్చిరా బాబు!
national | Suryaa Desk | Published : Fri, Apr 30, 2021, 11:38 AM
సినిమాలో రౌడీలుగా అవకాశం పొందాలని భావించిన నలుగురు యువకులు రీల్ సీన్ ను రియల్ గా చేసి కటకటాల వెనక్కి వెళ్లారు. సినిమాల పిచ్చితో రోడ్డుపై వెళ్తున్న వ్యక్తులను అడ్డగించి కత్తులతో విచక్షణ రహితంగా నరికి బీభత్సం సృష్టించారు. ప్రముఖ వెబ్ సైట్ కథనం ఆధారంగా ఈ ఘటన తమిళనాడు తిరువళ్లూరు సమీపంలో చోటు చేసుకుంది. ప్రవేట్ కంపెనీలో హెఆర్ మేనేజర్లుగా పని చేస్తున్న వినోద్(36), విజయకుమార్(41) లు విధులు ముగించుకుని బుధవారం రాత్రి బైక్ పై ఇంటికి బయలుదేరారు.
అయితే తిరువళ్లూరు సమీపంలోని కలియనూర్ వద్ద నలుగురు యువకులు వీరిని అడ్డగించి బైక్ లాక్కున్నారు. వారిపై కత్తులతో దాడి చేశారు. అనంతరం కలియనూర్ గ్రామానికి వెళ్లి అక్కడ కత్తులతో హల్చల్ సృష్టించారు. విషయం తెలుసుకున్న పోలీసులు ఘటనా స్థలానికి చేరుకుని ప్రాణాపాయ స్థితిలో ఉన్న బాధితులను ఆసుపత్రికి తరలించారు.
నిందితులైన కలియనూర్ గ్రామానికి చెందిన సూర్య(21), ఏకాటూరు గ్రామానికి చెందిన సునాల్(24), పాక్కుపేట గ్రామానికి చెందిన సతీష్(19), కడంబత్తూరు చెందిన భాగవత్(25)లను విచారించిన పోలీసులకు వారు చెప్పిన మాటలు షాక్ కు గిరి చేశాయి. సినిమాల్లో రౌడీలుగా రాణించాలని తమకు ఆశ ఉందని, అందుకే ఇలా చేశామని చెప్పారు. సినిమా పిచ్చితో ఎదుటి వారి ప్రాణాలతో చెలగాటమాడిన ఆ నలుగురిని పోలీసులు అరెస్ట్ చేశారు.
|
|