ఐఫోన్‌పై భారీ ఆఫర్..ఇదే మంచి తరుణం

యాపిల్ ఐఫోన్ కొనాలనుకొనే వారికి ఇదే మంచి అవకాశం. ఐఫోన్ ఎస్ఈ (iPhone SE) మొబైల్‌ ప్రస్తుతం మంచి డిస్కౌంట్‌తో లభిస్తోంది. ఈ ఫోన్ కొనాలని ప్లాన్ చేసుకుంటున్న వారికి ఓ భారీ ఆఫర్ అందుబాటులో ఉంది. ఐఫోన్ ఎస్ఈపై ప్రస్తుతం 26శాతం డిస్కౌంట్ అందిస్తోంది ఈకామర్స్ సైట్ ఫ్లిప్‌కార్ట్. దీంతో పాటు ఎక్చ్సేంజ్ ఆఫర్లు, బ్యాంక్ ఆఫర్లు కూడా ఉన్నాయి. సాధారణంగా ఐఫోన్ ఎస్ఈ 64జీబీ స్టోరేజ్ వేరియంట్ ధర రూ.39,900 కాగా 26 శాతం డిస్కౌంట్‌తో ప్రస్తుతం రూ.29,299కు అమ్మకానికి ఉంది. అయితే ఈ ఫోన్‌ను రూ.14వేలలోపు ధరతోనే దక్కించుకునే అవకాశం కూడా ఉంది. 

ఐఫోన్‌ ఎస్ఈపై ఫ్లి‌ప్‌కార్ట్ ఆఫర్లు

26శాతం డిస్కౌంట్‌తో కలిపి 64జీబీ ఐఫోన్ ఎస్ఈ ధర రూ.29,900గా ఉంది. అంటే రూ.10,601 డిస్కౌంట్ లభిస్తోంది. అయితే iPhone SEకి భారీ ఎక్చ్సేంజ్ ఆఫర్ కూడా అందిస్తోంది Flipkart. పాత ఫోన్‌ను ఇచ్చి ఎక్స్చేంజ్ ద్వారా రూ.15,500 వరకు అదనపు డిస్కౌంట్ పొందే అవకాశం కూడా ఉంది. ఇది కూడా కలిపితే ఐఫోన్ ఎస్ఈని రూ.13,799కే సొంతం చేసుకోవచ్చు. అంటే రూ.14వేలలోపు ధరతోనే ఐఫోన్ ఎస్ఈ 64జీబీ మోడల్‌ను దక్కించుకోవచ్చన్న మాట. అయితే పాత ఫోన్ మోడల్, పనితీరు, కండీషన్‌ను బట్టి ఎక్స్చేంజ్ డిస్కౌంట్ లభిస్తుంది. అన్ని విషయాల్లో బెస్ట్‌గా ఉంటే గరిష్ఠ ఎక్చ్సేంజ్ ఆఫర్ దక్కుతుంది. మరోవైపు ఫ్లిప్‌కార్ట్ యాక్సిస్ బ్యాంకు కార్డులపై అదనంగా 5శాతం అన్‌లిమిటెడ్ క్యాష్‌బ్యాక్ లభిస్తుంది. అలాగే యూపీఐ ట్రాన్సాక్షన్‌పై రూ.200 ఆఫర్ ఉంది. మరోవైపు ప్రస్తుతం సిటీ బ్యాంక్ క్రెడిట్, డెబిట్ కార్డులపై 10శాతం డిస్కౌంట్ లభిస్తోంది. మరోవైపు ఐఫోన్ ఎస్ఈ 128జీబీ స్టోరేజీ వేరియంట్ ధర ప్రస్తుతం ఫ్లిప్‌కార్ట్‌లో 21శాతం డిస్కౌంట్‌తో రూ.35,299గా ఉంది.

iPhone SE కీలక స్పెసిఫికేషన్లు

4.7ఇంచుల రెటీనా హెచ్‌డీ ఎల్‌సీడీ డిస్‌ప్లేతో ఐఫోన్ ఎస్ఈ వస్తోంది. ఏ13 బయోనిక్ ప్రాసెసర్‌తో ఈ ఫోన్ నడుస్తుంది. వెనుక ఎఫ్/1.8 అపాచెర్‌తో 12 మెగాపిక్సెల్ వైడ్ ప్రధాన కెమెరా ఉంది. పోట్రయిట్, అడ్వాన్స్ బొకే, డెప్త్ కంట్రోల్ సహా వివిధ కెమెరా ఫీచర్లు ఉంటాయి. అలాగే వీడియో కాల్స్, సెల్ఫీల కోసం 7 మెగాపిక్సెల్ ఫ్రంట్ కెమెరా ఉంది. ఓ ఫిజికల్ నానో సిమ్, మరో ఈసిమ్ వినియోగించుకోవచ్చు. 4జీ ఎల్‌టీఈ, 3జీ, వైఫై 6, బ్లూటూత్ వీ5.0, ఎన్‌ఎఫ్‌సీ కనెక్టివిటీ ఆప్షన్లు ఉన్నాయి. ఇక వాటర్, డస్ట్ రెసిస్టెంట్ కోసం iPhone SEలో ఐపీ67 రేటింగ్ కూడా ఉంది.