పాల్వంచ రామకృష్ణ హత్య కేసులో ఎమ్మెల్యే కుమారుడు వనమా రాఘవ అరెస్ట్

పాల్వంచ రామకృష్ణ హత్య కేసులో ఆరోపణలు ఎదుర్కొంటున్న వనమా రాఘవ ను హైదరాబాద్ కొత్తగూడెం పోలీసులు అరెస్ట్ చేసారు. వనమా రాఘవేంద్రరావుపై 302, 306, 307 సెక్షన్ల కింద కేసులు నమోదు చేశారు. తన కుమారుడిపై వచ్చిన ఆరోపణలపై రాఘవ తండ్రి ఎమ్మెల్యే వనమా వెంకటేశ్వర్లు కూడా స్పందించారు. ఎలాంటి విచారణకైనా సహకరిస్తామని స్పష్టం చేశారు.
కొత్తగూడెం జిల్లా పాల్వంచలోని పాతబజార్‌కు చెందిన రామకృష్ణ కుటుంబంతో సహా ఈ నెల 3న ఆత్మహత్యకు పాల్పడ్డాడు . రామకృష్ణ, అతని భార్య శ్రీలక్ష్మి, కుమారులు, సాహితీ, సాహితీ కూడా బలవన్మరణానికి పాల్పడ్డారు. తమ ఆత్మహత్యకు వనమా రాఘవేంద్రరావు కారణమంటూ రామకృష్ణ ఆత్మహత్యకు ముందు సెల్ఫీ వీడియో తీసుకోగా.. అది బయటకు వచ్చింది. అప్పుడు  తీసిన సెల్ఫీ వీడియో ఇప్పుడు ప్రకంపనలు సృష్టిస్తోంది. ఈ వీడియోలో రామకృష్ణ ఆత్మహత్యకు గల కారణాలను వివరించారు. కొత్తగూడెం ఎమ్మెల్యే వనమా వెంకటేశ్వరరావు తనయుడు వనమా రాఘవేంద్రరావుపై తీవ్ర ఆరోపణలు చేశారు. తనను మానసికంగా వేధించారని వనమా రాఘవ ఆవేదన వ్యక్తం చేశారు
నీ భార్యను నా దగ్గరికి పంపిస్తే నువ్వు అడిగిన పని చేసి పెడతా.. లేకపోతే ఒక్కడు కూడా నీకు సాయం చేసేందుకు ముందుకు రాడని బెదిరించాడు. రాజకీయ, ఆర్థిక బలంతో పబ్బం గడుపుకోవాలని చూశారు అని రామకృష్ణ వీడియోలో తెలిపారు. తాను చనిపోతే నా భార్య, పిల్లలు వదలరు. అందుకే వారితో కలిసి ఆత్మహత్య చేసుకుంటున్నాడు. తన సోదరుడు, సోదరి కూడా ఇబ్బంది పడ్డారని చెప్పారు. వనమా.. భార్యను హైదరాబాద్ కు తీసుకెళ్తే సమస్య పరిష్కరిస్తానని చెప్పాడు. వారి వల్ల మానసిక క్షోభకు గురై కుటుంబంతో సహా ఆత్మహత్యకు పాల్పడుతున్నట్లు తెలిపారు.