అధికారం అడ్డం పెట్టుకుని గెలిచారు: జగన్
Andhra Pradesh Telugu | Suryaa Desk | Published : Mon, Aug 28, 2017, 02:44 PM
హైదరాబాద్: నంద్యాల ఉప ఎన్నికల ఫలితాల్లో ఓటమి అనంతరం వైఎస్ఆర్సీపీ అధ్యక్షుడు జగన్మోహన్రెడ్డి మీడియా సమావేశం నిర్వహించారు. ఈ సందర్భంగా ఆయన మాట్లాడుతూ విచ్చలవిడిగా డబ్బులు పంపిణీ చేశారు. నంద్యాల ప్రజలను భయబ్రాంతులకు గురిచేశారు. ప్రలోభాలు, భయబ్రాంతులకు మధ్య కష్టపడ్డ కార్యకర్తలకు కృతజ్ఞతలు తెలిపారు. వైఎస్ఆర్సీ పార్టీ విలువలకు కట్టుబడి ఉంది. అన్నింటిని తట్టుకుని నిలబడ్డ శిల్పా సోదరులకు నా హాట్సఫ్. చంద్రబాబుది విజయం అనుకుంటే పొరపాటు. ఇది దిగజారుడు రాజకీయం మాత్రమే. ఎన్నికల్లో హామీలు ఇచ్చి తరువాత మోసం చేయడం చంద్రబాబుకు అలవాటే. సాధారణ ఎన్నికలు కాదు కాబట్టే టీడీపీ విజయం సాధించింది. చంద్రబాబు అధికారం అడ్డం పెట్టుకుని గెలిచారు. రేషన్ కార్డులు, ఆధార్కార్డులు లాక్కొని ఓట్లు వేయించుకున్నారు. నంద్యాల ఉప ఎన్నికల్లో చంద్రబాబు రూ.200 కోట్లు ఖర్చు చేశాడు. నంద్యాల ఉప ఎన్నిక వచ్చే ఎన్నికలకు రెఫరెండం కాదు. ఫిరాయింపు ఎమ్మెల్యేలతో రాజీనామా చేయించి ఎన్నికలు నిర్వహించాలి. ఆ ఎన్నికలను రిఫరెండంగా భావిస్తాంమని సవాల్ విసిరారు.
|
|