ఈత సరదా ఇద్దరు యువకుల ప్రాణం తీసింది
Andhra Pradesh Telugu | Suryaa Desk | Published : Tue, Feb 08, 2022, 11:32 AM
ఈత సరదా ఇద్దరు యువకుల ప్రాణాలను బలిగొంది. ముసునూరు మండలం లోపూడి గ్రామానికి చెందిన ఆకుల రాజశేఖర్ (27), పాకనాటి రాంబాబు (22) సోమవారం తమ్మిలేరులో ఈతకు దిగి, ప్రమాదవశాత్తూ నీటిలో మునిగి మృతి చెందారు. ఇందుకు సంబంధించిన వివరాలు ఇలా ఉన్నాయి.. అక్కిరెడ్డిగూడెం వీఆర్వో ఆకుల హరిబాబు కుమారుడు రాజశేఖర్, పాకనాటి వెంకటరత్నం కుమారుడు రాంబాబు మరో నలుగురు స్నేహితులతో కలిసి సోమవారం 11 గంటల సమయంలో లోపూడి గ్రామ సమీపంలోని తమ్మిలేరు చెక్డ్యామ్లో ఈతకు దిగారు. అక్కడ నీటి లోతు ఎక్కువగా ఉండటంతో రాజశేఖర్, రాంబాబు మునిగిపోయారు. స్నేహితులు వారిని కాపాడే ప్రయత్నం చేసినా ఫలితం లేకపోయింది. స్నేహితులిచ్చిన సమాచారంతో ఎస్సై రాజారెడ్డి సిబ్బందితో ఘటనాస్థలానికి వచ్చి, స్థానికుల సహకారంతో మృతదేహలను వెలికితీశారు. ఈ దుర్ఘటనతోలోపూడిలో విషాదఛాయలు అలముకున్నాయి. తహసీల్దార్ జోజి, పోలీసులు శవ పంచనామా నిర్వహించి, మృతదేహాలను పోస్టుమార్టం నిమిత్తం నూజివీడు ప్రభుత్వ ఆసుపత్రికి తరలించారు.
|
|