కొరినా మచాడో చేసిన పనికి సంతోషపడ్డ ట్రంప్
international | Suryaa Desk | Published : Sat, Jan 17, 2026, 06:17 PM
వెనెజువెలా ప్రతిపక్ష నేత మరియా కొరినా మచాడోను ఈ ఏడాది నోబెల్ శాంతి పురస్కారం వరించిన విషయం తెలిసిందే. అయితే, మచాడో ఈ అవార్డును అమెరికా అధ్యక్షుడు డొనాల్డ్ ట్రంప్ కు అందజేశారు. ప్రపంచ దేశాల మధ్య ఇటీవల జరిగిన 8 యుద్ధాలను ట్రంప్ ఆపేశాడని, ఈ పురస్కారం ఆయనకే చెందాలని మచాడో ఈ సందర్భంగా వ్యాఖ్యానించారు. అమెరికాలో పర్యటించిన మచాడో.. వైట్ హౌస్ లో తన నోబెల్ శాంతి బహుమతి మెడల్ తో పాటు వెనెజువెలా ప్రజల తరఫున ఓ లేఖను కూడా ట్రంప్ కు అందజేశారు.నోబెల్ శాంతి బహుమతి ఆశించి భంగపడ్డ ట్రంప్ కు ఈ చర్య ఎంతగానో సంతోషాన్నిచ్చింది. అద్భుతమైన మహిళ అంటూ మచాడోను పొగడ్తలతో ముంచెత్తిన ట్రంప్.. ఆమెకు ఓ రెడ్ బ్యాగ్ ను కానుకగా అందజేశారు. వైట్ హౌస్ నుంచి మచాడో తిరిగి వెళుతున్నపుడు ఆమె చేతుల్లో కనిపించిన రెడ్ బ్యాగ్ లో ఏముందనేది ఆసక్తికరంగా మారింది. ఈ విషయంపై అధికారికంగా ట్రంప్ కానీ మచాడో కానీ ఏ విషయం వెల్లడించలేదు. అయితే, ట్రంప్ తనకోసం వైట్ హౌస్ కు వచ్చే ప్రత్యేక అతిథులకు ఈ రెడ్ బ్యాగ్ ను గిఫ్ట్ గా అందిస్తారు.ట్రంప్ రెడ్ బ్యాగ్ లో మేక్ అమెరికా గ్రేట్ అగైన్ క్యాప్షన్, ట్రంప్ సంతకంతో కూడిన రెడ్ కలర్ క్యాప్, 2025 జనవరి 20వ తేదీ ముద్రించిన డైట్ కోక్ బాటిల్, అమెరికా క్యాపిటల్ భవనం స్కెచ్తో, బంగారు అక్షరాలు ముద్రించిన ఎరుపు రంగు లెదర్ డైరీ, ట్రంప్, జేడీ వాన్స్ బొమ్మలతో కూడిన మెడల్, వైట్ హౌస్ కీ చైన్, క్రిస్మస్ ఆర్నమెంట్, ట్రంప్ ముఖచిత్రంతో కూడిన నకిలీ 100 డాలర్ల నోటు, ఒక చిన్న గోల్డ్ పిన్ ఉంటాయి
|
|