బిపిన్ రావత్ ప్రయాణించిన హెలికాప్టర్ ప్రత్యేకతలివే
national | Suryaa Desk | Published : Wed, Dec 08, 2021, 03:56 PM
భారత చీఫ్ ఆఫ్ డిఫెన్స్ స్టాప్ కుటుంబంతో కలిసి ప్రయాణించిన Mi-17V-5 ఒక మిలిటరీ రవాణా విమానం. ఇది Mi-8/17 కుటుంబానికి చెందినది. రష్యన్ హెలికాప్టర్స్ కు చెందిన సబ్సిడరీ అయిన కజాన్ హెలికాప్టర్స్ ఈ హెలికాప్టర్ ను తయారు చేసింది. ఈ హెలికాప్టర్ ప్రపంచంలోనే అత్యాధునిక రవాణా హెలికాప్టర్. ఈ హెలికాప్టర్ లను భద్రతాబలాగాల రవాణాకు, అగ్నిప్రమాదాల కట్టడితో పాటు కాన్వాయ్ ఎస్కార్ట్గా, పెట్రోలింగ్ విధుల్లో, గాలింపు, రక్షణ ఆపరేషన్లలో వినియోగిస్తున్నారు.
ఈ Mi-17V-5 హెలికాప్టర్ల కోసం 2013 ఫిబ్రవరిలో రక్షణ శాఖ తొలి ఆర్డర్ చేసింది. రష్యన్ హెలికాప్టర్స్ నుంచి మొత్తం 80 హెలిక్యాప్టర్ల కొనుగోలు కోసం భారత రక్షణ శాఖ 2008 డిసెంబర్ లో 1.3 బిలియన్ డాలర్ల డీల్ కుదుర్చుకుంది. రష్యన్ హెలికాప్టర్స్ 2011 నుంచి హెలికాప్టర్లను డెలివరీ చేయడం మొదలుపెట్టింది. 2013 ప్రారంభం వరకు మొత్తం 36 హెలికాప్టర్లను డెలివరీ చేసింది. 2012, 2013 మధ్యకాలంలో 71 Mi-17V-5 హెలికాప్టర్ల కోసం భారత రక్షణ శాఖ, రొసొబరోనెక్స్పోర్ట్ మధ్య అంగీకారం కుదిరింది. ఈ రొసొబరోనెక్స్పోర్ట్.. ఆఖరి బ్యాచ్ Mi-17V-5 హెలికాప్టర్లను 2018 జూలైలో డెలివరీ చేసింది. కాగా, ఈ Mi-17V-5 హెలికాప్టర్ల రిపేర్ అండ్ సర్వీసింగ్ సౌకర్యాన్ని ఇండియన్ ఎయిర్ ఫోర్స్ 2019 ఏప్రిల్లో ప్రారంభించింది.
|
|