క్రూడ్ పామాయిల్‌పై కస్టమ్స్ డ్యూటీ తగ్గించిన కేంద్రం

నిత్యవసర ధరలు ఆకాశానంటున్న తరుణంలో  కేంద్రం ప్రజలకు ఉపసమనం కలిగించే నిర్ణయం తీసుకొంది. పెరుగుతోన్న వంట నూనెల ధరలకు చెక్ పెట్టేందుకు మోదీ ప్రభుత్వం కీలక నిర్ణయం తీసుకుంది. క్రూడ్ పామాయిల్‌పై ఉన్న కస్టమ్స్ డ్యూటీని తగ్గిస్తున్నట్టు కేంద్ర ప్రభుత్వం ప్రకటించింది. శనివారం ఈ మేరకు ఓ ప్రకటన చేసింది. క్రూడ్ పామాయిల్‌పై ఉన్న కస్టమ్స్ డ్యూటీని 5.5 శాతానికి తగ్గిస్తున్నట్టు కేంద్ర ప్రభుత్వం పేర్కొంది. ఈ నిర్ణయం పెరుగుతోన్న వంట నూనెల ధరలను తగ్గించనుంది. ఈ నిర్ణయం కస్టమర్లకు ఊరటగా మారనుంది.  ప్రస్తుతం వ్యవసాయ మౌలిక సదుపాయాల అభివృద్ధి సెస్ క్రూడ్ పామాయిల్‌పై 5 శాతం విధించనున్నట్టు శనివారం అధికారిక నోటిఫికేషన్‌లో పేర్కొంది. అంతకుముందు ఇది 7.5 శాతంగా ఉంది. ఈ తగ్గింపు తర్వాత, క్రూడ్ పామాయిల్‌పై కస్టమ్ డ్యూటీని కూడా 8.25 శాతం నుంచి 5.5 శాతానికి తగ్గిస్తున్నట్టు చెప్పింది. ఈ రేట్ల తగ్గింపుతో, ధరలు క్వింటాకు రూ.280 మేర తగ్గనున్నాయని ట్రేడర్లు చెప్పారు. ప్రభుత్వం అంతకుముందు కూడా వంటనూనెలపై ఉన్న దిగుమతి సుంకాన్ని తగ్గించింది. భారత్ వంటనూనెల అవసరాలలో 60 శాతం ఇతర దేశాల నుంచి దిగుమతి చేసుకుంటోంది. ఇండోనేషియా, మలేషియాలు మనకు కీలక సప్లయిదారులుగా ఉన్నాయి. శనివారం మార్కెట్లలో ఉన్న హోల్‌సేల్ ధరలు ఒక్కో క్వింటాకు మస్టర్డ్ ఆయిల్ సీడ్స్.. రూ.8350-రూ.8380, గ్రౌండ్‌నట్.. రూ.5825-రూ.5920, గ్రౌండ్‌నట్ ఆయిల్ మిల్ డెలివరీ(గుజరాత్) - రూ.12,900, గ్రౌండ్‌నట్ సాల్వెంట్ రిఫైన్డ్ ఆయిల్ 2050 - ఒక్కో టిన్ రూ.2,175,  మస్టర్డ్ ఆయిల్ దాద్రి - క్వింటాకు రూ.16,600, మస్టర్డ్ పక్కి ఘాని - ఒక్కో టిన్ రూ.2,450-రూ.2500, మస్టర్డ్ కచ్చి ఘాని - ఒక్కోటిన్ రూ.2650-రూ.2745, నువ్వుల నూనె మిల్ డెలివరీ - రూ.16,700 -రూ.18,200, సోయాబీన్ ఆయిల్ మిల్ డెలివరీ ఢిల్లీ -రూ.14,100, సోయాబీన్ మిల్ డెలివరీ ఇండోర్ - రూ.13,850, పామాయిల్ ఆర్‌బీడీ, ఢిల్లీ -రూ.13,600, పామాయిల్ ఎక్స్-కాండ్లా - రూ.12,500(జీఎస్టీ లేకుండా), సోయాబీన్ గ్రెయిన్ - రూ.6750 - రూ.6800, సోయాబీన్ లూజ్ - రూ.6550-రూ.6690, మైజ్ మీల్(సరిస్కా) - రూ.4000